Nrʼoéli Niná kʼianga bʼetsʼoalai. Je Biblia kʼoatso nga “je Jeobá chrian tíjnale ngatsʼi je xi nchja̱le, ngatsʼi xi ñaki ni̱ma̱le nroajinni nga nchja̱le [...], kʼoa nrʼoéle kʼianga síjéle nganʼio” (Salmo 145:18, 19).

Mele Niná nga kʼoétsʼoalai. Je Biblia itsoná: “Tojmenibe xi machjénno, tijélao Niná, tʼetsʼoalao, kʼoa tʼailao kjoanda. Kʼoasʼin katasʼejinle Niná jme xi nijáo” (Filipenses 4:6).

Makjáojin kjoaixile Niná xi tʼatsi. Kuenta sʼín Niná je kjoa xi bitjatojin, jme xi nikjáojin kʼoa mele koasenkaoli. Je Biblia itso: “Je tikʼamio ngayije kjoanikjáojinno, nga̱ je tísíkuindano” (1 Pedro 5:7).