Ji xi síni josʼin kuijnai nichxin xi sʼa nroa
Jela 3,500 nó tjínle nga kʼoakitsole Jeobá je chjota xi je tsabexkón jmeni xi tjínnele kisʼin nga nda tsakatio. I kitsole: “Tisikatíobasenno kjoabijnachon kao kjoabiya, kjoanichikontʼain kao kjoañʼai. Tjínneno kui chjoéjion je kjoabijnachon ánni nga kuiyochonsíño, jon kʼoa kao ntje̱no” (Deuteronomio 30:19).
Kʼianga nda tsakatio chjota jebi, tjínnele nda kiskoejin jme xi kisʼin. Kʼoa kʼoati tjínnená sʼiaan tsanda ñá. Je Biblia kʼoatsoná jotjínnele sʼiaan nga nda kuiyoaa nichxin xi sʼa nroa. Itso: “Nga tsjoacha koa̱on je Jeobá Nináno, nga kuinóʼyao énle” (Deuteronomio 30:20).
JÓSʼIAIN NGA TSJOACHA KOAI̱N JE JEOBÁ KʼOA NGA KUINÓʼYALAI
KATAʼYAI JOTSO JE BIBLIA. Kʼianga tsjoacha koai̱n je Jeobá machjén nga jchai jotso je Biblia xi tʼatsʼe. Jchaní nga kʼoatso je Biblia nga nʼio tsjoakená je Jeobá kʼoa nga kui xi mele nga ndasʼin kuiyoaa. Kʼoati mele nga kʼoétsʼoalai, nga̱ mandosinle xi tʼatsi (1 Pedro 5:7). Tsa kjoásjai je Niná, je Biblia kʼoatso nga kʼoati sichriantʼali tsanda je (Santiago 4:8).
KʼOATʼIAIN JMENI XI TSO JE BIBLIA. Tsa meli nga kuinóʼyalai je Niná, machjén nga kʼuíntjenngi jmeni xi tso je Biblia. “Tsa kʼoasʼiain ndasʼin kuijnai kʼoa kui xi ndatjín kʼoasʼiain” (Josué 1:8).
^ párr. 7 Jenkjín én jaʼatoya, jolani inglés, chino mandarín kao chino cantonés.
Tsa kʼoati meli jchai xi tʼatsʼe jebi
XO̱N XI BÁJINKONNÁ
Ji xi síni josʼin kuijnai nichxin xi nroaján
Tjínkʼa xi kʼoasʼin makjainle nga to jetjínndajin jmeni xi koa̱nle kʼoa tjíokʼa xi kʼoasʼin síkjaʼaitsjen nga je Niná xi kʼoatso josʼin kʼoéjna. A kʼoatjín.
