JÓSʼIAAN NGA TSÍN XÍNGIAA KOA̱NJTICHAA
1 | Ali chjotajin chjaʼajin
Je Biblia itso:
“Niná tongóson fikao ngatsʼi. Tojñani sonʼnde, je xi tsokjónke Niná, xi sʼín xi kjoakixi, Niná tjaokení” (HECHOS 10:34, 35).
Xi tsoyanile:
Je Jeobá * alikui kui fini jñani tsaan, jña kitjenñá, josʼin tsen yaoná kʼoa josʼin nganá. Tosaa kui kuenta sʼín josʼin nikjaʼaitsjeen kao jotjío tokoán, nga̱ kui xi ngisa chjíle. Je Biblia itso: “Je chjota tokui kotsenle jmeni xi beni xko̱n; tonga je Jeobá kui kotsenle jotjín je ni̱ma̱le chjota” (1 Samuel 16:7).
Kʼoatʼiain jebi:
Ningalani tsín ʼyaa jotjío ni̱ma̱le chjota, koaan kʼoasʼiaan josʼín je Jeobá nga tsín ʼya xi bʼasjengi. Tongóson sʼin jchatokuin chjota. Tsa chʼaosʼin nikjaʼaitsjain tʼatsʼe xi kjaʼaí chjota, tobʼelañá, jñani kitjenni kʼoa jñani tsʼe, tijélai Niná nga katabasenkaoli nga tsín ʼya xi chʼa̱sjengi kʼoa nga tsín tikʼoasʼin si̱kjaʼaitsjenni (Salmo 139:23, 24). Ali jaojin bʼai tokuin nga je koasenkaoli (1 Pedro 3:12).
^ párr. 6 Jeobá ʼmi jaʼaínle Niná (Salmo 83:18).
“Nisañandiajinla nda fikoa jngo chjota xi chikon kji […]. Tonga ndʼaibi yaa tijnajinle je xi ñaki ndsʼe̱ fáo xi tjío jngo tjíjtsa Sonʼnde” (TITUS).
