A tsakʼexkianí je Xo̱n xi Bájinkonná xi chriansʼa kitjo. A koaanli kʼoasí jmeni xi kjonangi ibi:

Jméni xi bakóyaná je Biblia tʼatsʼe nga machoyale Niná nga kjoañʼai chjaʼá.

Kʼianga choʼnda sʼin tsakatio je chjota israelita ya Egipto, aon kisʼe kon je Niná nga tsabe jokji kjoañʼai jaʼatojin je choʼndale (Éx. 3:7; Is. 63:9). Kʼianga kʼoasʼin kisindaná Niná jokjoan je, kʼoati koa̱nná koakoá kjoanda. Kʼoati tsín nda sʼe kon je Niná kʼianga kjoañʼai chjaʼá, ninga kʼia nga kʼoasʼin nikjaʼaitsjeen nga tsín bakinná nga koakoná je kjoatsjoacha (wp18.3, p. 8, 9).

Jósʼin tsakasenkao Jesús je chjota nga tsín xínkjín kʼoasjengi.

Nga nichxinle Jesús nʼio tsakʼasjengi xínkjín je chjota judío. Je Jesús jngo kjoafaʼaitsjen xi nʼio chjíle tsakakóya nga tjínnele nangitokon koa̱n je chjota, nga̱ xkoa̱ya sʼin síkatíoná je kjoangʼakon, kʼoakitsole je chjotale nga tjínnele jo ndsʼe̱ sʼin skoe̱kon xínkjín (w18.06, p. 9, 10).

Jmé xi bakóyaná jmeni xi koanle je Moisés, nga tsín koan jaʼasʼen ya ʼNde jña tsakʼinle nga kʼoaile.

Je Moisés nʼio miyole koanni je Jeobá (Deut. 34:10). Ñachanla nó koanskanni, kʼianga tojeme fikjetʼa nga tjíotsoma ya ʼndekixí, je chjota israelita ijngokʼá tsakjayojéetʼale je Moisés nga tsínle nandá. Je Jeobá kʼoakitsole je Moisés nga katafákao je na̱xi̱. Tonga je Moisés alikui kʼoakisʼin, tosaa to tsakale je na̱xi̱. Nʼio koanjtile je Jeobá xi kao je Moisés, tsakui nichxin kuinga tsín kisitjoson jmeni xi kitsole kʼoa tsakuije̱ nga tsín je tsakʼasjengʼa (Núm. 20:6-12). Jebi kui bakóyaná nga nʼio chjíle nga je Jeobá nitjosonlee kʼoa nga je chʼasjengʼaa (w18.07, p. 13, 14).

Jméni xi koa̱nná tsa tokui kjuinñá josʼin tsen yaole je chjota.

Jan koya tjínni anni nga sakʼoa likui tongóson nikaoñá je xíngiaa: josʼin tsen yaole kʼoa jñani tsʼe, tsa tjínle tao̱n kʼoa tsa mai, kʼoa kao jotjín nóná. Nʼio chjíle nga kʼoatisʼin jchatokoán je xi kjaʼaí josʼin bekon je Jeobá (Hech. 10:34, 35) (w18.08, p. 8-12).

Jósʼin koa̱n tsjoánganʼio ya jinjtín je ndsʼee xi jekoanjchínga.

Nga bʼantjaiya josʼin tíjna jngo chjotale Cristo xi jechjotajchínga, tojo chjí bekon je Jeobá kʼoa binyakaoná tsanda ñá. Ngisaa male josʼin binyakao je xʼinle tichjaa xi tsín testigole Jeobá ma, xi jekisikatío xále Niná, tsjoále estudio je chjota kʼoa nkjín koya josʼin tsoyason (w18.09, p. 8-11).

Jméni xi nʼio nichjén nga bakoyaa.

Xi nichjén kui je tarjeta de contacto, invitación, je tratado xi jin mani, je Xo̱n xi Bájinkonná kao je ¡Despertad! Kʼoati tjíoná je foyeto, jao libro xi bʼainilee estudio je chjota, kʼoa ño mani je video, jolani je xi Ánni nga machjénsíni nga chótʼayá je Biblia ʼmi (w18.10, p. 16).

Jméni xi tjínnele sʼin jngo chjotale Cristo nga koatse je xi kixi, tojo tso Proverbios 23:23.

Alikui machjén nga tao̱n kʼoee nga sʼe̱ná je xi kixi. Tonga machjén nga si̱kʼayaa je nichxinná kao nganʼioná nga sʼe̱ná (w18.11, p. 4).

Jméni xi bakóyaná josʼin tsabekon je chjoónle Oseas, je xi Gómer tsakʼin.

Nkjín kʼa kisichajngi je Gómer. Tonga kisichatʼale je Oseas kʼoa tosi tonda tsakʼejnakao. Kʼiatsa sichajngitʼale xínkjín xi jechixan, xi chjotale Cristo ma, je xi tsín jme jée kasʼele, koaan sichatʼa. Kʼiatsa kjoáyokao ijngokʼá je xínkjín, jelikui tikoa̱n tsjiónni xínkjín (w18.12, p. 13).