Nkjín ndsʼee xi kui síchjén nga tsoyason jmeni xi faʼaitʼa jña fitsʼiani je página jw.org. Ngisaa choa ñʼai male nga síkasénle chjota, kui bakóya nga tíbitjoson jmeni xi tso Biblia. Jngo tichjaa xi i̱ kitso: “Nʼio nda basenkaoná josʼin ʼmiyasoán ndʼaibi”.

Nga kjitʼa bʼantjaiya jmeni xi faʼaitʼa ya página jña fitsʼiani, jñáni koa̱nsjainá xi sa jeya jaʼaitʼa.

• Ya página jña fitsʼiani, ya tisennelai jñani “Kataʼyasai” tso, tiyaa faʼaitʼani. Kʼoa yaa faʼaitʼa ngayeje artículo xi jesa ya kisatiotʼa.

• Jña fitsʼiani página jw.org kʼoati ya koa̱nsjainá je xi chriansʼa kisatiotʼa ya jw.org kʼoa tsa ya JW Library^®, tisennelai jñani “Xo̱n kao grabación” tso, xijekoa̱n ya jñani “Nkjín koya nchja̱ni xi faʼaitʼa i̱bi” tso kʼoa xijekoa̱n ya tisennelai jñani “Xi nchja̱sani” tso, yaa koa̱nsjaili je artículo xi jesa ya kisatiotʼa ya página jña fitsʼiani.