Kʼianga kjoásjaiyaa jmeni xi tso je Biblia kʼoasʼin koa̱nsjaininá je én xi nʼio chjíle. Jméni xi kuenta sʼiaan nga kjoásjaiyaa.

Kuenta sʼiaan jotso jña tibʼexkiaa. Jolani, ʼyáni xi kiski, kʼiáni kiski kʼoa ʼyáni xi kiskile. Jókoanchon nga kui nichxin, jmé xi koan nga tongini kʼoa nga koanskanni.

Si̱kjaʼaitsjenjiaan jmé xi bakóyaná. Kjoásjaiyaa jebi: “Jókisatio kon chjota xi bʼaxki̱ jña tibʼexkia. Jókoankjoan kʼoa ánni ndatjínni nga skenngile. Jñáni nga tsín nda kisʼin kʼoa ánni nga tsín koa̱n kui skenngiña”.

Kʼoasʼiaan jme xi koa̱njinná kʼianga ʼmiyasoán kʼoa jonikoaa chjota. Tsa kʼoasʼiaan, kʼoasʼin timangíntjenngiaa jotso Salmo 107:​43, jñani tso: “Je xi chjine kuenta sʼin kjoa jebi”.

• Xi koa̱n sʼiaan: Koaan kʼoatisʼin chótʼayá tojo nʼia nga satíoná kjoajtín nga jinle xomana kʼianga chotʼayajiaan “Én xi nʼio chjíle xi nya Biblia”. Nga xki̱ xomana, faʼaitʼa je kjoachjonangi, faʼaitʼa jmeni xi koa̱n si̱kjaʼaitsjenjiaan kao sén xi koa̱n chótʼayajiaan.