Jaon, tsa tsín tjen ndiaale nga ya tsakatio, machjén nga jngo comité judicial sʼe̱ndale nga̱ jmeni xi kisʼin kui xi bakó nga kjoachajngi kisʼe (1 Cor. 6:18).

Je xi chjotajchínga sʼin tjío nʼio nda skósonnile tsa machjén nga jngo comité judicial sʼe̱nda. Tobʼelañá, a jetjíomakao xínkjín. A saje tsakʼaile kjoafaʼaitsjen josʼin tjínnele skoe̱kon xínkjín. Ánni nga ya ñatjen tsakationi nga jenjio. A toxá kʼoasʼin tsakʼéndajinni. Axo tsín tikoan xin kini, a kuinga ya ñatjen tsakationi (Ecl. 9:11). Jñáni tsakjayo. Nga kjaʼaí kjaʼaí ma nga jngó jngó kjoa, je xi chjotajchínga sʼin tjío tjínnele kuenta sʼin jmesani xi kjaʼaínile.

Kʼianga jesʼe̱jinle je xi chjotajchínga sʼin tjío jmeni xi koan kʼiaa kʼoendajin tsa machjén nga jngo comité judicial sʼe̱nda.