Sakʼoa tsín kʼoamaná nga tse nichxin nikʼayalee nga chotʼayá Biblia. Jméni xi koa̱n sʼiaan. Xi títjon, nda si̱chjén nichxin xi nikʼayaa nga chotʼayá. Ngisaa nda nga tochoa kʼoéxkiaa tonga nga ñaki nda si̱jinlee yaoná tikʼoajinni tsa nʼio tse jmeni xi kʼoéxkiaa tonga tsa tsínni koa̱njinná.

Kuenta sʼiaan jméni xi ngisa tjínle kjoandosin (Efes. 5:15, 16). Koaan i̱ sʼiain:

• Nyaon nyaon tʼexkiai Biblia (Sal. 1:2). Koaan kui kʼoéxkiai je capítulo xi chotʼayajiaan nga satíoná kjoajtín, xi bʼakaole nga kui xomana.

• Tongini chótʼayajin jmeni xi faʼa nga satíoná kjoajtín. Jolani jña chotʼayajiaan Xo̱n xi Bájinkonná kao jmeni xi faʼa nga satíoná kjoajtín nga jinle xomana. Tongini tijnandai jmeni xi sí nga kʼoai comentarioli (Sal. 22:22).

• Tsa kʼoakoa̱nli nga ngisasa tse chótʼayai, kui chótʼayajin jmesani xi síkasénná naxinandále Niná, jolani revista, video kao jmeni xi satíotʼa ya jw.org.

• Tʼendajin josʼin chótʼayai. Koaan kui tjasjaiyai jméni xi koasenkaoli tsa kjoa tibitjatojin, tsa jme xi tsín majinli, kʼoa tsakui jmeni xi nchja̱ni Biblia xi meli nga ngisa nda koa̱njinli. Koa̱nsjaisali kjoafaʼaitsjen ya jñani “Actividades para estudiar la Biblia” tso, xi faʼaitʼa ya jw.org.