Tʼexkiai Daniel 9:​1-19, nga jchai nga nʼio chjíle nga nda chotʼayajiaan je Énle Niná.

Tjasjaiyai jmeni xi koan nga tongini kʼoa nga koanskanni. Jméni xi koan nga tongini kʼoa jósʼin tsakʼetʼale Daniel (Dan. 5:29–6:5). Jókisʼe tokuin tsa jilani xi kʼoakoantʼain.

Chótʼayajin jmeni xi tsín ʼyai. Jñánile je libro xi kiskotʼayajin Daniel (Dan. 9:​2, nota; w23.08 4 párr. 7). Ánni tsakʼéyanajmínile Niná je Daniel jñani tsín nda kisʼin kʼoa jmeni xi kisʼin je naxinandá (Lev. 26:​39-42; 1 Rey. 8:​46-50; dp-S 182-184). Kʼianga tsakʼétsʼoa je Daniel, jósʼin tsakakó nga nda kiskotʼayajin je Énle Niná (Dan. 9:​11-13).

Jméni xi bakóyali. Tikjaʼaitsjenjin jebi:

• Jmé xi sʼian nga tsínkui nʼio sikjáojian tʼatsʼe jme xi chon sonʼnde (Miq. 7:7).

• Jósʼin koasenkaona tsa nda skotʼayajian je Énle Niná tojo kisʼin je Daniel (w04-S 1/8 12 párr. 17).

• Jméni xi koa̱n skotʼayajian tsa mena nga tjenyatokon koatejna ngantsjai (Mat. 24:​42-44; w12-S 15/8 5 párr. 7, 8).