Kʼiatsa mená nga sa̱sénle Jeobá xi tʼatsaan machjénní nga koa̱nkjainná xi tʼatsʼe. Ya Biblia kʼoatso nga tsín tongatsʼi chjota nga “makjainle” (2 Tes. 3:2). Kʼianga kʼoakitso én jebi je pastro Pablo jé kinchja̱ni “chjota xi chʼao sʼín kao chjotatsʼen” xi kitjenngike. Nga kjoamakjain kinchja̱ni kʼoati je xokitsole je chjota xi tsín makjainle nga Niná kisinda jmeni xi tjín (Rom. 1:20). Kʼoati tjínkʼa xi kʼoatso nga tíjna jngo xi ngisa tse nganʼio tjínle tikʼoajinni ñá, tonga alikui kʼoasʼin tíjna nga makjainná xi tʼatsʼe Jeobá.

Kʼiatsa mená nga sa̱sénle Jeobá xi tʼatsaan tjínnele ñaki kʼoéjngoaa tokoán nga tíjna kʼoa nga síchikontʼain xi makjainle tʼatsʼe (Heb. 11:6). Nga makjainná jngoo kjoanda xi tʼatsʼe nganʼiotsje nroani. Machjén nga kʼoétsʼoalee Jeobá nga si̱jélee je nganʼiotsjele (Luc. 11:​9, 10, 13). Tonga kʼoati machjén nga kʼoéxkiaa je Biblia, nga̱ kui nganʼiotsjele Jeobá kisichjén nga kichji, si̱kjaʼaitsjenjiaan jmeni xi bʼexkiaa kʼoa si̱tjosoán. Kʼiatsa kʼoasʼiaan, kui nganʼiotsjele Jeobá koasenkaoná nga koa̱nkjainná xi tʼatsʼe.