XI NGISA TÍNCHJA̱NI REBISTA JEBI
Xi sinʼio tokoán nga kjoaba kasokóná
“Ali chjiʼndájin ʼndínaa, Niná be jméni xi ngisa nda”
Jé xotsakʼinle jngo chjoón xi Bebe ʼmi kʼianga kijnakʼien je nʼaile, xi karro kisikʼien ya carretera.
Jé xokitsole jngo chjoón xi miyole mani familiale Bebe kʼoa kui xi mele nga nda sʼe̱ kon je Bebe. Tonga ʼndele nga koasenkao jmeni xi tsakʼinle tosa tokisikiʼaon nga̱ nʼio tsjoake koan je nʼaile. Kjitʼaa nga i̱ tso xi kiskonangile yaole je Bebe: “Jósʼin nga ngisa nda koan nga kʼoakoan”. Xi jejaʼato nó jngo libro tsakʼétʼaxo̱n jotsakʼinle, kʼoa kui xi bakó nga tojo aon male nga kʼien nʼaile.
Jokoan je Bebe kui xi bakóná nga nʼio tse chajinniná je kjoaʼaon kʼianga jngo xíngiaa mʼe, ngisaa tsa jngo xíngiaa xi nʼio tjentʼalee. Je Biblia kʼoatso nga je kjoabiya jé “kontra[...] xi fetʼani” (1 Corintios 15:26). Alikui bájinkonná je kjoabiya, toxijña faʼainená. Aliʼya xi tjoʼale yaole. Alikui tiʼyañá jonʼia kʼianga jngo xíngiaa biya.
Tsakui nichxin i̱si: “Jókji tse chajinniná je kjoaba. Jméni xi koa̱n sʼiaan nga chókjoakaoná. Jósʼin kuisenkoaa je xi kjoaba tjíojin. A tjínle kjoachoya xíngiaa xi jekʼien”.
Tsa kʼoati meli jchai xi tʼatsʼe jebi
XO̱N XI BÁJINKONNÁ (XI CHOTʼAYA)
A chʼaotjín nga chjiʼndá
Jmé xi sʼiaan kʼiatsa ʼya xi kʼoasʼin síkjaʼaitsjen nga tsín ndatjín jotinʼia nga tjín xi kabiyaná.
