“A ngisa tsjoachanái kaoni tsa jebi”
“Simón, ʼndíle Jonás, a ngisa tsjoachanái kaoni tsa jebi” (JUAN 21:15).
KJOAJNDA 32, 45
1, 2. Jméni xi koanjinle Pedro kʼianga tsʼajndale nitje̱n tsʼasjengindá jti̱.
ÑANDIA kʼianga ñato chjotale Jesús, xi jti̱ kikʼasjengindá nga nitje̱n ya ndáchikon Galilea, tonga lijme jti̱ kisokole. Kʼianga jekisʼesén, je Jesús yaa tjen ndainandá tíkotsennile kʼoa i kitsole: “Chjóao naʼya, cha̱nijinndáo ya ngakixile chitso, kʼoa sa̱kono. Kʼia kiskanijinndá naʼyale, likui koan kitjoéminile nga kʼoasʼin tonkjín mani jti̱ xi kisinya” (Juan 21:1-6).
2 Je Jesús kitsjoale jti̱ kao nioxtila xi tsakjen je chjotale. Kʼoa xijekoan, kiskotsenle je Simón Pedro kʼoa kitsole: “Simón, ʼndíle Jonás, a ngisa tsjoachanái kaoni tsa jebi”. Je Jesús be nga tsjoake Pedro nga jti̱ bʼasjengindá. Kuinga kʼoakitsonile tsa ngisa tsjoake je Jesús kao jmeni xi kitsoya tikʼoajinni nga jti̱ bʼasjengindá. Je Pedro kitsole Jesús: “Señor, ji ʼyai nga tsjoake̱le” (Juan 21:15). Je Pedro koanjinle nga ngisa tjínnele tsjoake koa̱n je Jesús tikʼoajinni tojmeni. Nga nʼio kitsoyason kʼoasʼin tsakakóni nga tsjoake koan je Jesús. Nʼio koanchjén nganʼio xi kitsjoa Pedro ya jtín xi tsʼe chjotale Cristo.
3. Jméni xi si̱kuindalee yaoná xi chjotale Cristo maa.
3 Jméni xi bakóyaná jme xi kitsole Jesús je Pedro. Tjínnele nga si̱kuindaa yaoná kʼoa nga tsín kʼoaiʼndee nga kuinjenyʼán je kjoatsjoacha xi tjínná xi kao Cristo. Je Jesús be nga nʼio tse kjoanikjáojin tjín kʼoa nga kjoa tjín i̱ Sonʼnde. Kʼianga tsakʼéyanajmí Jesús xi tʼatsʼe chjota xi na̱xi̱n tsakʼéntje, kʼoakitso nga tjínkʼa chjota xi kao kjoatsjoa kjuinrʼoé je “én xi tsʼe kjoatéxomale ngʼajmi”. Tonga kʼoati kitso kʼianga jekoa̱nskanni nga je “kjoachʼanacha xi tsʼe kjoanyiná” kao jmeni xi chon sonʼnde, kʼoenjiojin kjoafaʼaitsjenle nga tsín tikao kjoatsjoa kjuinrʼoéni (Mateo 13:19-22; Marcos 4:19). Kʼiatsa tsín si̱kuindaa yaoná, je kjoanikjáojin xi sʼená kui xosikaoná nga tsín tinda si̱xánilee je Jeobá. Kuinga i̱ kitsosínile Jesús je chjotale: “Tikuindao yaono nga tsín tsa kui ai ska̱le ni̱ma̱no kao kjoachi̱nga̱ kao kjoachʼi̱, kʼoa kao ngayije kjoa xi ai xi tsʼe i̱ sonʼndebi” (Lucas 21:34).
4. Jméni xi koasenkaoná nga jchaa tsa tínjenyʼán je kjoatsjoacha xi tjínná kao Cristo (chótsenlai sén xi fitsʼiani kjoaʼmiya jebi).
4 Tojo kisʼin Pedro, tjínnele nga kui títjon si̱kʼéjnaa nga kʼuínyasoán, kʼoasʼin koakoñá nga tsjoachaa je Cristo. Jósʼin jchañá tsa tosi tonda kʼoatinʼia. Koaan chjónangilee yaoná jebi: “Jméni xi ngisa chjí ʼbetokoan. Jméni xi tsjoa bʼé tokoan. A kuinga je Jeobá tisixále axo kuinga kjaʼaí xá sʼian”. Kʼianga koa̱njinná jebi, janla koya kataʼyaa jmeni xi sikinjenyʼán je kjoatsjoacha xi tjínná kao Cristo: Je xá, je kjoasʼetsaojin kʼoa kao je tsojmi xi tjín sonʼnde.
KʼOASʼIN JCHATOKOÁN JE XÁ JOSʼIN TJEN NDIAALE
5. Jmé xá xi kjinele je xi jko̱ tjíole ya yaniʼya.
5 Kʼianga jti̱ tsakʼasjengindá je Pedro, alikui tsa totsakʼétsaojin nga kʼoakisʼinni, kui kʼoakisʼinni nga familiale tsakajngiʼa. Nichxin xi tiyoaa ndʼaibi, je xi jko̱ tjíole yaniʼya kʼoati tjínnele koa̱njngíʼa je familiale, nga̱ kui xá tsakánele je Jeobá (1 Timoteo 5:8). Kʼianga kuitjosonle xá jebi, tjínnele nga nʼio sixá. Kʼianga jenichxin fetʼa tiyoaa, tsakui nichxin nʼio sikjáojin xi tʼatsʼe xá.
6. Ánni nga nʼio bijtajin sakʼoanile chjota je xá.
6 Nichxin xi tiyoaa ndʼaibi, nʼio nkjín chjota xi ngaʼi̱ ngaján bajngixá nga̱ tsín tisokónile je xá xi male. Kʼoa saʼnda síxáchjoale xínkjín. Kʼoa nkjín chjota xi tse ora síxáson ninga tochoa machjíle. Xi ijngosani, tjín empresa jñani nʼio tse xá tjínle, tonga tochoa chjota tsjoáxále. Kʼoa yaa nroani nga nʼio síkjáojin chjota xi ya síxá, bijtajinle kʼoa saʼnda sokóchʼinle. Nʼio nkjín xi kjoanʼio sítjoson jmeni xi bʼéne je naile tojoni nga tsín sicha xále.
Xi chjotale Cristo maa, kixi mangíntʼalee Jeobá tikʼoajinni tojmeni
7, 8. 1) ʼYáni xi ngisa kixi mangíntʼalee tikʼoajinni tsa jmeni. 2) Jméni xi kisʼin jngo ndsʼee xi Tailandia tsʼe nga kisixá.
7 Ñá xi chjotale Cristo maa, jé Jeobá xi ngisa kixi mangíntʼalee tikʼoajinni je nainá Lucas 10:27). Kuinga nixáñá nga bijnyiʼá yaoná kʼoa nga tosi tonda je Jeobá si̱xálee. Tonga tsa tsín si̱kuindaa yaoná, alikui tindasʼin si̱xánilee je Jeobá. Kataʼyala jmeni xi bakóyaná je choa̱le jngo ndsʼee xi Tailandia tsʼe. Itso: “Computadora tsakʼendaya, ninga nʼio nda xá jebi, nʼio tse nichxin tsakjáʼana. Saʼnda tsín tikoanʼanina nga xále Niná kisʼian. Chaan koanjinna nga tjínnele sikʼantjaiya je xána kʼiatsa mena nga kui títjon sikʼéjna je Chjotaxále Niná”. Jméni xi kisʼin ndsʼee jebi.
kʼoa tsa xi kjaʼaí chjota (8 Itso: “Ñanóla kichomani nga nyʼán tsakatena ya ʼnyo kaye. Nga títjon, tochoa tao̱n kinjena kʼoa nʼio kinroajen tokoan. Kʼianga tsabena je chjota xi ñatjen kisixá, tsakijnokena kʼoa kʼoakitsona nga ngisa nda je xá xi kisʼian nga computadora tsakʼendaya tikʼoajinni nga nyʼán batena. Kʼoakixinle Jeobá nga katabasenkaona nga katakana kʼoa nga ngisa tse nichxin sʼe̱na nga je sixále. Xijekoanni, ndi̱toon tsaʼbe josʼin tsjoake nyʼán je chjota kʼoa ngisaa nda kisikjoan. Kʼoa nyaon nyaon koanchjí ngayeje je nyʼán xi kisinda. Ndʼaibi ngisaa nda njena tikʼoajinni nga computadora tsakʼendaya. Ngisaa tsjoa tjínna, nga̱ tsín ʼya xi tibʼénenina jme xi sʼian kʼoa tsín tinʼio sikjáojinña. Kʼoa xi ngisa chjíle kuinga kjimachriantʼale Jeobá” (tʼexkiai Mateo 5:3, 6). *
A ngisaa mandosinna xána tikʼoajinni je xále Niná
9. Jósʼiaan nga chósonnilee josʼin jchatokoán je xá.
9 Je Jeobá sasénle nga chjotanixá maa kʼoa nʼio chjíle nga kʼoanʼia (Proverbios 12:14). Tonga alikui kʼoaiʼndee nga kui ngisa chjí jchatokoán je xá tikʼoajinni je xále Jeobá. Kʼianga kinchja̱ni Jesús tʼatsʼe jmeni xi machjénná, i kitso: “Títjon tijnyísjao je kjoatéxomale Niná, kao kjoakixile, kʼoa ngayije kjoa jebi kʼoasʼin kʼoaisonno” (Mateo 6:33). Tonga, jméni xi koasenkaoná nga chósonnilee josʼin jchatokoán je xá. Koaan chjónangilee yaoná jebi: “A ngisaa tsjoake̱ xána. Kʼoa je xále Niná, a tsín chjí ʼbe kʼoa a masikaona”. Kʼianga chótʼayajiaan jebi, koasenkaoná nga jchaa jméni xi ngisa tsjoachaa.
10. Jméni xi nʼio chjíle xi kitsoya je Jesús.
10 Je Jesús kitsoya jmeni xi ngisa kʼoailee kjoandosin. Ñandia kʼianga kikonle Jesús je María kao Marta ya niʼyale. Je Marta kjitʼanangi tsakʼénda je tsojmi xi tsjoále Jesús. Tonga je María, yaa tsakʼejnangi ndso̱ko̱ Jesús nga kinrʼoéle. Kʼoa je Marta likui kisasenle nga tsín tsakasenkao ndichja. Je Jesús kʼoakitsole Marta nga je María kui “tsakjaʼájin xi nda tjín, xi tsín tsa tjóʼanile” (Lucas 10:38-42). Nʼio chjíle jmeni xi kitsoya je Jesús. Kʼianga tsínkui katasíkinjená jmeni xi tjín sonʼnde kʼoa nga koakoá nga tsjoachaa je Cristo tjínnená nga kui chjoéjiaan “xi nda tjín”. Jebi kui xi tsonile nga kui ngisa kʼoailee kjoandosin je kjoamiyo xi tjínná kao Jeobá.
JÓSʼIN ʼYATOKOÁN JE KJOASʼETSAOJIN
11. Jméni xi tso je Biblia xi tʼatsʼe nga nikjáyaa kʼoa nga bʼetsaojiaan.
11 Ngatsʼiñá nga nʼio tse xá tjínná. Tonga sakʼoaa machjénná nga nikjáyaa. Je Biblia itso: “Tsínsa jmeni xi ngisa nda tikʼoajinni nga koakje̱n je chjota, nga skʼuí kʼoa nga katabe kjoanda xi tjenkao jokji nʼio síxá” (Eclesiastés 2:24). Je Jesús tsabee nga kʼoati machjénle nga sikjáya je chjotale. Tobʼelañá, kʼianga jejaʼaini nga kikakóyason, je Jesús i kitsole: “Nroáo nga jon jña ʼndetʼaxintʼa. Ya tikjáyao jngo tjo” (Marcos 6:31, 32).
12. Ánni nga si̱kuindasínilee yaoná je kjoasʼetsaojin. Jngo choa̱ tʼejnai.
12 Kʼianga bʼetsaojiaan basenkaoná nga nikjáyaa kʼoa nga nda sʼe tokoán. Tonga kʼoati tjínnele si̱kuindalee yaoná nga tsínkui nʼio kʼoailee kjoandosin. Kʼianga siglo 1, nʼio nkjín chjota xi tokui kjoasʼetsaojin kitʼale kʼoa i kitso: “Kuichaa, sʼioaa, nga nyaonli kuiyanía” (1 Corintios 15:32). Nichxin xi tiyoaa ndʼaibi, nʼio nkjín chjota xi kʼoati kui fitʼale. Tobʼelañá, jngo ti xi Europa tsʼe, ki tsakai je kjoajtín xi satíoná. Tonga nga nʼio tsjoake koan je kjoasʼetsaojin, alikui tikini. Nga koanskanni, kʼiaani tsabe nga nʼio tse kjoa kiskajin nga kʼoakisʼin. Kʼiaa kiskotʼaya ngindia je Biblia, kʼoa xijekoanni kitsoyason je Énle Niná. Kʼianga jekisʼenngindá, kʼoakitso nga nʼio aon manile nga kʼoasʼin nichxinle kisicha tʼatsʼe nga totsakʼétsaojin. Kʼoakitso nga ngisa tsjoa tjín kon nga je Jeobá tísíxále tikʼoajinni nga kui tsakʼétsaojinkao jmeni xi tjín sonʼnde.
13. 1) Jngo choa̱ tʼejnai, ánni nga tsín ndatjínsíni tsa nʼio tse nichxin si̱kʼayalee nga kʼoétsaojiaan. 2) Jméni xi koasenkaoná nga chósonnilee josʼin jchatokoán je kjoasʼetsaojin.
13 Kʼianga bʼetsaojiaan basenkaoná nga nda sʼe tokoán kʼoa tjonganʼioná. Tonga jókji tse nichxin si̱kʼayaa nga kʼoétsaojiaan. Je choa̱ xi fisani koasenkaoná nga jchaa xi tʼatsʼe jebi. Me ngatsʼiaa nga tsjoachaa je nioxtila kʼoa kao toxi. Tonga ʼyañá nga sikiʼaonná tsa tokui chine ʼndeʼndee. Kʼiatsa mená nga tsín so̱kochʼinná, tjínnele kui chine je tsojmi xi tsjoánganʼioná. Tikʼoasʼinni, Kʼiatsa tokʼoetsaojin ʼndeʼndee, likuijin tinʼio miyoná koa̱nni je Jeobá. Jméni xi koasenkaoná nga chósonnilee josʼin jchatokoán je kjoasʼetsaojin. Koaan kʼoétʼaxoaan nga jngo xomana jotjín ora nikʼayalee je xále Niná, jolani kʼianga mangián kjoajtínná, nga ʼmiyasoán kʼoa nga chotʼayá je Biblia. Kʼoati koa̱n kʼoétʼaxoaan jotjín ora nikʼayalee nga niská, nga chotsenlee telebisión, videojuego kʼoa xi kjaʼaísanile. Kʼianga si̱ngósoán jotjín ora nikʼayalee nga jngó jngó koya jebi, jchañá tsa machjén nga si̱kʼantjaiyajiaan jmeni xi nʼia (tʼexkiai Efesios 5:15, 16). *
14. Jméni xi koasenkaoná nga kui chjoéjiaan kjoasʼetsaojin xi ndatjín.
14 Je Jeobá tsjoáʼndená nga ñá chjoéjiaan josʼin kʼoétsaojiaan. Je xi jko̱ tjíole yaniʼya, kʼoati koa̱n skoéjin jósʼin kʼoetsaojin kao je familiale. Ya Biblia tsoya josʼin síkjaʼaitsjen Jeobá xi tʼatsʼe kjoasʼetsaojin. * Kʼianga kui chjoejiaan kjoasʼetsaojin xi ndatjín, jngoo kjoanda xi tʼatsʼe Jeobá tínroani (Eclesiastés 3:12, 13). Kjaʼaí kjaʼaí kjoasʼetsaojin tsjoachaa nga jngó jngoá (Gálatas 6:4, 5). Ninga kʼoalani, machjén nga si̱kuindalee yaoná. Je Jesús i kitso: “Nga̱ ya jña nga tíjna kjoanyináli, kʼoati ya kʼoéjna ni̱ma̱li” (Mateo 6:21). Kʼiatsa tsjoachaa je Jesús, xi rey sʼin tíjnaná, kui títjon nikʼéjnaa je Chjotaxále Niná. Kʼoa kao kui bakoñá josʼin nikjaʼaitsjeen, jmeni xi bixoán kʼoa jmeni xi nʼia (Filipenses 1:9, 10).
Kjoafaʼaitsjen xi faʼaitʼa basenkaoná nga kui xi ndatjín chjoejiaan.TSÍNKUI SI̱METOKOÁN JE TSOJMI XI TJÍN SONʼNDE
15, 16. 1) Ánni nga jngosíni che̱n je tsojmi xi tjín sonʼnde. 2) Jméni xi kitso Jesús xi tʼatsʼe je tsojmi xi tjín sonʼnde.
15 Nichxin xi tiyoaa ndʼaibi, nʼio nkjín chjota xi mele nga kui sa̱tíole jmeni xi sʼa tjíobʼatsen chjotse, jolani celular, computadora kʼoa xi kjaʼaísanile. Nkjín xi kui kjoa tjíotsaojin, nga ngisa kui mandosinle je tsojmi xi tjín sonʼnde kʼoa kao tao̱n. Ñá xi chjotale Cristo maa, tjínnele nga si̱kjaʼaitsjenjiaan jméni xi ngisa nʼio chjí ʼyatokoán. Chjónangilee yaoná jebi: “A ngisaa tse nichxin sikʼayale nga sikjaʼaitsjen jókjoan karro xi sʼa tíbitjo chjotse kʼoa tsa jmesani xi sʼa tíbʼatsen chjotse tikʼoajinni nga batejnandale je kjoajtín. Lucas 12:15). Ánni nga kui tsakájinkonsíni je chjotale.
A ngisaa tse xá tjínna xi tsín titsjoáʼndenina nga bʼetsʼoa kʼoa nga bʼexkia je Biblia. Kʼiatsa tsín si̱kuindaa yaoná, kui ngisa koa̱ntsjoachaa je tsojmi xi tjín sonʼnde tikʼoajinni jokji tsjoachaa je Cristo. Si̱kjaʼaitsjenjiaan jmeni xi kitso Jesús, nga i̱ kitso: “Tikuindao yaono jatʼatsʼe ngayije kjoachi̱nga̱”, xi tsonile je kjoaxkaiʼa (Alikui koa̱nná nga kui xi ndatjín kʼoailee Jeobá kʼiatsa kui timangíntjenngiaa tsojmi xi tjín sonʼnde
16 Je Jesús i kitso: “Niʼyajin xi jao naile ma síxále. Kʼoa jtike koa̱n jngo, kʼoa xijngo tsjoake, kʼoa koaitʼale jngo kʼoa xijngo chʼao skoe̱kon. Alikui koa̱n nixálao nga jao, Niná kao kjoanyiná” (Mateo 6:24). Alikui koa̱nná nga kui xi ndatjín kʼoailee Jeobá kʼiatsa kʼoati kui kjimatsjoachaa je tsojmi xi tjín sonʼnde. Kʼianga chjotajée maa, tjínnele nga kjitʼa kuixkantʼakoaa jmeni xi nimetokoán, jolani je tsojmi xi tjín sonʼnde (Efesios 2:3).
17. 1) Ánni nga ñʼai ma kʼanile chjota xi tsín kosonnile josʼin bekon je tsojmi xi tjín sonʼnde. 2) Jméni xi koasenkaoná nga kuixkantʼakoaa je tsojmi xi tjín sonʼnde.
17 Nʼio nkjín chjota xi tokui fitjenngi jmeni xi mele, kʼoa tsín kosonnile josʼin bekon je tsojmi xi tjín sonʼnde (tʼexkiai 1 Corintios 2:14). * Nga tsín kosonnile josʼín, alikui male faʼájin jmeni xi ndatjín kʼoa jmeni xi chʼaotjín (Hebreos 5:11-14). Tsakui nichxin, je chjota nʼio koasjaile josʼin koa̱njngí jmeni xi mele, kʼoa nga jesokóle tosi tonda básjaisa (Eclesiastés 5:10). Tonga jósʼin kuixkantʼakoaa kjoafaʼaitsjen jebi. Je xi koasenkaoná kuinga ntsjaintsjai kʼoéxkiaa je Biblia (1 Pedro 2:2). Je Jesús kʼoasʼin kisichjén nichxinle nga kisikjaʼaitsjenjin je kjoachjinele Jeobá, kʼoa kui xi tsakasenkao nga tsín ya kiskayani je che̱n xi tsakatíole je Na̱i (Mateo 4:8-10). Kʼiatsa tsín mená nga ya ska̱yaa je che̱n nga kui si̱metokoán tsojmi xi tjín sonʼnde, machjén nga si̱tjosoán je kjoafaʼaitsjen xi tsjoáná je Jeobá. Kʼoasʼin koakoñá nga ngisa tsjoachaa je Jesús tikʼoajinni je tsojmi xi tjín sonʼnde.
Jméni xi ngisa chjí ʼyatokoán (Chótsenlai párrafo 18)
18. Jméni xi tjínnená sʼiaan nga jngó jngoá.
18 Kʼianga i̱ kitsole Jesús je Pedro: “A ngisa tsjoachanái kaoni tsa jebi”. Kui tsakakóyale nga tjínnele kui títjon sikʼéjna je xále Niná. Je jaʼaínle Pedro la̱jao̱ sʼin tsoyanile, kʼoa tsakakó nga nda kisixále Jeobá (Hechos 4:5-20). Tjínnele nga nʼio katasʼejna je kjoatsjoacha xi tjínná kao Cristo joni tsa jngo la̱jao̱. Ñaki kʼoakʼoé tokoán nga tsín nʼio tse nichxin si̱kʼayalee je xá, je kjoasʼetsaojin kʼoa kao je tsojmi xi tjín sonʼnde. Kʼiatsa kʼoasʼiaan, kʼoati koa̱n kʼoakʼuínlee Jesús jokitso je Pedro: “Señor, ji ʼyai nga tsjoake̱le”.
^ párr. 8 Mateo 5:3, 6: “Jó tondale je xi yo̱ma̱ kjiayakon, nga̱ tsʼe ní kjoatéxomale ngʼajmi. Jó tondale je xi baole, kʼoa xi fatile kjoa xi kjoakixi, nga̱ koa̱nski”.
^ párr. 13 Efesios 5:15, 16: “Chótsaon, tsokʼoa, nga kixi timao, ali joni chjota xi tsínle kjoafaʼaitsjenjin, tonga joni chjota xi tjínle kjoafaʼaitsjen. Ali nichxinjin nichalao yaono, nga̱ je nichxin kjaínga tochʼao chon”.
^ párr. 14 Chótsenlai kjoaʼmiya xi “¿Son sanas nuestras diversiones?” ʼmi, xi jaʼaitʼa rebista La Atalaya xi tsʼe 15 de octubre de 2011, pájina 9-12, párrafo 6-15.
^ párr. 17 1 Corintios 2:14: “Je chjota xi toxá kjoanni likui kjoé je kjoa xi tsʼe Espíritu Santo xi tsʼe Niná, nga̱ tokjoaská male. Likui ma machoyale nga̱ tokao Espíritu Santo chótʼajin je kjoabe”.