Je kjoafaʼaitsjen xi faʼaitʼa i̱bi koasenkaoli nga ngisa ndasʼin chótʼayai nga toji.

• Tjasjai ʼnde jñani koa̱n chótʼayai. Ya chótʼayai jñani tsín tsojmi nyando kʼoa jñani isen chon. Koaan jngo yámixa̱ tijnatʼai kʼoa tsa maije̱ ya nditsin chótʼayai.

• Tjasjai ʼnde jñani tsín ʼya xi sisili. Kʼianga tsakʼétsʼoale Niná je Jesús tanjioya ki jngo ʼnde jñani toje tsakʼejna (Mar. 1:35). Kʼiatsa ya tijnaʼyakoai je xíngi tjajinkuin kʼiáni nga chotʼayai kʼoa kʼoatʼinlai nga tsín ji katanchja̱li kʼianga tichotʼayai.

• Ali kjaʼaíjinla xá nʼiai. Kʼiatsa teléfono kʼoa tsa tableta nichjain nga chotʼayai koaan kʼoasʼin tikʼéjnalai nga tsín mensaje katafaʼaili kʼoa nga tsín ʼya xi katanchja̱li. Tsa kʼia kjoaʼaítsjenli nga tichotʼayai nga tjín xi sʼiain koaan to tʼetʼaxuin kʼoa skan kʼoatʼiain. Kʼiatsa tsín sʼejinkuin jme xi tichotʼayai tisenndo ngotjui kʼoa tsa maije̱ titómje ngotjui.