Video xi tsoya tʼatsʼe librole Biblia

Kataʼyai jme xi tínchja̱ni nga jngó jngó librole Biblia.

Xi tʼatsʼe Génesis

Je libro xi tsʼe Génesis kui nchja̱ni tʼatsʼe je chjota xi títjon tsakatio i̱ Sonʼnde, kʼoati tsoya ánni kjoañʼai tjínni kao kjoabiya.

Xi tʼatsʼe Éxodo

Je Jeobá tsakʼasjentjai je chjota israelita nga ya tjíonʼio tsakai ya Egipto kʼoa naxinandále kisikao.

Xi tʼatsʼe Levítico

Je libro xi tsʼe Levítico kui nchja̱ni nga tsje je Niná kʼoa tsoya ánni nga nʼio tjínnile kjoandosin nga tsje katamaa.

Xi tʼatsʼe Números

Je libro xi tsʼe Números kui nchja̱ni ánni nga tjínnenile si̱tjosonlee ngantsjai je Jeobá kʼoa nga jchaxkoán je chjota xi xá tsjoále nga bándiaaná.

Xi tʼatsʼe Deuteronomio

Je kjoatéxoma xi kitsjoale Niná je naxinandá Israel bakó nga nʼio tsjoake koan naxinandá jebi.

Xi tʼatsʼe Josué

Je chjota israelita tjoéle nangi xi kitsole Niná nga tsjoále kʼoa síxkoa̱ya.

Xi tʼatsʼe Jueces

Libro jebi kui tsoya jmeni xi kisʼin je xi juez koan ya naxinandá Israel. Nʼio kisatio kjoamakjainle kʼoa nʼiojin koan nga tsakʼasjentjai naxinandále Niná.

Xi tʼatsʼe Rut

Libro xi tsʼe Rut kui tsoya nga nʼio tsjoake koan Rut je Noemí xi na̱chále koanni. Kʼoati kui tsoya jósʼin kisichikontʼain Jeobá nga jao.

Xi tʼatsʼe 1 Samuel

Kataʼyai jokoan nga likui ti juez tsakándiaanile naxinandá Israel kʼoa nga rey tsakatéxoma.

Xi tʼatsʼe 2 Samuel

Ya Biblia kui tsoya nga je David nangitokon koan kʼoa kisʼele kjoamakjain.

Xi tʼatsʼe 1 Reyes

Kataʼyai josʼin tsakatio chjota ya naxinandá Israel nga tsakatéxoma Salomón.

Xi tʼatsʼe 2 Reyes

Me tongatsʼi je chjota israelita nga niná ndiso tsakʼétsʼoale, tonga Jeobá tosi tonda kisichikontʼain xi kixi kitʼale.

Xi tʼatsʼe 1 Crónicas

Kataʼyaisai xi tʼatsʼe rey David josʼin nga kixi kitʼale Jeobá saʼnda nga tsakatéxoma saʼnda nga kʼien.

Xi tʼatsʼe 2 Crónicas

Kataʼyai jokoan xi rey sʼin tsakatio ya naxinandá Judá kʼoa ánni nga ndasíni nga kixi mangíntʼalee Jeobá.

Xi tʼatsʼe Esdras

Je Jeobá kisitjoson énle. Tsakʼasjentjai je naxinandále nga ya kinikatíonʼio ya Babilonia kʼoa kʼoasʼin tsaʼyaxkón ijngokʼani ya Jerusalén josʼin sasénle.

Xi tʼatsʼe Nehemías

Je libro xi tsʼe Nehemías nʼio chjíle jmeni xi bakóyaná ngatsʼiaa josʼin jchaxkoán je Niná nichxin xi tiyoaa ndʼaibi.

Xi tʼatsʼe Ester

Jmeni xi koan nichxin nga tsakʼejna Ester nʼio sitaja kjoamakjainli xi tʼatsʼe Jeobá, nga̱ koa̱nle kʼoasjentjai je naxinandále tʼatsʼe kjoañʼai xi tjíofaʼatojin ndʼaibi.

Xi tʼatsʼe Job

Ngatsʼi xi tsjoake Jeobá chotʼayakaoní. Je choa̱le Job kui bakóyaná nga koa̱n kixi kjuintʼalee Jeobá kʼoa je kʼoainganʼiolee nga tojé xi tiʼndele koatexoma.

Xi tʼatsʼe Salmos

Je librole Salmos kui bakó nga toje Jeobá xi tiʼndele koatexoma. Tsjoánganʼiole je xi tsjoake Jeobá kʼoa tsoyaa josʼin sindachon Sonʼnde je Chjotaxále Niná.

Xi tʼatsʼe Proverbios

Je libro xi tsʼe Proverbios nʼio nkjín koya kjoafaʼaitsjen faʼaitʼa xi bándiaaná josʼiaan, jolani xi tʼatsʼe negosio kʼoa xi tʼatsʼe familia.

Xi tʼatsʼe Eclesiastés

Je Salomón tsoya jmeni xi ngisa chjíle kʼoa jmeni xi kontra tjíole kjoachjine xi tʼatsʼe Niná nroani.

Xi tʼatsʼe El Cantar de los Cantares

Ánni nga “je lʼíle Jah” ʼminile je kjoatsjoacha xi kisʼele tsoti sulamita kao ti xi cho̱ koʼnda.

Xi tʼatsʼe Isaías

Ñaki kʼoatjín je én xi tongini kisʼetʼa libro xi tsʼe Isaías. Basenkaoná nga ngisa makjainná xi tʼatsʼe Jeobá kʼianga sitjoson jmeni xi tso kʼoa nga je xi koa̱nle kʼoasjentjainá.