Iesui Kuꞌuro hap Kuekatup hap
Sábado turān 12 de abril de 2025 pe
Anu tuereto Ieuwa Ehay Enoi Haria teꞌeruwaꞌatunug̃ Iesui kuꞌuro hap kuekatup hap nug̃ hamo. Kat pote Iesui ti miotā̃ e — Waku miꞌitā̃ ewetunug̃ tuereto uiminug̃ mowatetup hamuat e. —Iruka 22:19.
Uruiweg̃ka en hawyi ewyriaꞌīn waꞌatunug̃ hap kape hamo
Mītꞌīn mikuap terān koꞌi etiat
Waꞌatunug̃ hap asom mōtꞌi hamo.
Uma hora turān watuwaꞌatunug̃ hap.
Aj̃umpe hamo asom.
Aj̃umpe hap etikuap poꞌog̃ hamo ehay o Ieuwa Ehay Enoi Haria wȳwo.
Ahoꞌoknug̃ hamo asom.
Ȳt hamoꞌi.
Taꞌatuhentup hamo asom dinheiro koꞌi.
Ȳtꞌi. Ieuwa Ehay Enoi Haria ȳt karāmpeꞌi hentup dinheiro koꞌi teꞌeruwaꞌatunug̃ turān.
Aikotā̃ rakat sokpe puo asom waku areto.
Ieuwa Ehay Enoi Haria timontypot kahato Tupana Ehay piat woꞌonãpin hap sokpe etiat hap. Miꞌi pote teꞌeruwepainug̃ montypot kahato hap wȳwo. (1 Timoteu 2:9) Miꞌi pote ereto kuap ȳt hoꞌowoityꞌi rakat puo.
Aikotā̃ asom Iesui Kuꞌuro hap Kuekatup hap.
Watuwaꞌatunug̃ hap eꞌyj̃an mete watepȳ hawyi wahentup Tupana kape hamo. Ikahuro pe miꞌitā̃ hamo wy. Henoi hat henoi hamo aikotā̃ Iesui kuꞌuro hap aipowȳro kuap hap ete iꞌewȳte tohenoi hamo aikotā̃ Tupana hawyi Iesui iꞌatuminug̃ aheupiat hap aipowȳro kuap hap.
Etikuap poꞌog̃ hamo etimowempāp kuap popera Kat pote asom Ieuwa Ehay Enoi Haria tunug̃ Iesui Kuꞌuro hap Kuekatup hap tuweupi iraniaꞌīn religião koꞌi kai e hap.
Karāmpe aru Iesui kuꞌuro hap kuekatup hap wuatꞌi anu turānuat hap koꞌi.
2025 pe. Sábado turān 12 de Abril pe
2026 pe. Quinta-feira 2 de Abril pe