Ieuwa Ehay Enoi haria teꞌeremūꞌe kahato raꞌyn Tupana Ehay koꞌi ete. Maꞌato taꞌatupuenti poꞌog̃ waku Tradução do Novo Mundo da Bíblia Sagrada e hap kat pote miꞌi pe heremo Tupana set sēse Ieuwa e hap hampȳk kahato iꞌewȳte ȳt niatpoꞌi. Miꞌi Tradução do Novo Mundo toig̃ kahato raꞌyn iraniaꞌīn pusu puo.

•   Miꞌi pe heremo Tupana set sēse Ieuwa e hap. Iraniaꞌīn Tupana Ehay taꞌatuꞌapusit taꞌatupusu kapiat turān ȳt taꞌatuhenoiꞌi Tupana set sēse Ieuwa e hap etiat. Kotā̃ e hap. Iraniaꞌīn taꞌatuꞌapusit Tupana Ehay turān taꞌatuhenoi 70 mītꞌīn iꞌapusit haria set maꞌato iꞌatumiꞌapusit pe ȳt watipuentiꞌi Tupana set Ieuwa e hap.

   Maꞌato Tradução do Novo Mundo e hap pe Tupana set sēse Ieuwa e hap heremo 7 miu wo sio poꞌog̃ aikotā̃ heremo nimo hebraico pusu puo hap ewy. Maꞌato Tradução do Novo Mundo iꞌapusit haria watikuapꞌi uwe uwe hap.

•   Hampȳk puo kahato. Iraniaꞌīn taꞌatuꞌapusit Tupana Ehay turān ȳt taꞌatuꞌapusit hampȳk puoꞌi kat e kat e terān Tupana Ehay piat sehay koꞌi. Kotā̃ e hap iraniaꞌīn taꞌatuꞌapusit Mateu 7:13 kotā̃ iꞌatuꞌe — eiwehytꞌok o muap hit upi yn maꞌato mekewat muap iwato rakat upi ti ehewyry ȳt niatpo hinꞌi wen maꞌato ehereto aria wato kape. Maꞌato nimuat Tupana Ehay kereku e hap pusu puo ȳt heremoꞌi aria wato e hap maꞌato momã e hap. Taꞌatuꞌapusit Tupana Ehay pe aria wato e hap kat pote taꞌatumohey saꞌag̃ nug̃ haria hoꞌopot aria wato pe sio iꞌatuꞌe haype. Maꞌato hoꞌopot aria wato pe hap ȳt Tupana Ehay piat ewyꞌi. Miꞌi pote Tradução do Novo Mundo e hap taꞌatuꞌapusit saꞌawyꞌi wuat kereku pusu puo hap ewy hampȳk kahato. Miotā̃ e — eiwehytꞌok o muap hit upi yn kat pote mekewat muap iwato rakat upi ti ehewyry ȳt niatpo hinꞌi wen maꞌato ehereto eiwemomã hap kape.

•   Ȳt niatpoꞌi watikuap. Tupana Ehay apusit hampȳk puo kahato hap waku kahato iꞌewȳte waku kahato ȳt niatpoꞌi watikuap hotꞌokꞌe hamo hap. Kotā̃ e hap. Kereku pusu puo Mateu 5:3 pe Iesui toꞌe — Iwepīt rakaria ihakyꞌeꞌi rakaria maꞌãu hap ete e. Miotā̃ e hap taꞌatuꞌapusit sehay upi sehay upi pote watikuapꞌi aipusu puo kat e terān Iesui e hap. Miꞌi pote Tradução do Novo Mundo e hap taꞌatuꞌapusit niatpoꞌi watikuap hamo. Miotā̃ e — uwe uwe iwepīt rakaria tikuap Tupana montypot kaipyi yn miꞌitā̃ hap.

 Tupana Ehay Tradução do Novo Mundo e hap pe heremo kahato Tupana set sēse Ieuwa e hap iꞌewȳte taꞌatuꞌapusit hampȳk puo kahato hawyi ȳt niatpoꞌi watikuap sehay koꞌi. Iꞌewȳte taꞌatumõꞌe Tupana Ehay Tradução do Novo Mundo e hap ȳt kat saupꞌi. Miꞌi pote heTupana Ehayꞌi rakaria korā̃ toig̃ raꞌyn hawyi taꞌatumowempāp kuap Tupana Ehay taꞌatupusu puo.