Kat hap eig̃ etikyꞌesat kahato raꞌyn tuwemoherep Tupana Ehay piat aru e hap koꞌi hap. Kat pote asom miꞌi hap etikyꞌesat.

Kat pote asom etipȳwo Tupana Ehay tūt Ieuwa kaipyi hap.

Kat pote asom waku wahuꞌat Tupana set Ieuwa e hap.

Tupana Ehay henoi Wuatꞌi Nug̃ Hat Tupana e. (Iesui Aru E Hap 4:11) En apo miꞌi hap etipȳwo.

Etimowempāp o Porowepiu 3:32.

• Kat pote asom Ieuwa wyꞌok wo ereig̃neꞌen hap poꞌog̃ waku torānia kai.

• Kat asom waku watunug̃ Ieuwa wyꞌok wo watoig̃neꞌen hamo. Aikotā̃ ewanentup hawe miꞌi hap nug̃ hamuat asom niatpo.

  (Erehaꞌat pyno wemūꞌe hap 07 hawyi 08.)

Etimowempāp o Saumu 62:8.

• Kat hap koꞌi etiag̃ ehentup taꞌyn Ieuwa kape. Kat hap etiat asom ehentup kuap poꞌog̃.

• Aikotā̃ meig̃ Ieuwa tiwesat wahentup hap koꞌi.

  (Erehaꞌat pyno wemūꞌe hap 09.)

Etimowempāp o Epereu 10:24, 25.

• Aikotā̃ me asom Ieuwa Ehay Enoi Haria waꞌatunug̃ hap koꞌi epowȳro kuap.

• Waku hamo asom ereto tuereto waꞌatunug̃ hap koꞌi kape hap. Kat pote miotā̃ ere.

  (Erehaꞌat pyno wemūꞌe hap 10.)

Kat pote asom waku etimowempāp tuereto Tupana Ehay. Kan etunug̃ wuatꞌi eꞌāt pe etimowempāp tuereto Tupana Ehay hamo.

Meikowat popera puo pyi eremūꞌe kahato raꞌyn Tupana Ehay ete. Maꞌato kat emūꞌe hap etipuenti poꞌog̃ waku.

Eremūꞌe raꞌyn Ieuwa Ehay Enoi Haria wȳwo Tupana Ehay ete hawyi putꞌokꞌe niatpo hap koꞌi ēte. Kat hag̃. Aikotā̃ niatpo pykai maꞌato kat asom epowȳro kuap etiꞌywoporo ewemūꞌe Tupana Ehay etiat hamo hap.