Etikuap kahatoꞌi mīt pote aikotā̃ me kuapꞌi iwyꞌok wo ereig̃neꞌen. Miꞌi hap ewy Ieuwa. Ieuwa ewyꞌok wo toig̃neꞌen terān kahato. Miꞌi pote toikyꞌesat kahato epiat tokuap sese hap iꞌewȳte toikyꞌesat etikuap tominug̃ mītꞌīn upiat hap iꞌewȳte toikyꞌesat ereig̃neꞌen wuatꞌi eꞌāt piat hamuat hap. Etikuap poꞌog̃ Ieuwa hawyi iwyꞌok wo ereig̃neꞌen poꞌog̃ terān hamo. Maꞌato Tupana wyꞌok wo kuap asom watoig̃neꞌen. (Etimowempāp o Tiaku 2:23.) Kan waku etunug̃ iwyꞌok wo ereig̃neꞌen hamo. Miꞌi hap koꞌi etiat Tupana Ehay henoi. Tupana Ehay henoi wy kat pote iwyꞌok wo poꞌog̃ waku torānia kai ereig̃neꞌen hap.

1. Kat hamo asom Ieuwa ewenka.

Karāmpe watikyꞌesat watukupteꞌen Tupana wȳwo miꞌi pote waku watuwat aimikyꞌesat entup hamo hawyi tūt ahewowi aimikyꞌesat ewy e. (Tiaku 4:8) Kat e terān haype asom miotā̃ e. Miotā̃ e ti Ieuwa ewenka towyꞌok wo ereig̃neꞌen hamo hawiat pe neꞌi. Iraniaꞌīn teꞌeruwanentup hawe arehaꞌat kuapꞌi Tupana kapiat tupono ȳt aikotā̃ me kuapꞌi iwyꞌok wo areig̃neꞌen iꞌatuꞌe. Maꞌato tehay puo pyi Ieuwa henoi yne tetiat koꞌi aikotā̃ miꞌi hap. Miꞌi hap puo pyi iwyꞌok wo kuap watoig̃neꞌen. Ieuwa heremoꞌi maꞌato karāmpe watimowempāp tuereto ihay hawyi iwyꞌok wo poꞌog̃ watoig̃neꞌen.

2. Kat pote asom Ieuwa wyꞌok wo ereig̃neꞌen hap poꞌog̃ waku torānia kai.

Mītꞌīn ekyꞌe kahato maꞌato torānia kai poꞌog̃ ekyꞌe Ieuwa. Toikyꞌesat ereig̃neꞌen ewepīt hap wȳwo hap. Iꞌewȳte toikyꞌesat ehentup tewowiat ētiat niatpo turān hap. Waku eweiꞌe Tupana pe — aikotā̃ mītꞌīn timohy yrysakag̃ ipotyi rakat hap ewy etihep uhetiat uhero hap uipyꞌa piat hap kat pote uikyꞌe kahato hat en waku eweiꞌe. (1 Peteru 5:7) Ieuwa tenentup kahato towyꞌokria kape iꞌewȳte toiꞌatumomperupꞌi toiꞌatupowȳro. — Etimowempāp o Saumu 94:18, 19.

3. Kat asom waku watunug̃ Ieuwa wyꞌok wo watoig̃neꞌen hamo.

Ieuwa tiꞌatukyꞌe kahato torānia mītꞌīn maꞌato mītꞌīn hampȳk takaria ti Tupana tiꞌatuerohik towyriaꞌīn seseria ewy. (Porowepiu 3:32) Ieuwa tiꞌatukyꞌesat towyꞌokria piat waku rakat nug̃ hap aikotā̃ iꞌe hap ewy hap. Iraniaꞌīn teꞌeruwanentup hawe karāmpe hamoꞌi atunug̃ yne kuap Tupana e hap ewy iꞌatuꞌe. Maꞌato Ieuwa woꞌopotkyꞌe kahato hat miꞌi pote torānia ikyꞌe sese haria waku iꞌywoporo imikyꞌesat koꞌi nug̃ hap ete aikotā̃ niatpo pykai. Miꞌi pote iwyꞌok wo kuap watukupteꞌen. — Saumu 147:11; Iesui Potmūꞌeria 10:34, 35.

 EREWANENTUP O ETIKUAP POꞌOG̃ HAMO

4. Aparãu Ieuwa wyꞌok kahato

Tupana Ehay henoi Aparãu etiat. a Imienoi puo pyi watikuap poꞌog̃ aikotā̃ me Tupana wyꞌok wo watoig̃neꞌen kuap poꞌog̃ hap. Eweimowempāp o Aparãu etiat Ienesi 12:1-4. Miꞌi hawyi apoꞌe hap koꞌi ete eiwoꞌoꞌehay.

• Kat e eig̃ wentup eꞌāt pe Ieuwa Aparãu me.

• Ieuwa mikyꞌesat e hap ewy Aparãu tunug̃ mote kat hap eig̃ Ieuwa tum hamo Aparãu me.

• Miꞌi hawyi kan Aparãu tunug̃.

5. Kat hap eig̃ Ieuwa tikyꞌesat towyꞌok piat inug̃ hap.

Watikyꞌesat kahato aiwyꞌokria tunug̃ waku rakat aheupiat hap.

• Kat hag̃ etikyꞌesat ewyꞌokria tunug̃ eupiat hap.

Eweimowempāp o 1 Iuwãu 5:3. Miꞌi hawyi eiwoꞌoꞌehay o apoꞌe hap etiat.

• Kat hap eig̃ Ieuwa tikyꞌesat towyꞌokria piat inug̃ hap.

Watihaymontypot Ieuwa hamo waku aiminug̃ saꞌag̃ koꞌi iꞌewȳte aiwanentup saꞌag̃ hap koꞌi watiꞌywyk. Eweimowempāp o Isaia 48:17, 18. Miꞌi hawyi eiwoꞌoꞌehay o apoꞌe hap etiat.

• Ieuwa tikyꞌesat aiminug̃ saꞌag̃ koꞌi iꞌewȳte aiwanentup saꞌag̃ koꞌi watiꞌywyk hap. Kat pote asom miꞌi hap toikyꞌesat.

 6. Kan Ieuwa tunug̃ towyꞌokria upi.

 WATUWEMŪꞌE RAꞌYN

Ieuwa ewyꞌok wo terān kahato. Towyꞌok wo ereig̃neꞌen hamo epowȳro hamo.

Hotꞌokꞌe te asom

• Aikotā̃ me eig̃ Ieuwa tiꞌatupowȳro towyꞌokria.

• Kat pote eig̃ Ieuwa tikyꞌesat watekoꞌywyk aiminug̃ saꞌag̃ koꞌi aiwanentup saꞌag̃ hap koꞌi hap.

• Ewanentup hawe niatpo kahato asom Ieuwa wyꞌok wo watoig̃neꞌen hamo. Kat pote miotā̃ ere.