WEMŪꞌE HAP 04
Uwe asom Tupana.
Nimo pyi ti raꞌyn mītꞌīn tiꞌatumontypot tupanaria koꞌi maꞌato Tupana Ehay henoi wentup Tupana etiat. Imienoi Tupana wyti poꞌog̃ iwato rakat toig̃neꞌen torānia tupanaria kawiat rakat e. (2 Koronika 2:5) Uwe asom miꞌi. Kat pote asom Tupana Ehay henoi miꞌi torānia tupanaria kawiat rakat e. Toikyꞌesat kahato epiat tokuap hap. Mesūwat wemūꞌe hap puo pyi watikuap hamo hetiat.
1. Kat e asom Tupana set. Aikotā̃ meig̃ watikuap toikyꞌesat toset kuap haria wo watoig̃neꞌen hap.
Tehay puo pyi tohenoi uwe miꞌi hap. Miotā̃ e — Uito Ieuwa e. (Etimowempāp o Esutu 6:6, 7.) Sehay Ieuwa e hap hebraico pusu puo aikotā̃ tuwenug̃ yne kuap tomikyꞌesat koꞌi wo e hap ewy miotā̃ iꞌatuꞌe wemūꞌe kahato haria. Ieuwa tikyꞌesat toset kuap sese hap. (Esutu 3:15) Pȳwo asom miꞌi hap toikyꞌesat. Pȳwo. Kat pote tehay puo pyi toimoherep toset 7 miu wo sio poꞌog̃. a Maꞌato Tupana pȳwuat rakat yn teset enoi kuap Ieuwa e mesūwat yi tote atipy pe wy. — Isaia 42:5.
2. Kat e asom Tupana Ehay henoi Ieuwa etiat.
Mītꞌīn tiꞌatumontypot kahato tupanaria maꞌato Tupana Ehay henoi Tupana sese ti Ieuwa yn e. Kat pote asom miotā̃ e. Kat pote uweꞌi poꞌog̃ Ieuwa kai. Miꞌi pote miꞌi yn yne mesuwarotiat Porekuat. (Etimowempāp o Saumu 83:18.) Iꞌewȳte Hesaika Torānia Kawiat Rakat. Tutunug̃ kuap yne tomikyꞌesat koꞌi ewy. Miꞌi Wuatꞌi Nug̃ Hat atipy pe hawyi yi tote wy. (Iesui Aru E Hap 4:8, 11) Wuatꞌi Eꞌāt Piat Ieig̃neꞌen Hat. Wuatꞌi eꞌāt pe hamo ti raꞌyn toig̃neꞌen. — Saumu 90:2.
EREWANENTUP O ETIKUAP POꞌOG̃ HAMO
Etikuap hamo Tupana set seseꞌi koꞌi teꞌeruweupi kahato het sese kai hap. Etikuap hamo kat puo pyi tuweset enoi ewowi hap iꞌewȳte kat pote teset enoi hap.
3. Het seseꞌi toig̃ kahato maꞌato wentup sese yn Tupana set
Mīt set saꞌag̃ het sese kai tuweupi hanti. Kat pote asom teꞌeruweupi. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Vídeo puo pyi kat pote eig̃ Tupana set sese tuweupi het seseꞌi kai.
Tupana Ehay henoi mītꞌīn timontypot kahato tupanaria e. Eweimowempāp o Esutu 6:29. Miꞌi hawyi eiwoꞌoꞌehay o apoꞌe hap etiat.
-
Mesūwat puo pyi uwe asom poꞌog̃ tupanaria kai.
4. Ieuwa tikyꞌesat epiat toset kuap hap iꞌewȳte ehuꞌat hap wy
Aikotā̃ me asom watikuap Ieuwa tikyꞌesat epiat toset kuap hap. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Erewanentup hawe kat pote asom Ieuwa tikyꞌesat mītꞌīn piat toset sese kuap hap.
Ieuwa tikyꞌesat toset sese suꞌat ahepiat hap. Eweimowempāp o Iueu 2:32. Miꞌi hawyi apoꞌe hap koꞌi ete eiwoꞌoꞌehay.
-
Kat pote asom waku wahuꞌat Tupana set Ieuwa e hap.
-
Karāmpeꞌi mīt tiwāure eset hawyi tuwẽpowat eset puo hawyi aikotā̃ erepyhuꞌat.
-
Ehuꞌat tuereto Ieuwa set. Ȳt karāmpeꞌi etiwāure het. Ewanentup hawe miꞌi pote aikotā̃ asom Ieuwa topyhuꞌat.
5. Ieuwa tikyꞌesat en towyꞌok wo ereig̃neꞌen hap
Etikuap hamo aiwy Soten Camboja piat Tupana set sese toikuap taꞌyn iꞌewȳte kat e terān Ieuwa e hap hawyi iwepīt kahato toig̃neꞌen. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Vídeo puo pyi Soten weig̃neꞌen hap waku poꞌog̃ karāmpe toikuap taꞌyn Ieuwa set hawyi iꞌewȳte kan tutunug̃.
Aikotā̃ me kuapꞌi ereig̃neꞌen wentup ok wyꞌok wo etikuapꞌi het pote hanti. Eweimowempāp o Tiaku 4:8a. Miꞌi hawyi apoꞌe hap koꞌi ete eiwoꞌoꞌehay.
-
Mesūwat puo pyi kat hag̃ Tupana tikyꞌesat epiat inug̃ hap.
-
Etikuap hawyi ehuꞌat tuereto Ieuwa set pote. Aikotā̃ meig̃ miꞌi hap epowȳro kuap iwyꞌok wo poꞌog̃ ereig̃neꞌen hamo.
IRANIAꞌĪN TEꞌEROꞌE Tupana sese wentup yn miꞌi pote waku neꞌi Tupana Aikaꞌiwat awatuꞌe iꞌatuꞌe.
-
Etipȳwo hawyi etimohey asom Tupana set Ieuwa e hap.
-
Toset suꞌat sese hap Tupana tikyꞌesat mītꞌīn piat hap. Aikotā̃ meig̃ miꞌi hap etiat ehenoi kuap mītꞌīn me.
WATUWEMŪꞌE RAꞌYN
Tupana set sese yn ni Ieuwa e. Toikyꞌesat kahato watoig̃neꞌen towyꞌok wo hap miꞌi pote waku kahato watikuap miꞌi iꞌewȳte wahuꞌat tuereto Ieuwa e hap.
Hotꞌokꞌe te asom
-
Kat pote asom torānia tupanaria koꞌi kai Ieuwa tuweupi kahato.
-
Kat pote asom waku wahuꞌat Tupana set Ieuwa e hap.
-
Aikotā̃ me asom watikuap Ieuwa tikyꞌesat towyꞌok wo ereig̃neꞌen hap.
ETIKUAP TERĀN POꞌOG̃ POTE
Tupana heremoꞌi maꞌato toig̃neꞌen pykai. Aikotā̃ meig̃ miꞌi hap watikuap. Erehaꞌat pyno iwesat hap.
Erehaꞌat pyno kat pote watipȳwo kuap Tupana Wuatꞌi Eꞌāt Piat Ieig̃neꞌen Hat hawyi wuatꞌi eꞌāt pe hamo ti raꞌyn toig̃neꞌen hap.
Aikotā̃ me sese nimuaria huꞌat Tupana set sese hap ȳt watikuapꞌi maꞌato kat pote asom waku wahuꞌat Tupana set Ieuwa e hap.
Waku neꞌi Tupana sio Aikaꞌiwat iꞌatuꞌe iraniaꞌīn maꞌato pȳwo asom miotā̃ iꞌatuꞌe hap. Etikuap hamo kat pote Tupana set sese wentup yn hap.
a Miwan hit. Etikuap terān poꞌog̃ pote kat e Ieuwa set hap iꞌewȳte kat pote iraniaꞌīn tihep taꞌyn Ieuwa e hap Tupana Ehay pyi erehaꞌat kuap Apêndice A4 Tradução do Novo Mundo da Bíblia Sagrada e hap pe.
