WEMŪꞌE HAP 06
Aikotā̃ me asom tuwesaꞌawynug̃ yne.
Tupana Ehay henoi Wuatꞌi Nug̃ Hat Tupana e. (Iesui Aru E Hap 4:11) Etipȳwo asom miꞌi hap ete en. Iraniaꞌīn teꞌeroꞌe — Ȳt uweꞌi ti yne nug̃ hat iꞌatuꞌe. Miotā̃ iꞌatuꞌe hap pȳwo pote yne tuwemorehep iunteꞌen pyi neꞌi. Miꞌitā̃ neꞌi pote kat hamoꞌi watoig̃neꞌen. Maꞌato Yne Nug̃ Hat Ieuwa pote toikuap kahato kat pote tutunug̃ yne hap. a Korā̃ watikuap hamo Tupana Ehay puo pyi aikotā̃ me tuwesaꞌawynug̃ yne hap. Kat pote asom miꞌi hap ete watipȳwo kuap hap.
1. Uwe asom inug̃ mesūwat yi hawyi atipy.
Tupana Ehay henoi Wuatꞌi eꞌyj̃an me Tupana tunug̃ atipy iꞌewȳte yi e. (Ienesi 1:1) Miꞌi hap etiat cientista koꞌi tipȳwo kahato. Miꞌiria teꞌeremūꞌe kahato ciência e hap etiat koꞌi. Maꞌato aikotā̃ me asom Tupana tunug̃ mesūwat yi hawyi atipy. Topaꞌãu puo pyi Tupana tunug̃ yne mesūwat yi tote hawyi atipy pe waty waikiru. — Ienesi 1:2.
2. Kat hamo asom mesūwat yi Tupana tunug̃.
Ieuwa toꞌe — Atunug̃ hawyi ȳt atikyꞌesatꞌi mytȳp toig̃neꞌen ȳt uweꞌi itote hap ewy. Atikyꞌesat tukupteꞌen mītꞌīn itote e. (Isaia 45:18) Tutunug̃ mesūwat yi wuatꞌi eꞌāt piat aheig̃neꞌen hamuat ri. (Etimowempāp o Isaia 40:28; 42:5.) Ciência etiat wemūꞌe haria henoi mesūwat mytȳp tuweupi kahato āt waty waikiru koꞌi kai ikahu poꞌog̃ iꞌatuꞌe. Miꞌi pote watoig̃neꞌen kuap mesūwat yi tote yn iꞌatuꞌe.
3. Kat pote asom mītꞌīn teꞌeruweupi hũria miat koꞌi kai.
Ieuwa tunug̃ kahu mesūwat mytȳp hawyi tutunug̃ mikoi hawyi miat hũria koꞌi. Miꞌi hawyi Tupana tunug̃ naꞌyn toiaꞌag̃kap ihaig̃nia. (Etimowempāp o Ienesi 1:27.) Kat pote asom Tupana minug̃ koꞌi kai mītꞌīn teꞌeruweupi kahato. Kat pote Tupana tiꞌatunug̃ mītꞌīn toiaꞌag̃kap kawiat miꞌi pote watimoherep kuap iwat wakuat koꞌi woꞌokyꞌe hap hawyi iraniaꞌīn koꞌi. Iꞌewȳte ainug̃ iraniaꞌīn pusu suꞌat kuap hamo. Iꞌewȳte watenentup kuap wepȳ hap koꞌi kape hamo. Iꞌewȳte mītꞌīn timontypot kuap Tupana maꞌato hũria miat koꞌi ȳtꞌi.
EREWANENTUP O ETIKUAP POꞌOG̃ HAMO
Etikuap hamo kat pote watipȳwo kuap wentup ok iweꞌeg̃ kahato rakat yne nug̃ hat etiat hap. Kat pote watipȳwo kuap karāmpe Tupana Ehay henoi mesūwat mytȳp atipy nug̃ hap etiat hap iꞌewȳte mītꞌīn timoherep kuap wakuat koꞌi aikotā̃ Tupana ewy hap. Kan miꞌi hap aimūꞌe.
4. Wentup ok iweꞌeg̃ kahato rakat yne nug̃ hat.
Karāmpe mīt haꞌag̃ aikotā̃ Tupana minug̃ koꞌi ewy hawyi watehaꞌat hawyi waku kahato awatuꞌe. Erewanentup hawe uwe asom hepāp poꞌog̃ iꞌewȳte uwe pe poꞌog̃ asom eminug̃ koꞌi waku kahato awatuꞌe. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Vídeo puo pyi kat koꞌi hap etiat mītꞌīn haꞌag̃ Tupana minug̃ ewy.
Iunteꞌenꞌi netap tuwenug̃ maꞌato mīt inug̃. Maꞌato uwe asom yne nug̃ hat. Eweimowempāp o Epereu 3:4. Miꞌi hawyi apoꞌe hap koꞌi ete eiwoꞌoꞌehay.
-
Kat hap etiat emuehaꞌat poꞌog̃ Tupana minug̃ koꞌi.
-
Erewanentup hawe watimohey kuap asom wentup ok iweꞌeg̃ kahato rakat yne nug̃ hat ete. Kat pote miotā̃ ere.
Etikuap taꞌyn apo.
Aikotā̃ me etikuap poꞌog̃ kuap miꞌi hap koꞌi etiat hap site jw.org pe Wentup ok iweꞌeg̃ kahato rakat asom inug̃ e hap puo pyi iꞌewȳte Kat iꞌatuꞌeig̃ saꞌawynug̃ hap etiat e hap puo pyi.
Netap koꞌi mītꞌīn tunug̃ maꞌato Torānia Nug̃ Hat ri Tupana.
5. Tupana Ehay piat mienoi yne nug̃ hat etiat pȳwo piat
Ienesi hag̃a 1 pe Tupana Ehay henoi aikotā̃ me tesaꞌawynug̃ saꞌawy yi hap iꞌewȳte aikotā̃ me tesaꞌawynug̃ saꞌawy mesūwarote hap. Erewanentup hawe etipȳwo Tupana Ehay mienoi ete sio heso neꞌi miotā̃ e Tupana Ehay. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Tupana Ehay henoi seis eꞌāt hawyi ti tutunug̃ yne raꞌyn e. Miꞌi pote iraniaꞌīn teꞌerenentup hawe wantym ihatꞌok puo tutunug̃ iꞌatuꞌe. Miꞌi pote seis eꞌāt hawyi tutunug̃ yne raꞌyn iꞌatuꞌe. Maꞌato kat e terān haype asom Tupana Ehay miotā̃ e.
-
Etipȳwo kuap asom Tupana Ehay henoi Tupana tunug̃ yne hap etiat hap. Kat pote miotā̃ ere.
Eweimowempāp o Ienesi 1:1. Miꞌi hawyi eiwoꞌoꞌehay o apoꞌe hap etiat.
-
Ciência etiat wemūꞌe haria henoi wuatꞌi eꞌyj̃an mete tesaꞌawynug̃ atipy hawyi yi iꞌatuꞌe. Aikotā̃ etipuenti Ienesi 1:1 hap puo pyi miotā̃ iꞌatuꞌe hap.
Iraniaꞌīn henoi Tupana tunug̃ wentup tominug̃. Miꞌi iminug̃ kaipyi ti mōtꞌi hawyi hepamo tuwenug̃ pira hawyi awyky iꞌewȳte mītꞌīn koꞌi iꞌatuꞌe. Miotā̃ e hap evolução e hap. Eweimowempāp o Ienesi 1:21, 25, 27. Miꞌi hawyi apoꞌe hap koꞌi ete eiwoꞌoꞌehay.
-
Wentup Tupana minug̃ kaipyi ti mōtꞌi hawyi hepamo tuwenug̃ pira wo awyky wo iꞌewȳte mītꞌīn wo iꞌatuꞌe mītꞌīn. Maꞌato miotā̃ e asom Tupana Ehay aimūꞌe sio Tupana tunug̃ yne taꞌatuty ewy.
6. Tupana tunug̃ mītꞌīn teꞌeruweupi kahato hũria miat koꞌi kai.
Ieuwa ainug̃ aiweupi kahato hũria koꞌi kai. Eweimowempāp o Ienesi 1:26. Miꞌi hawyi eiwoꞌoꞌehay o apoꞌe hap etiat.
-
Mītꞌīn timoherep kuap woꞌokyꞌe hap wakuat koꞌi hap kat pote ainug̃ toiaꞌag̃kap kawiat. Kan miꞌi hap puo pyi aimūꞌe Ieuwa etiat.
IRANIAꞌĪN TEꞌEROꞌE Heso neꞌi Tupana Ehay henoi yne nug̃ hat etiat iꞌatuꞌe. Ȳt pȳwo peꞌi iꞌatuꞌe.
-
Miotā̃ iꞌatuꞌe e hap ete asom etipȳwo. Kat pote miotā̃ ere.
WATUWEMŪꞌE RAꞌYN
Ieuwa tunug̃ atipy hawyi mesūwat mytȳp iꞌewȳte torānia koꞌi wy.
Hotꞌokꞌe te asom
-
Uwe asom inug̃ mesūwat yi hawyi atipy.
-
Wentup Tupana minug̃ kaipyi ti mōtꞌi hawyi hepamo tuwenug̃ pira wo awyky wo iꞌewȳte mītꞌīn wo iꞌatuꞌe mītꞌīn. Maꞌato miotā̃ e asom Tupana Ehay aimūꞌe sio Tupana tunug̃ yne taꞌatuty ewy.
-
Kat pote asom mītꞌīn teꞌeruweupi hũria miat koꞌi kai.
ETIKUAP TERĀN POꞌOG̃ POTE
Etikuap hamo pira wato weita iꞌewȳte anehu iꞌatupuo pyi watikuap pȳwo toig̃ yne nug̃ hat hap.
Kat asom aimūꞌe Tupana minug̃ koꞌi etiat. (Despertai!, setembro de 2006)
Tupana Ehay henoi Tupana tunug̃ yne hap etiat. Etikuap hamo aikotā̃ meig̃ ȳwotꞌīn nyꞌīn henoi kuap taꞌatumempytꞌīn me miꞌi hap etiat hap.
Wentup Tupana minug̃ kaipyi ti mōtꞌi hawyi hepamo tuwenug̃ pira wo awyky wo iꞌewȳte mītꞌīn wo iꞌatuꞌe mītꞌīn. Maꞌato miotā̃ e asom Tupana Ehay aimūꞌe. Etikuap hamo etimowempāp o popera.
Wentup Tupana minug̃ kaipyi asom tuwemoherep mītꞌīn koꞌi hawyi miat koꞌi. (Site jw.org piat)
Iraniaꞌīn teꞌeroꞌe uruimoherep kuap evolução e hap pȳwo piat hap iꞌatuꞌe. Maꞌato pȳwo asom.
Yne saꞌawynug̃ hap etiat — Cinco apoꞌe hap koꞌi hawyi iwesat hap koꞌi (popera)
a Miwan hit. Wemūꞌe hap 25 tote watikuap hamo kat hamo Tupana tunug̃ mītꞌīn hap.
