WEMŪꞌE HAP 10
Aikotā̃ me asom Ieuwa Ehay Enoi Haria waꞌatunug̃ hap koꞌi epowȳro kuap.
Ereto raꞌyn Ieuwa Ehay Enoi Haria waꞌatunug̃ hap kape. Ȳt ite pote moꞌopuo eremunti kahato ereto hamo hanti. Moꞌopuo erewanentup aikotā̃ asom iꞌatuwaꞌatunug̃ hap koꞌi tote. Kat pote asom teꞌeruwaꞌatunug̃ tuereto. Kat pote asom waku areto tuereto iꞌatuwaꞌatunug̃ hap koꞌi kape ere kuap. Mesūwat wemūꞌe hap puo pyi etikuap hamo iꞌatuwaꞌatunug̃ hap epowȳro kuap mīt waku rakatno poꞌog̃ ereig̃neꞌen hamo iꞌewȳte Tupana wyꞌok wo poꞌog̃ ereig̃neꞌen hamo wy.
1. Kat hamo asom Ieuwa Ehay Enoi Haria teꞌeruwaꞌatunug̃ tuereto.
Tupana Ehay henoi Uiwyriaꞌīn pyꞌasetpe atimontypot kahato en Tupana e. (Saumu 22:22) Miꞌi pote waku watuwaꞌatunug̃ tuereto Tupana montypot hamo. Miꞌi pote mesūwat yi oktān Ieuwa Ehay Enoi Haria teꞌeruwaꞌatunug̃ tuereto teꞌeruwepȳ taꞌatuhentup hawyi taꞌatumontypot Tupana hamo. Wuatꞌi anu upi Ieuwa Ehay Enoi Haria Waꞌatunug̃ Wato Hap toig̃. Taꞌatupuenti waku kahato teꞌeruwaꞌatunug̃ hap koꞌi.
2. Kat hap etiat aru etikuap uruwaꞌatunug̃ hap tote.
Waꞌatunug̃ hap tote watuwemūꞌe hamo Tupana Ehay ete. Uruimowempāp Tupana Ehay. Uruimoherep kahato kat e sese Tupana woꞌonãpin hap koꞌi kuap hamo. (Etimowempāp o Niemia 8:8.) Waꞌatunug̃ hap tote etikuap hamo Ieuwa etiat iꞌewȳte iwat wakuat koꞌi etiat wy. Etikuap poꞌog̃ poꞌog̃ Ieuwa ekyꞌe kahato hap hawyi iwyꞌok wo poꞌog̃ ereig̃neꞌen hamo. Iꞌewȳte etikuap hamo wy aikotā̃ me Ieuwa epowȳro kuap ereig̃neꞌen ewepīt hap wȳwo hamo. — Isaia 48:17, 18.
3. Kat pote asom waku ehoꞌokuap waꞌatunug̃ hap totiaria mītꞌīn.
Tehay puo pyi Ieuwa henoi waku watoꞌopowȳro wentup yat piaria ewy. Ȳt nakuꞌi watoꞌoꞌatoiat atoiat neꞌi aiwaꞌatunug̃ hap tote pyi karāmpe watuwaꞌatunug̃ turān e. (Epereu 10:24, 25) Waꞌatunug̃ hap koꞌi tote etiꞌatukuap hamo mītꞌīn woꞌokyꞌe sese haria iꞌewȳte Tupana kuap terān haria wy. Itote iꞌatuehay se kahato Tupana Ehay piat koꞌi etiat. (Etimowempāp o Humanu 1:11, 12.) Iꞌewȳte etiꞌatukuap hamo taꞌatuetiat niatpo pykai maꞌato taꞌatuwepīt hap wȳwo tukupteꞌen hap. Miꞌi pote Ieuwa tikyꞌesat watuwaꞌatunug̃ tuereto hap.
EREWANENTUP O ETIKUAP POꞌOG̃ HAMO
Etikuap hamo aikotā̃ Ieuwa Ehay Enoi Haria waꞌatunug̃ hap totiat hap iꞌewȳte kat pote waku ereto tuereto iꞌatuwaꞌatunug̃ hap koꞌi kape.
4. Aikotā̃ asom Ieuwa Ehay Enoi Haria waꞌatunug̃ hap koꞌi.
Haꞌawyte pyi ti raꞌyn Iesui Potmūꞌeria 12 ok takaria e tempu turān Iesui mohey haria teꞌeruwaꞌatunug̃ tuereto Ieuwa montypot hamo. (Humanu 16:3-5) Eweimowempāp o Korosi 3:16. Miꞌi hawyi eiwoꞌoꞌehay o apoꞌe hap etiat.
-
Nimo Iesui Potmūꞌeria 12 ok takaria e tempu turān aikotā̃ meig̃ Iesui mohey haria timontypot Ieuwa.
Miꞌi hap ewy ti Ieuwa Ehay Enoi Haria teꞌeruwaꞌatunug̃ tuereto Tupana montypot hamo. Etikuap poꞌog̃ aikotā̃ waꞌatunug̃ hap tote hamo ewetehaꞌat pyno VÍDEO kape. Ewetehaꞌat kahu hawyi ewetehaꞌat iaꞌag̃kap waꞌatunug̃ hap kape. Miꞌi hawyi apoꞌe hap koꞌi ete eiwoꞌoꞌehay.
-
Vídeo puo pyi etikuap taꞌyn aikotā̃ waꞌatunug̃ hap tote hap. Pyno aikotā̃ meig̃ korā̃ Korosi 3:16 e hap ewy Ieuwa Ehay Enoi Haria waꞌatunug̃ hap tote.
-
Erehaꞌat vídeo kape sio iaꞌag̃kap kape hawyi kat hap poꞌog̃ etipuenti waku poꞌog̃.
Eweimowempāp o 2 Kurintiu 9:7. Miꞌi hawyi eiwoꞌoꞌehay o apoꞌe hap etiat.
-
Waꞌatunug̃ hap tote Ieuwa Ehay Enoi haria ȳt hentupꞌi dinheiro mītꞌīn me. Kat pote asom.
Emūꞌe hat wȳwo erehaꞌat kuap kat hap etiat mesūwat ahewakawiat waꞌatunug̃ hap henoi hamuat hap etiat.
-
Korā̃ etikuap taꞌyn kat etiat hap waꞌatunug̃ hap henoi hamuat hap. Kat hap etiat aru epowȳro poꞌog̃ kuap sio etipuenti waku kahato hamo.
Etikuap taꞌyn apo.
Site jw.org pe etipuenti kuap karānia hora hawyi aj̃umpe Ieuwa Ehay Enoi Haria waꞌatunug̃ hap mesūwat yi oktān hap.
-
Waꞌatunug̃ hap koꞌi tote watenentup hamo ihaig̃niaꞌīn mienoi Tupana Ehay piat koꞌi kape iꞌewȳte aikotā̃ aikotā̃ me watimūꞌe kuap mītꞌīn hap etiat iꞌewȳte vídeo koꞌi kape. Waꞌatunug̃ hap eꞌyj̃an mete watuwepȳ iꞌewȳte wahentup Tupana kape. Ikahuro pe miꞌitā̃ wy.
-
Waꞌatunug̃ hap turān mītꞌīn tikyꞌesat pote taꞌatuwesat kuap apoꞌe hap koꞌi.
-
Torānia tuwat kuap waꞌatunug̃ hap koꞌi kape. Ihag̃niaꞌīn haryporiaꞌīn ipōro rakaria iꞌewȳte hirokaria.
-
Ieuwa Ehay Enoi Haria waꞌatunug̃ hap koꞌi tote ȳt uweꞌi hentup dinheiro koꞌi.
5. Niatpo ētiat pykai maꞌato waku ereto tuereto waꞌatunug̃ hap koꞌi kape
Iesui toꞌȳwot toty towyriaꞌīn wȳwo wuatꞌi anu teꞌeruwat tuereto Nasare pyi Ierusarẽi kape waꞌatunug̃ wato hap kape. Maꞌato niatpo kahato iꞌatuwat hap kat pote taꞌatupy wo tuwat muap yityꞌok kahato rakat upi myẽꞌym eꞌāt hap ewy teꞌeruwat pya kahato pote. Eweimowempāp o Iruka 2:39-42. Miꞌi hawyi apoꞌe hap koꞌi ete eiwoꞌoꞌehay.
-
Niatpo asom teꞌeruwat Nasare pyi Ierusarẽi kape hap. Kat pote asom.
-
Ehenoi pyno kat pote asuwe niatpo epe ereto tuereto waꞌatunug̃ hap koꞌi kape hamo.
-
Waku hamo asom ereto tuereto waꞌatunug̃ hap koꞌi kape hap. Kat pote miotā̃ ere.
Tupana Ehay henoi waku watuwaꞌatunug̃ iraniaꞌīn wȳwo Ieuwa montypot hamo e. Eweimowempāp o Epereu 10:24, 25. Miꞌi hawyi eiwoꞌoꞌehay o apoꞌe hap etiat.
-
Kat pote asom waku wato tuereto waꞌatunug̃ hap koꞌi kape.
IRANIAꞌĪN TEꞌEROꞌE Kat hamoꞌi wato waꞌatunug̃ hap koꞌi kape Tupana montypot hamo iꞌatuꞌe. Aiꞌyat pe yn watimowempāp Tupana Ehay pote waku raꞌyn iꞌatuꞌe.
-
Mesūwat wemūꞌe hap puo pyi miotā̃ iꞌatuꞌe hap asom Ieuwa mikyꞌesat ewy. Aikowan Tupana Ehay piat e hap etimoherep kuap iꞌatuepe sio uwe etiag̃ ehenoi kuap waꞌatunug̃ hap etiat.
WATUWEMŪꞌE RAꞌYN
Ereto tuereto waꞌatunug̃ hap koꞌi kape pote etikuap poꞌog̃ hamo Ieuwa etiat iꞌewȳte iwyꞌok wo poꞌog̃ hamo ereig̃neꞌen iꞌewȳte waꞌatunug̃ hap koꞌi tote etimontypot hamo Ieuwa iraniaꞌīn mītꞌīn wȳwo.
Hotꞌokꞌe te asom
-
Kat pote asom Ieuwa tikyꞌesat wato tuereto waꞌatunug̃ koꞌi kape hap.
-
Kat hap etiat eig̃ etikuap hamo waꞌatunug̃ hap koꞌi tote.
-
Aikotā̃ me poꞌog̃ asom waꞌatunug̃ hap epowȳro poꞌog̃ kuap.
ETIKUAP TERĀN POꞌOG̃ POTE
Moꞌopuo eremunti ereto waꞌatunug̃ hap koꞌi kape hamo. Wentup ok ihaig̃nia temunti kahato toto waꞌatunug̃ hap kape hamo maꞌato toto raꞌyn hawyi ipap kahato raꞌyn waꞌatunug̃ hap koꞌi kape. Etikuap hamo etimowempāp kuap.
Kat pote toipuenti waku kahato waꞌatunug̃ hap koꞌi iꞌewȳte kat asom tutunug̃ toto yn tuereto waꞌatunug̃ hap koꞌi kape hamo. Erehaꞌat pyno.
Kat iꞌatuꞌe asom iraniaꞌīn waꞌatunug̃ hap etiat. Etimowempāp o.
Kat pote asom waku wato waꞌatunug̃ hap Ieuwa montypot yat kape. (Site jw.org piat)
Saꞌawyꞌi ihaig̃nia sese ipyꞌahak iꞌewȳte tuwewyꞌinug̃ sese saꞌag̃ nug̃ haria wywo. Maꞌato toto Ieuwa Ehay Enoi Haria waꞌatunug̃ hap kape hawyi tuwekoꞌywyk kahato. Etikuap hamo etimowempāp kuap.
Karāmpeꞌi arẽtem uhemuka wȳwoꞌi pote (A Sentinela, 1.º de julho de 2014)
