WEMŪꞌE HAP 14
Kat asom waku watunug̃ watimontypot Tupana imikyꞌesat ewy hamo.
Watikuap taꞌyn wemūꞌe hap 13 puo pyi ȳt torāniaꞌi religião Tupana mowepīt hap. Maꞌato aitoria watimontypot kuap Ainug̃ Hat mikyꞌesat ewy. Aikowat asom religião pȳwo piat sēse rakat inug̃ Tupana mikyꞌesat ewy. (Tiaku 1:27) Watikuap hamo Tupana Ehay puo pyi.
1. Kat hap puo pyi eig̃ watikuap hamo watimontypot pȳwo pe sēse Tupana hap sio ȳtꞌi hap.
Watimontypot sēse sio ȳtꞌi hap watikuap Tupana Ehay puo pyi hamo. Iesui henoi Tupana pe Ehay pȳwuat e. (Iuwãu 17:17) Religião ȳt pȳwo piatꞌi rakaria ȳt teꞌeruwatꞌi Tupana Ehay piat e hap upi maꞌato teꞌeruwat mītꞌīn ehay upi neꞌi. Ieuwa iꞌarōt apuete eweiꞌe Tupana mikyꞌesat koꞌi nug̃ hawe hawyi eimikyꞌesat yn ewetunug̃ aat kaꞌap haria ete. (Etimowempāp o Maku 7:9.) Maꞌato watimowepīt kuap Ieuwa watunug̃ iꞌe hap ewy pote.
2. Aikotā̃ me asom waku ahepiat Ieuwa montypot hap waku.
Waku watimontypot Ieuwa yn katupono miꞌi ti Ainug̃ Hat. (Iesui Aru E Hap 4:11) Miꞌi pote ȳt watiꞌatumontypotꞌi iaꞌag̃kap koꞌi sio watuwepỹꞌãtutuk iꞌatuewowi kat pote watikyꞌe hawyi watimontypot Ieuwa yn. — Etimowempāp o Teturonamia 5:8, 9.
Tupana Ehay toꞌe waku eheig̃neꞌen hap imikyꞌesat ewy imontypot hap yn topyhuꞌat e. (Humanu 12:1) Miꞌi pote waku watimontypot iwoꞌonãpin hap koꞌi woꞌokyꞌe hap wȳwo. Kotā̃ e hap. Ieuwa kyꞌe kahato haria mītꞌīn imontypot yne iwoꞌonãpin hap koꞌi ete woꞌomenaru hat etiat. Iꞌewȳte ȳt taꞌatuhapyꞌi suhu neig̃ suhuhit koꞌi iꞌewȳte neig̃ teꞌeremahyꞌu kahato. a — Erehaꞌat o miwan hit.
3. Kat pote asom waku watimontypot Ieuwa imontypot haria wȳwo.
Ieuwa tikyꞌesat wato tuereto waꞌatunug̃ hap koꞌi kape tomontypot hamo kat pote aikyꞌe kahato iꞌewȳte toikuap miꞌi hap aipowȳro aiwepīt wuatꞌi eꞌāt piat hamo. Karāmpe watuwaꞌatunug̃ congregação piaria wȳwo pote watimontypot Ieuwa aiwepȳ hap puo pyi iꞌewȳte iraniaꞌīn aiminug̃ puo pyi wy. (Etimowempāp o Saumu 104:33.) Wepȳ hap koꞌi puo pyi Waku kahato en Tupana watoꞌe. Arehum uipyꞌa pyi yne waꞌatunug̃ haria Tupana emītꞌīn wȳwo watoꞌe. (Saumu 111:1, 2) Karāmpe wato tuereto waꞌatunug̃ hap kape pote watiꞌatumoesaika iraniaꞌīn iꞌewȳte aimoesaika miꞌiria wy.
EREWANENTUP O ETIKUAP POꞌOG̃ HAMO
Etikuap hamo kat pote Ieuwa ȳt tikyꞌesatꞌi iaꞌag̃kap koꞌi montypot hap. Iꞌewȳte etikuap hamo kat koꞌi puo pyi etimontypot kuap Ieuwa hap.
4. Tupana montypot hamo ȳt nakuꞌi watimontypot iaꞌag̃kap koꞌi
Aikotā̃ hap puo pyi asom watikuap Tupana ȳt tikyꞌesatꞌi iaꞌag̃kap koꞌi montypot hap neig̃ tupanaria koꞌi iaꞌag̃kap montypot hap. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Karāmpe iraniaꞌīn Isareu ywaniaria tunug̃ wewato mempȳt hit iaꞌag̃kap Ieuwa montypot hamo hawyi kan tuwemoherep iꞌatuwȳwo.
Iraniaꞌīn mītꞌīn teꞌeroꞌe iaꞌag̃kap puo pyi atimontypot Tupana iwyꞌok wo poꞌog̃ areig̃neꞌen hamo iꞌatuꞌe. Maꞌato waku asom miꞌi hap taꞌatunug̃. Eweimowempāp o Esutu 20:4-6 hawyi Saumu 106:35, 36. Miꞌi hawyi apoꞌe hap koꞌi ete eiwoꞌoꞌehay.
-
Mītꞌīn timontypot iaꞌag̃kap hap koꞌi hap kape erehaꞌat raꞌyn. Aikotā̃ rakat iaꞌag̃kap koꞌi kape erehaꞌat.
-
Ieuwa tikyꞌesat asom tomontypot iaꞌag̃kap koꞌi puo pyi hap.
-
Aikotā̃ etipuenti iaꞌag̃kap koꞌi montypot hap etiat.
5. Watimontypot Ieuwa yn hawyi religião ȳt pȳwo piatꞌi rakaria ȳt aimaꞌat koꞌi poꞌog̃
Etikuap hamo karāmpe watimontypot raꞌyn Ieuwa waku pe hawyi religião ȳt pȳwo piatꞌi rakaria ete watimoheyꞌi poꞌog̃ hamo. Ewetehaꞌat pyno VÍDEO kape.
Etimowempāp o Saumu 91:14. Miꞌi hawyi eiwoꞌoꞌehay o apoꞌe hap etiat.
-
Watimoherep watikyꞌe sēse Ieuwa hap karāmpe watimontypot miꞌi yn hap puo pyi. Miꞌi hap watunug̃ mote kat e hamo eig̃ Ieuwa ahepe.
6. Watimontypot Tupana aiwaꞌatunug̃ hap koꞌi puo pyi
Watimontypot Ieuwa iꞌewȳte watiꞌatumoesaika aiwyriaꞌīn karāmpe waꞌatunug̃ hap tote watuwepȳ hap puo pyi iꞌewȳte watiꞌatuwesat hap koꞌi puo pyi. Eweimowempāp o Saumu 22:22. Miꞌi hawyi apoꞌe hap koꞌi ete eiwoꞌoꞌehay.
-
Waꞌatunug̃ tuereto hap koꞌi turān taꞌatuwesat apoꞌe hap koꞌi. Aikotā̃ etipuenti miꞌi hap.
-
Etiꞌatuwesat terān apo apoꞌe hap koꞌi wy waꞌatunug̃ hap koꞌi turān.
7. Ieuwa iwepīt kahato karāmpe wahenoi aimikuap hit Tupana Ehay etiat iraniaꞌīn me pote
Aikotā̃ aikotā̃ me neꞌi wahenoi kuap Tupana Ehay piat pȳwuat e hap koꞌi mītꞌīn me. Eweimowempāp o Saumu 9:1 hawyi 34:1. Miꞌi hawyi eiwoꞌoꞌehay o apoꞌe hap etiat.
-
Ewemūꞌe hap puo pyi etikuap kahato raꞌyn Tupana Ehay piat pȳwuat e hap koꞌi. Kat hap etiat ehenoi terān iraniaꞌīn me.
IRANIAꞌĪN TEꞌEROꞌE Aipyꞌa pyi watimontypot Tupana pote waku neꞌi watiꞌaira aikotā̃ me hamuat watimontypot Tupana hap iꞌatuꞌe.
-
Iꞌatuwanentup hap ewy apo ewanentup hap wy.
WATUWEMŪꞌE RAꞌYN
Watimowepīt Ieuwa karāmpe watimontypot Ieuwa yn hawyi waꞌatunug̃ hap koꞌi tote watuwepȳ watiwesat apoꞌe hap koꞌi iꞌewȳte aimikuap Tupana Ehay piat wahenoi iraniaꞌīn pe pote.
Hotꞌokꞌe te asom
-
Kat hap puo pyi eig̃ watikuap hamo watimontypot pȳwo pe sēse Tupana hap sio ȳtꞌi hap.
-
Kat pote asom Ieuwa yn waku watimontypot.
-
Ieuwa mikyꞌesat nug̃ terān haria wȳwo waku watuwaꞌatunug̃ Ieuwa montypot hamo. Kat pote asom.
ETIKUAP TERĀN POꞌOG̃ POTE
Wentup ok haryporia iwepīt kahato totoiat raꞌyn tupanaria iaꞌag̃kap koꞌi montypot hawyi. Etikuap poꞌog̃ hamo etimowempāp o popera Atimontypotꞌi poꞌog̃ tupanaria iaꞌag̃kap koꞌi.
Etikuap hamo kat epowȳro kuap etiꞌatuwesat apoꞌe hap koꞌi waꞌatunug̃ hap koꞌi tote turān hamo hap.
Etimowato o Ieuwa ewyriaꞌīn pyꞌasetpe (A Sentinela, janeiro de 2019)
Waꞌatunug̃ hap koꞌi tipowȳro kahato ihaig̃nia niatpo kahato toto waꞌatunug̃ hap koꞌi kapiat pykai. Erehaꞌat o vídeo kape.
Iesui mohey haria waku imontypot ariaꞌyp posak iꞌatuꞌe mītꞌīn maꞌato pȳwo asom miꞌi hap waku.
Kat pote asom Ieuwa Ehay Enoi Haria ȳt timontypotꞌi ariaꞌyp posak. (Site jw.org piat)
a Miꞌi hap koꞌi etiat etikuap hamo te ewemūꞌe hap puo pyi.
