WEMŪꞌE HAP 16
Kat koꞌi asom Iesui tunug̃ mesūwat yi tote toig̃neꞌen turān.
Karāmpe iraniaꞌīn teꞌerenentup Iesui kape hawyi hotꞌokꞌe iꞌatuete aikotā̃ Iesui ywãꞌĩ hap miꞌi mīt wakuat kahato Tupana Ehay moherep kahato hat iꞌatuꞌe sio hotꞌokꞌe ikuꞌuro hap etiat. Maꞌato karāmpe watemūꞌe Iesui weig̃neꞌen mesūwat yi totiat turān wuat hap etiat hawyi watikuap poꞌog̃ hamo Iesui etiat. Mesūwat wemūꞌe hap puo pyi watikuap poꞌog̃ hamo kat poꞌog̃ Iesui tunug̃ poꞌog̃ torānia kai mesūwat yi totiat toig̃neꞌen turān wuat hap etiat. Iꞌewȳte aikotā̃ me miꞌi hap epowȳro kuap hap.
1. Kat hap eig̃ Iesui tunug̃ poꞌog̃ torānia kai.
Iesui tūt sehay wakuat enoi hamo. Aikotā̃ Tupana topyhuꞌat irane wuatꞌi ywania Porekuatno hap moherep hamo. (Etimowempāp o Iruka 8:1.) Kat koꞌi kat koꞌi neꞌi Iesui tunug̃ maꞌato tutunug̃ poꞌog̃ torānia kai tohenoi mītꞌīn piat Tupana Morekuat etiat hap. Iesui henoi kahato Tupana Morekuat etiat. Tupana Morekuat yn hamuat ri imomã mītꞌīn piat hoꞌopot hap koꞌi wȳwo. a Três anu hawyi seis meses turān Iesui henoi henoi kahato mītꞌīn me sehay wakuat koꞌi etiat iꞌatuepiat ikuap hamo. — Mateu 9:35.
2. Kat hag̃ Iesui timoherep terān tominug̃ wakuat ȳt uwe minug̃ ewywuatꞌi hap koꞌi puo pyi.
Tupana Ehay henoi kahato tominug̃ wakuap ȳt uwe minug̃ ewywuatꞌi Iesui timoherep kahato. Miꞌi mīt timoherep Tupana esaika hap e. (Iesui Potmūꞌeria 2:22) Tupana tum tesaika hap Iesui pe. Miꞌi hap puo pyi Iesui timomperupꞌi wasere wato toiꞌatumuenuk mītꞌīn sem koꞌi iꞌewȳte toiꞌatumoehaig̃te iꞌahū rakaria iꞌewȳte toiꞌatuhymūt ikuꞌuro rakaria. (Mateu 8:23-27; 14:15-21; Maku 6:56; Iruka 7:11-17) Miꞌi hap koꞌi puo pyi Iesui timoherep Tupana ti ipoꞌoro ūt mesūwat yi kape hap iꞌewȳte tominug̃ koꞌi puo pyi toimoherep Ieuwa hesaika kahato rakat hap miꞌi pote Ieuwa timomã yne kuap hoꞌopot hap koꞌi wȳwo.
3. Aikotā̃ niatpo Iesui etiat pykai maꞌato kat hag̃ toimoherep terān ahepe.
Yne tominug̃ koꞌi upi Iesui tihaymontypot Ieuwa. (Etimowempāp o Iuwãu 8:29.) Miꞌi hap tutunug̃ yne toweig̃neꞌen hap oktān aikotā̃ tetiat niatpo kahato pykai iꞌatumikyryꞌi tokuꞌuro hap kape maꞌato tutunug̃ ne Ieuwa mikyꞌesat re. Miꞌi hap koꞌi puo pyi toimoherep aikotā̃ niatpo kahato ahetiat pykai maꞌato watunug̃ kuap Tupana mikyꞌesat aikuꞌuro hap kape hap. Pȳwo toimoherep terān ahepe aikotā̃ waku watunug̃ hap. Toikyꞌesat kahato watunug̃ tominug̃ hap oktān. — 1 Peteru 2:21.
EREWANENTUP O ETIKUAP POꞌOG̃ HAMO
Etikuap hamo aikotā̃ me Iesui henoi Tupana Ehay piat sehay wakuat koꞌi etiat hap iꞌewȳte etikuap hamo iminug̃ uwe misepap ewywuatꞌi hap koꞌi etiat.
4. Iesui henoi Tupana Ehay piat sehay wakuat koꞌi etiat
Iesui sēse hewyry kahato topy wo torānia tawa koꞌi puo tohenoi Tupana Ehay piat wakuat koꞌi mītꞌīn piat hamo. Eweimowempāp o Iruka 8:1. Miꞌi hawyi apoꞌe hap koꞌi ete eiwoꞌoꞌehay.
-
Ewanentup hawe tewowiat õꞌẽ haria pe yn asom Iesui henoi Tupana Ehay etiat.
-
Iesui henoi torānia mītꞌīn piat Tupana Ehay etiat hamo. Kat hag̃ tutunug̃ tuereto.
Nimo pyi raꞌyn Tupana henoi Nesia wyti aru tūt sehay wakuat enoi mītꞌīn piat hamo e. Eweimowempāp o Isaia 61:1, 2. Miꞌi hawyi apoꞌe hap koꞌi ete eiwoꞌoꞌehay.
-
Mesūwat e hap ewy Iesui tunug̃. Maꞌato aikotā̃ me asom miꞌi hap tutunug̃.
-
Erewanentup hawe korā̃ wuaria mītꞌīn waku asom ikuap mesūwat e hap etiat hawyi iraniaꞌīn sehay wakuat koꞌi Tupana Ehay piat hap etiat.
5. Iesui hoꞌomūꞌe waku rakat woꞌonãpin hap koꞌi etiat
Iesui henoi kahato mītꞌīn me sehay wakuat Tupana Morekuat etiat iꞌewȳte tohoꞌonãpin kahato waku rakat nug̃ hap etiat wy. Etikuap hamo iraniaꞌīn Iesui woꞌonãpin hap koꞌi imienoi yityꞌok totiat. Eweimowempāp o Mateu 6:14, 34 hawyi 7:12. Miꞌi hawyi apoꞌe hap koꞌi ete eiwoꞌoꞌehay.
-
Aimimowempāp koꞌi puo pyi kat e eig̃ Iesui hoꞌonãpin.
-
Ewanentup hawe Iesui mienoi woꞌonãpin hap koꞌi etiat mītꞌīn powȳro kuap te asom korā̃.
6. Iesui tunug̃ ȳt uwe misepap ewywuatꞌi
Ieuwa tum tesaika hap Iesui pe ȳt uwe misepap ewywuatꞌi koꞌi nug̃ hamo. Miꞌi hap etiat etikuap poꞌog̃ hamo. Eweimowempāp o Maku 5:25-34 sio ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Vídeo puo pyi watikuap haryporia sēse iꞌahū kahato. Maꞌato kat hap ete toimohey kahato.
-
Uwe misepap ewywuatꞌi Iesui tunug̃ toimoehaig̃te haryporia iꞌahū rakat. Miꞌi hap etiat kat hag̃ etipuenti poꞌog̃ waku.
Eweimowempāp o Iuwãu 5:36. Miꞌi hawyi eiwoꞌoꞌehay o apoꞌe hap etiat.
-
Uwe misepap ewywuatꞌi Iesui tunug̃. Iminug̃ koꞌi puo pyi kat hag̃ mītꞌīn tikuap.
Etikuap taꞌyn apo.
Porapꞌi yne aimikuap hit Iesui etiat watipuenti popera Mateu Maku Iruka hawyi Iuwãu pe. Meig̃muewuat popera koꞌi wan haria tiwan teꞌeruweupi maꞌato irania taꞌatuwan toꞌoꞌewy miꞌi pote karāmpe watimowempāp yne hawyi watikuap poꞌog̃ aikotā̃ Iesui weig̃neꞌen mesūwat yi totiat hap.
-
MATEU
Saꞌawyꞌi wuat popera Iesui etiat miwan. Popera Mateu pe watipuenti kahato aikotā̃ me Iesui hoꞌomūꞌe hap koꞌi etiat. Iꞌewȳte Tupana Morekuat etiat tohenoi kahato hap wy.
-
MAKU
Poꞌog̃ kurin nakat popera maꞌato tohenoi kahato aikotā̃ saꞌawyꞌi wuat Iesui minug̃ koꞌi aimuehaꞌat kahato hap etiat.
-
IRUKA
Popera Iruka henoi hentup hap koꞌi sēse waku Iesui piat hap iꞌewȳte aikotā̃ Iesui tenentup kahato haryporiaꞌīn kape hap iꞌewȳte aikotā̃ me toiꞌatumontypot kahato hap etiat.
-
IUWÃU
Popera Iuwãu henoi Iesui toꞌoꞌehay kahato towyꞌokria wȳwo hap etiat iꞌewȳte iraniaꞌīn wȳwo hap etiat wy. Miꞌi hap aipowȳro Iesui wat wakuat koꞌi watikuap hamo.
IRANIAꞌĪN TEꞌEROꞌE Iesui ti Tupana torānia kawiat hesaika rakat iꞌatuꞌe.
-
Aikotā̃ etipuenti miꞌi hap etiat.
WATUWEMŪꞌE RAꞌYN
Iesui henoi kahato Tupana Morekuat etiat. Tutunug̃ kahato uwe misepap ewywuatꞌi koꞌi. Iesui timontypot kahato toꞌȳwot Ieuwa yne hap ete.
Hotꞌokꞌe te asom
-
Karāmpe Iesui toig̃neꞌen mesūwat yi tote turān. Kat hap eig̃ tutunug̃ poꞌog̃ torānia kai.
-
Uwe misepap ewywuatꞌi koꞌi Iesui tunug̃. Miꞌi hap koꞌi puo pyi kat hag̃ toimoherep.
-
Iesui hoꞌomūꞌe waku rakat woꞌonãpin hap koꞌi etiat. Kat hap etiat eig̃.
ETIKUAP TERĀN POꞌOG̃ POTE
Iesui toig̃neꞌen mesūwat yi tote turān kat hap etiat asom tohenoi terān poꞌog̃ mītꞌīn me.
Kat pote asom Iesui henoi henoi kahato Tupana Morekuat etiat. (A Sentinela, 1.º de outubro 2014)
Pȳwo asom tuwemoherep uwe misepap ewywuatꞌi koꞌi Iesui tunug̃ hap. Etikuap hamo etimowempāp o popera.
Uwe misepap ewywuatꞌi koꞌi Iesui tunug̃ — Kan miꞌi hap aimūꞌe. (A Sentinela, 15 de julho 2004)
Iesui ȳt tuwemowatoꞌi tenentup kahato mītꞌīn kape. Miꞌi hap etiat wentup ok ihaig̃nia tuwemūꞌe hawyi tuwekoꞌywyk taꞌyn. Miꞌi hap etiat etimowempāp kuap.
Saꞌawyꞌi uiwewowi yn arenentup (A Sentinela, 1.º de outubro de 2014)
Iesui tesetꞌok hap tote pyi tokuꞌuro hap kape poꞌog̃ waku rakat tutunug̃. Miꞌi hap etiat iminug̃ koꞌi etikuap hamo etimowempāp o popera
