Mesūwat yi oktān toig̃ kahato mītꞌīn uito Iesui mohey hat e haria. Miotā̃ iꞌatuꞌe pykai maꞌato Iesui woꞌonãpin hap taꞌatumontypot ȳt wentup ewy ynꞌi. Iraniaꞌīn teꞌerepotmūꞌe teꞌeruweupi iraniaꞌīn Iesui mohey haria koꞌi kai iꞌewȳte wentup ewy ynꞌi iꞌatumimohey koꞌi. Miꞌi tupono aikotā̃ me asom watikuap uwe sēse Iesui mohey sēse haria hap.

1. Kat e terān haype asom Iesui mohey haria e hap.

Iesui mohey haria e hap ti Iesui potmūꞌeria sēse pe. (Etimowempāp o Iesui Potmūꞌeria 11:26.) Maꞌato kat hap puo pyig̃ asom mīt timoherep Iesui mohey sēse hatno toig̃neꞌen hap. Iesui henoi miꞌi hap etiat Uiꞌe hap ewetunug̃ no miꞌi pote uipotmūꞌeria sēse wo eweikupteꞌen e. (Iuwãu 8:31) Miꞌi pote Iesui mohey sēse hat imontypot yne Iesui woꞌonãpin hap koꞌi ete iꞌewȳte tutunug̃ wy. Torānia Iesui mienoi koꞌi iꞌewȳte iminug̃ koꞌi Tupana Ehay piat ewy. Miꞌi hap ewy Iesui mohey sēse haria teꞌerepotmūꞌe Tupana Ehay piat yn iꞌewȳte taꞌatunug̃ yne Tupana e hap ewy aikotā̃ Iesui ewy. — Etimowempāp o Iruka 24:27.

2. Aikotā̃ me asom Iesui mohey sēse haria timoherep woꞌokyꞌe hap.

Topotmūꞌeria pe Iesui toꞌe Eiwoꞌokyꞌe ro aikotā̃ Uito worohoꞌokyꞌe hap ewy e. (Iuwãu 15:12) Aikotā̃ me asom Iesui timoherep toiꞌatukyꞌe sēse topotmūꞌeria hap. Iesui tiꞌatupowȳro kahato topotmūꞌeria iꞌewȳte toiꞌatumoesaika kahato tosēra topohepapꞌi pykai maꞌato topotmūꞌeria wȳwo terān kahato toig̃neꞌen. Iesui tum toweig̃neꞌen hap topotmūꞌeria upi. (1 Iuwãu 3:16) Miꞌi hap ewy Iesui mohey sēse haria toꞌokyꞌe ȳt taꞌatuehay wo sese ynꞌi maꞌato taꞌatumoherep toꞌokyꞌe hap taꞌatumienoi koꞌi puo pyi iꞌewȳte taꞌatuminug̃ koꞌi puo pyi.

3. Kat nug̃ hamo asom Iesui tiꞌatupoꞌoro topotmūꞌeria.

Poꞌog̃ waku rakat nug̃ hamo toiꞌatupoꞌoro temītꞌīn mītꞌīn mūꞌe hamo aikotā̃ Tupana toig̃neꞌen morekuatno hap etiat hamo e Iesui topotmūꞌeria pe. (Iruka 9:2) Maꞌato Iesui mohey sēse haria Tupana montypot yat pe ynꞌi taꞌatuhenoi Tupana Ehay etiat maꞌato taꞌatuhenoi muap upiaria pe iꞌewȳte netap koꞌi puo wy. (Etimowempāp o Iesui Potmūꞌeria 5:42; 17:17.) Korā̃ wuaria Iesui mohey sēse haria ti miꞌi hap ewy kahato taꞌatunug̃. Aj̃umpe neꞌi mītꞌīn tukupteꞌen pykai maꞌato taꞌatuhenoi kahato Tupana Ehay piat pȳwuat e hap koꞌi. Miꞌi hap taꞌatunug̃ taꞌatukyꞌe kahato mītꞌīn pote. Miꞌi pote iꞌatuwepīt kahato mītꞌīn mūꞌe hap upi. Taꞌatupohepapꞌi sio taꞌatusēra pykai maꞌato taꞌatuhenoi kahato Tupana Ehay etiat mītꞌīn me. — Maku 12:31.

 EREWANENTUP O ETIKUAP POꞌOG̃ HAMO

4. Taꞌatukuap terān Tupana Ehay piat pȳwuat e hap koꞌi

5. Taꞌatuhenoi Tupana Ehay piat pȳwuat e hap koꞌi mītꞌīn me

 6. Taꞌatunug̃ aikotā̃ teꞌerepotmūꞌe hap ewy

Korā̃ pyi ti atipuenti raꞌyn Iesui mohey sēse haria e Tom. Kat pote asom miotā̃ e. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.

• Mesūwat vídeo puo pyi kat pote asom Tom ȳt toto terānꞌi poꞌog̃ religião koꞌi upi.

• Korā̃ pyi ti atipuenti raꞌyn Iesui mohey sēse haria e Tom. Kat pote asom miotā̃ e.

Mīt toig̃neꞌen Iesui mohey sēse hat pote miꞌi hap toimoherep hamo tominug̃ wakuat koꞌi puo pyi hamo. Eweimowempāp o Tiaku 2:24. Miꞌi hawyi eiwoꞌoꞌehay o apoꞌe hap etiat.

• Mesūwat puo pyi kat hag̃ asom waku poꞌog̃ uito Iesui mohey sēse hat watoꞌe ahehay wo yn hap sio aiminug̃ wakuat koꞌi puo pyi watimoherep aito Iesui mohey sēse hatno watoig̃neꞌen hap.

7. Toꞌokyꞌe sēse hap pȳwuat piat taꞌatumoherep

• Iesui potmūꞌeria Iesui sēse mohey haria toꞌoweupi tukupteꞌen pykai maꞌato aikotā̃ meig̃ tukupteꞌen toꞌope.

• Iesui mohey sēse haria aikotā̃ meig̃ taꞌatumoherep woꞌokyꞌe sēse hap wuꞌuka turān.

 WATUWEMŪꞌE RAꞌYN

Iesui mohey sēse haria taꞌatunug̃ yne aikotā̃ Tupana Ehay piat e hap ewy. Taꞌatumoherep pȳwuat piat woꞌokyꞌe sēse hap iꞌewȳte taꞌatuhenoi Tupana Ehay piat pȳwuat e hap koꞌi yn.

Hotꞌokꞌe te asom

• Kat pe eig̃ Iesui mohey sēse haria mimohey koꞌi.

• Aikotā̃ Iesui e hap ewy aikotā̃ asom Iesui mohey sēse haria tukupteꞌen.

• Kat hap eig̃ Iesui mohey sēse haria tunug̃.