WEMŪꞌE HAP 19
Ieuwa Ehay Enoi Haria asom Iesui mohey sēse haria tukupteꞌen.
Urutoria Ieuwa Ehay Enoi Haria uruipȳwo urutoria Iesui mohey sēse haria urutukupteꞌen hap. Kat pote miotā̃ urutoꞌe. Mesūwat wemūꞌe hap puo pyi watikuap hamo kat pe urumimohey koꞌi hap kat pote uruset Ieuwa Ehay Enoi Haria hap iꞌewȳte aikotā̃ me uruimoherep urutoꞌokyꞌe hap.
1. Ieuwa Ehay Enoi Haria mimohey koꞌi eig̃ kat pe.
Pȳwo ehay pȳwuat e Iesui toꞌȳwot pe. (Iuwãu 17:17) Aikotā̃ Iesui ewy urutoria Ieuwa Ehay Enoi Haria Tupana Ehay piat e hap upi yn urutuwat. Ȳt urutuwatꞌi mītꞌīn ehay upi neꞌi. Etikuap hamo miꞌi hap urutunug̃ haꞌawyte anu 1870 pyi hawyi korā̃ te. Mekewat anu pe iraniaꞌīn Tupana Ehay etiat wemūꞌe haria teꞌeruwemūꞌe poꞌog̃ Tupana Ehay ete. Taꞌatukuap terān poꞌog̃ pȳwuat e hap koꞌi Tupana Ehay piat terān haype. Karāmpe taꞌatukuap Tupana Ehay pe pȳwuat e hap koꞌi hawyi taꞌatupȳwo kahato raꞌyn. Maꞌato asuwe iꞌatumipȳwo koꞌi tuweupi igreja piaria mienoi koꞌi kai maꞌato taꞌatupȳwo Tupana Ehay ete yn hawyi taꞌatuhoꞌomūꞌe mītꞌīn Tupana Ehay piat pȳwuat e hap koꞌi ete. a
2. Kat pote asom urutuwesetnug̃ Ieuwa Ehay Enoi Haria wo urutoꞌe.
Ieuwa toꞌe tomontypot sēse haria pe — Eipe ti pȳwo sēse rakaria e. Miotā̃ e Ieuwa kat pote taꞌatuhenoi pȳwuat e hap Ieuwa etiat. (Epereu 11:4–12:1) Kotā̃ e hap. Nimo saꞌawyꞌi wuaria tomontypot haria pe Tupana toꞌe — Eiperia taꞌi urukaꞌiwat pȳwo sēse rakat e hanuaria eweikupteꞌen e. (Etimowempāp o Isaia 43:10.) Tupana Ehay toꞌe Iesui pe En ni pȳwo yn e hat e. (Iesui Aru E Hap 1:5) Miꞌi pote anu 1931 pyi urutuwesetnug̃ naꞌyn Ieuwa Ehay Enoi Haria wo. Ȳt urutemuntiꞌi urutoria Ieuwa Ehay Enoi Haria urutoꞌe hamo. Uruwepīt kahato.
3. Aikotā̃ meig̃ Ieuwa Ehay Enoi Haria haꞌag̃ Iesui woꞌokyꞌe hap.
Iesui tiꞌatukyꞌe kahato topotꞌmūꞌeria. (Etimowempāp o Maku 3:35.) Miꞌi pote miotā̃ e — Eipe uheꞌywytꞌīn uheinytꞌīn uityꞌīn ewy eweikupteꞌen e. Miꞌi hap ewy Ieuwa Ehay Enoi Haria tukupteꞌen wentup ewy yn. Toꞌokyꞌe kahato haype toꞌope uheinyt uikywyt uity uiꞌȳwot iꞌatuꞌe toꞌope. (Wiremu 1, 2) Iꞌewȳte urutoria Ieuwa Ehay Enoi Haria uruimontypot Tupana Ehay piat woꞌonãpin hap Waku watiꞌatukyꞌe kahato yne Iesui mohey haria aikotā̃ wentup yat piaria ewy e hap. (1 Peteru 2:17) Woꞌokyꞌe hap aikotā̃ aikotā̃ me neꞌi uruimoherep maꞌato poꞌog̃ miꞌi hap uruimoherep karāmpe uruwyriaꞌīn Ieuwa Ehay Enoi Haria ete niatpo turān.
EREWANENTUP O ETIKUAP POꞌOG̃ HAMO
Etikuap poꞌog̃ hamo Ieuwa Ehay Enoi Haria e história etiat iꞌewȳte etikuap poꞌog̃ hamo aikotā̃ hap puo pyi taꞌatumoherep miꞌiria Iesui mohey sēse haria tukupteꞌen hap.
Iesui mohey sēse haria mimohey koꞌi Tupana Ehay piat yn iꞌewȳte taꞌatumikuap koꞌi taꞌatuhenoi mītꞌīn me
4. Urumimohey koꞌi Tupana Ehay piat yn
Nimo pyi ti raꞌyn tehay puo pyi Ieuwa henoi ikahuro hap eꞌāt pe turān aru mītꞌīn tikuap poꞌog̃ aru uhehay piat pȳwuat e hap koꞌi e. Eweimowempāp o Tanieu 12:4 miꞌi hawyi miwan hit. b Miꞌi hawyi eiwoꞌoꞌehay o apoꞌe hap etiat.
-
Karāmpe Tupana emītꞌīn tikatꞌi katꞌi poꞌog̃ Tupana Ehay iꞌewȳte teꞌeremūꞌe poꞌog̃ kahato pote kan tuwemoherep.
Etikuap hamo aikotā̃ me toꞌowȳwo Charles Russell iraniaꞌīn wȳwo teꞌeremūꞌe Tupana Ehay ete hap. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Vídeo puo pyi aikotā̃ me eig̃ Charles Russell hawyi iraniaꞌīn teꞌeremūꞌe Tupana Ehay ete.
Etikuap taꞌyn apo.
Asuwe uruimohampȳk tuereto urumikuap urumimohey Tupana Ehay piat. Kat pote asom. Kat pote Tupana timoherep kurin upi kurin upi tehay piat pȳwuat e hap koꞌi aikotā̃ hune kahato turān hap ewy āt tuwentẽm tuerut hap ewy. Miꞌi pote kurin upi kurin upi watehaꞌat kuap kat koꞌi kape. (Etimowempāp o Porowepiu 4:18.) Pȳwo. Tupana Ehay ȳt tuweꞌywyk kuapꞌi maꞌato karāmpe uruikuap poꞌog̃ Tupana Ehay piat pȳwuat e hap koꞌi hawyi uruimohampȳk urumimohey koꞌi.
5. Uruhenoi pȳwuat e hap koꞌi Ieuwa etiat
Kat pote asom uruiꞌaira uruset Ieuwa Ehay Enoi Haria e hap. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Kat pote asom waku kahato uruiꞌaira uruset Ieuwa Ehay Enoi Haria e hap.
Kat pote asom Ieuwa tiꞌaira iraniaꞌīn tehay enoi hamo. Kat pote ihay enoi haria henoi pȳwuat e hap koꞌi Ieuwa etiat iraniaꞌīn mītꞌīn iꞌatueso atueso kahato Ieuwa etiat pote. Watikuap hamo iraniaꞌīn iꞌatueso hap koꞌi etiat.
Iraniaꞌīn religião ȳt pȳwo piatꞌi rakaria teꞌerepotmūꞌe waku neꞌi watimontypot Tupana haꞌag̃kap puo pyi iꞌatuꞌe. Maꞌato pȳwo asom miotā̃ iꞌatuꞌe. Eweimowempāp o Irewitiku 26:1. Miꞌi hawyi eiwoꞌoꞌehay o apoꞌe hap etiat.
-
Pȳwo asom Tupana tikyꞌesat tomontypot iaꞌag̃kap koꞌi puo pyi hap. Aikotā̃ asom Ieuwa tipuenti iaꞌag̃kap koꞌi tomontypot hap.
Iraniaꞌīn religião ȳt pȳwo piatꞌi rakaria teꞌerepotmūꞌe Iesui e ti Tupana pe te neꞌi iꞌatuꞌe. Maꞌato pȳwo asom miotā̃ iꞌatuꞌe hap. Eweimowempāp o Iuwãu 20:17. Miꞌi hawyi apoꞌe hap koꞌi ete eiwoꞌoꞌehay.
-
Mesūwat puo pyi Iesui asom Tupana. Aikotā̃ ewanentup hawe.
-
Tupana tiꞌaira temītꞌīn henoi mītꞌīn piat pȳwuat e hap koꞌi tetiat iꞌewȳte tosaꞌyru etiat hamo. Miꞌi hap etikuap hawyi aikotā̃ erepyhuꞌat.
6. Urutoꞌokyꞌe kahato
Tupana Ehay henoi Iesui mohey sēse haria ti aikotā̃ mīt pīt hag̃a koꞌi ewy e. Eweimowempāp o 1 Kurintiu 12:25, 26. Miꞌi hawyi apoꞌe hap koꞌi ete eiwoꞌoꞌehay.
-
Mesūwat puo pyi karāmpe wentup ok Iesui mohey sēse hat ete putꞌokꞌe haty hap miꞌi hawyi aikotā̃ Iesui mohey sēse haria teꞌerepyhuꞌat.
-
Erehaꞌat raꞌyn Ieuwa Ehay Enoi Haria toꞌokyꞌe kahato hap kape. Ehenoi pyno miꞌi hap etiat.
Karāmpe irania tawa puoria Ieuwa Ehay Enoi Haria taꞌatukyꞌesat mowȳro hap pote meremo Ieuwa Ehay Enoi Haria tiꞌatuꞌatupowȳro. Miꞌi turān mesūwat yi oktān toꞌopowȳro powȳro. Eweikuap poꞌog̃ hamo ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Mesūwat vídeo puo pyi aikotā̃ hap puo pyig̃ eig̃ Ieuwa Ehay Enoi Haria timoherep woꞌokyꞌe hap.
Iesui mohey sēse haria timoherep woꞌokyꞌe hap mowȳro kyꞌesat haria pe
IRANIAꞌĪN TEꞌEROꞌE Ieuwa Ehay Enoi Haria ti religião pakup neꞌi. Aimaꞌatꞌi maꞌatꞌi hamo neꞌi iꞌatuꞌe iraniaꞌīn.
-
Mesūwat wemūꞌe hap puo pyi uweꞌīn pe ti eig̃ nimo Ieuwa toꞌe — Uhehay enoi pȳwuat haria e.
WATUWEMŪꞌE RAꞌYN
Ieuwa Ehay Enoi Haria ti Iesui mohey sēse haria. Mesūwat yi oktān ni Ieuwa Ehay Enoi Haria tukupteꞌen pykai maꞌato tukupteꞌen aikotā̃ wentup taꞌatuwyriaꞌīn sēse hap ewy tukupteꞌen. Urumimohey koꞌi Tupana Ehay piat yn iꞌewȳte uruhoꞌomūꞌe pȳwuat e hap koꞌi Ieuwa etiat mītꞌīn me.
Hotꞌokꞌe te asom
-
Kat pote asom urutuwesetnug̃ Ieuwa Ehay Enoi Haria wo.
-
Kat koꞌi hag̃ puo pyig̃ uruimoherep urutoꞌokyꞌe kahato hap.
-
Ewanentup hawe Ieuwa Ehay Enoi Haria asom Iesui mohey sēse haria tukupteꞌen.
ETIKUAP TERĀN POꞌOG̃ POTE
Etikuap poꞌog̃ uruetiat hamo.
Ieuwa Ehay Enoi Haria — Timohey kahato. Parte 1: Iꞌypyryp wyi tuwenoꞌẽ ariãty hot hap kape (1:00:53)
Etikuap hamo Ieuwa Ehay Enoi Haria ȳt teꞌerokenꞌẽ hap wȳwoꞌi taꞌatuhenoi pȳwuat e hap koꞌi Tupana Ehay piat.
Etikuap hamo kat iꞌatuꞌe mītꞌīn apoꞌiꞌatuꞌe Ieuwa Ehay Enoi Haria etiat hap.
Mītꞌīn tikuap terān uruetiat miꞌi hap koꞌi etiat apoꞌe hap koꞌi (Site jw.org piat.)
Stephen tuweukaꞌi ikytsig̃ nakaria ete iꞌewȳte toiꞌatuꞌuka maꞌato karāmpe toikuap Ieuwa Ehay Enoi Haria hawyi tuwekoꞌywyk taꞌyn. Etikuap poꞌog̃ hamo etimowempāp o popera.
Kurin upi kurin upi saꞌag̃ hap koꞌi atunug̃ꞌi poꞌog̃ (A Sentinela, 1.º de julho de 2015)
a Uruhenoi Tupana Ehay piat pȳwuat e hap koꞌi anu 1879 pyi popera A Sentinela e hap puo pyi.
b Tanieu ȳt uwe pe ti teiꞌo ehenoi mesūwat sehay emikuap maꞌato eterewyi o emikuap sehay koꞌi popera pe ikahuro hap kape e. Mekewat eꞌāt pe aru typyꞌi kahato sehay kat haria e. Iꞌewȳte aru mekewat eꞌāt pe tuwemoherep kahato pȳwuat e hap koꞌi e. Typyꞌi kahato sehay kat haria e hap aikotā̃ mītꞌīn tikatꞌi katꞌi kahato Tupana Ehay teꞌeremūꞌe hamo e hap.
