WEMŪꞌE HAP 15
Uwe asom Iesui.
Nimo pyi raꞌyn mītꞌīn tikuap kahato Iesui etiat. Taꞌatukuap kahato wen maꞌato ȳt taꞌatukuap sēseꞌi uwe sēse Iesui hap iꞌewȳte teꞌeruweupi mītꞌīn teꞌeruwanentup Iesui etiat. Maꞌato kat e asom Tupana Ehay henoi Iesui etiat.
1. Uwe asom Iesui.
Iesui hesaika kahato rakat toig̃neꞌen atipy pe anjo wo. Katꞌi ite Ieuwa tunug̃ turān tutunug̃ Iesui ti. Miꞌi pote miotā̃ e Tupana Ehay Tupana wyti uinug̃ torānia eꞌyj̃an mete e. (Porowepiu 8:22, 23) Hawyi poꞌog̃ miotā̃ e Tupana Ehay Iesui ti Tupana Saꞌyru wentup ok takat yn e. Miotā̃ e kat pote tuweran Tupana toig̃neꞌen atipy pe miꞌi hawyi saꞌawyꞌi tutunug̃ tosaꞌyru ti. (Iuwãu 3:16) Miꞌi hawyi Iesui tipowȳro toꞌȳwot kat koꞌi kat koꞌi nug̃ hap ete. Ieuwa wȳwo iꞌatupotpap kahato toꞌowȳwo. (Etimowempāp o Porowepiu 8:30.) Iesui hawyi Ieuwa toꞌokyꞌe kahato. Tupana e hap koꞌi Iesui henoi tuereto anjo koꞌi pe iꞌewȳte Iesui timoherep Tupana Ehay piat e hap koꞌi mītꞌīn pe wy. Miꞌi pote Tupana Ehay toꞌe Iesui pe mekewat Sehay e hap het rakat e. — Iuwãu 1:14.
2. Kat pote asom Iesui tūt mesūwat yi kape.
Nimo Ieuwa tunug̃ uwe minug̃ ewywuatꞌi. Iesui anjo pykai maꞌato tuwemoherep mesūwat yi tote hamo Tupana tipoꞌoro tuwemoherep makuptia Maria puo pyi. Miꞌi pote Maria imempytꞌa Tupana paꞌãu puo pyi. Miꞌi hawyi Iesui iꞌywaĩꞌĩ raꞌyn. (Etimowempāp o Iruka 1:34, 35.) Haꞌawyte pyi ti raꞌyn Ieuwa toꞌe tuwemoherep ti aru Nesia e hap het rakat uhemītꞌīn ehakyeraꞌat hamo e. Miꞌi pote toipoꞌoro tosaꞌyru Iesui mesūwat yi kape. a Aikotā̃ Ieuwa e hap ewy Nesia etiat tuwemoherep yne Iesui wȳwo. Miꞌi hap puo pyi mītꞌīn tikuap Iesui Nesia e hat Tupana wuatꞌi eꞌāt piat ieig̃neꞌen hat Saꞌyru hap. — Mateu 16:16.
3. Aj̃umpe asom Iesui mio.
Iesui ikuꞌuro hawyi Ieuwa timoehaig̃te raꞌyn hawyi maꞌãu wo iraꞌyn toig̃neꞌen hawyi taꞌaipok iraꞌyn atipy kape. Itote Tupana timowato kahato Iesui. (Wiripu 2:9) Korā̃ Iesui sēse raꞌyn anjo hesaika kahato rakatno raꞌyn toig̃neꞌen. Ieuwa yn hesaika poꞌog̃ Iesui kai.
EREWANENTUP O ETIKUAP POꞌOG̃ HAMO
Etikuap hamo uwe sēse Iesui hap iꞌewȳte etikuap hamo kat pote waku etikuap Iesui etiat hap.
4. Iesui ȳt Tupana torānia kawiatꞌi hesaika rakat
Tupana Ehay henoi Iesui anjo hesaika kahato rakat atipy pe e. Miꞌitā̃ pykai maꞌato toimontypot kahato teTupana Ieuwa. Aikotā̃ meig̃ miꞌi hap watikuap. Ewetehaꞌat pyno VÍDEO kape eweikuap Tupana Ehay puo pyi hamo aikotā̃ Tupana poꞌog̃ torānia kawiat hesaika rakat tuweupi Iesui kai hap.
Tupana Ehay piat e hap koꞌi aipowȳro watikuap poꞌoḡ Ieuwa hawyi Iesui teꞌeruweupi tukupteꞌen hap. Eweimowempāp o Tupana Ehay piat e hap koꞌi miꞌi hawyi eiwoꞌoꞌehay o apoꞌe hap koꞌi etiat.
Eweimowempāp o Iruka 1:30-32.
-
Aikotā̃ meig̃ watikuap anjo mienoi puo pyi Iesui hawyi Ieuwa teꞌeruweupi hap.
Eweimowempāp o Mateu 3:16 hawyi 17.
-
Iesui tuwesetꞌok hawyi kat eig̃ atipy piat.
-
Ewanentup hawe uwe asom miotā̃ e Iesui pe.
Eweimowempāp o Iuwãu 14:28.
-
Uwe asom netap erohik hat poꞌog̃ yian ȳwot sio haꞌyru.
-
Iesui toꞌe uiꞌȳwot Ieuwa e. Kan miꞌi hap aimūꞌe.
Eweimowempāp o Iuwãu 12:49.
-
Uiꞌȳwot uiwȳwo wentup mīt yn urutukupteꞌen e asom Iesui. Ewanentup hawe miꞌiria teꞌeruweupi sio ȳtꞌi.
5. Pȳwo Iesui pe Nesia e hap.
Aru e hap Nesia etiat Tupana Ehay henoi kahato mītꞌīn piat ikuap hamo uwe pe sēse Nesia e hap sio uwe Tupana mipoꞌoro temītꞌīn ehakyeraꞌat hamo hap etiat. Ewetehaꞌat pyno VÍDEO kape eweikuap poꞌog̃ miꞌi hap etiat hamo.
Eweimowempāp o Tupana Ehay piat e hap koꞌi miꞌi hawyi eiwoꞌoꞌehay o apoꞌe hap koꞌi etiat.
Eweimowempāp o Mikeia 5:2 eweikuap hamo aj̃umpe Nesia iꞌywaĩꞌĩ hap kuap hamo. b
-
Ewanentup hawe Iesui iꞌywaĩꞌĩ aikotā̃ mesūwat e hap ewy asom. — Mateu 2:1.
Tupana Ehay henoi ti raꞌyn aikotā̃ me Nesia ikuꞌuro hamuat hap. Miꞌi hap etiat eweikuap poꞌog̃ hamo eweimowempāp o Saumu 34:20 hawyi Sakaria 12:10.
-
Mesūwat koꞌi puo pyi aikotā̃ Tupana e hap koꞌi ewy asom tuwemoherep Iesui wȳwo. — Iuwãu 19:33-37.
-
Tupana Ehay piat koꞌi e hap ewy tuwemoherep Iesui wȳwo hamo uikuꞌuro turān o uikag̃ koꞌi ȳt eweipik teiꞌo uisuk o e asom Iesui. Ewanentup hawe aikotā̃ etipuenti. Miotā̃ e kuap asom Iesui.
-
Aikotā̃ etipuenti mesūwat Tupana Ehay piat koꞌi puo pyi Nesia Iesui pe te ti ere kuap asom.
6. Watikuap Iesui etiat hap ahepe te waku
Tupana Ehay henoi waku watikuap Iesui etiat iꞌewȳte Tupana mikyꞌesat Iesui piat hap etiat wy. Eweimowempāp o Iuwãu 14:6 hawyi 17:3. Miꞌi hawyi eiwoꞌoꞌehay o apoꞌe hap etiat.
-
Kat pote asom waku watikuap Iesui etiat.
Iesui tiꞌapypok muap Tupana wyꞌok wo watoig̃neꞌen hamo tohoꞌomuꞌe pȳwuat e hap Ieuwa etiat iꞌewȳte Iesui puo pyi watāt kuap aheig̃neꞌen hap wuatꞌi eꞌāt piat hap.
IRANIAꞌĪN TEꞌEROꞌE Ieuwa Ehay Enoi Haria ȳt timoheyꞌi Iesui ete iꞌatuꞌe.
-
Miotā̃ e haria pe kat ere aten etiꞌatuwesat.
WATUWEMŪꞌE RAꞌYN
Iesui ti anjo sēse hesaika rakat iꞌewȳte miꞌi Tupana saꞌyru iꞌewȳte Tupana mipoꞌoro Nesia e hap.
Hotꞌokꞌe te asom
-
Uinug̃ wuatꞌi eꞌyj̃an mete e Iesui. Ewanentup hawe kat pote asom miotā̃ e.
-
Kat eig̃ Iesui tunug̃ mesūwat yi kape tūt hap eꞌyj̃an mete.
-
Mesūwat aiwemūꞌe hap puo pyi aikotā̃ hap puo pyig̃ watikuap Nesia Iesui pe te hap.
ETIKUAP TERĀN POꞌOG̃ POTE
Etikuap poꞌog̃ hamo Iesui pe Nesia e hap.
Aikotā̃ Tupana Ehay piat Nesia etiat e hap ewy asom tuwemoherep Iesui wȳwo. (Site jw.org piat)
Tupana Ehay puo pyi etikuap hamo kat pote Tupana saꞌyru e Iesui pe e hap.
Kat pote asom Tupana Ehay henoi Tupana saꞌyru e Iesui pe. (Site jw.org piat)
Etikuap hamo Tupana hawyi Iesui Tupana paꞌãu wentup yn e hap ȳt Tupana Ehay piatꞌi. Kat pote asom.
Etimowempāp o kat pote haryporia tuwanentup hap ywyk toimowempāp taꞌyn Tupana Ehay pe Iesui etiat hawyi hap.
a Wemūꞌe hap 26 hawyi 27 hap puo pyi watikuap hamo kat pote mītꞌīn tikyꞌesat taꞌatuhakyeraꞌat hap iꞌewȳte kat asom Iesui tunug̃ ahehakyeraꞌat hamo hap.
b Tupana Ehay henoi kat e anu pe sēse Nesia tuwemoherep mesūwat yi tote hap. Miꞌi hap etiat erehaꞌat kuap Etikuap poꞌog̃ hamo e hap 2 kape.
