Ieuwa tomiꞌaira Morekuat puo pyi mesup tān e pote toimomã yne hamuat raꞌyn niatpo hoꞌopot hap koꞌi wȳwo. Miꞌi hap sēse waku kahato hamo. Miꞌi pote miꞌi hap waku torānia mītꞌīn ikuap. Iesui toꞌe topotmūꞌeria pe ewehenoi raꞌyn o miꞌi sehay wakuat torānia mītꞌīn pe e. (Mateu 28:19, 20) Aikotā̃ me asom Iesui e hap ewy Ieuwa Ehay Enoi Haria tunug̃.

1. Aikotā̃ me asom Mateu 24:14 e hap ewy tuwemoherep taꞌyn korā̃.

Iesui toꞌe — Mekewat eꞌāt pe owokai uhehay wakuat aikotā̃ Tupana topyhuꞌat Morekuatno wuatꞌi mītꞌīn muo yi wato hap oktān hap tuwemoherep e. (Mateu 24:14) Miꞌi hap etiat Ieuwa Ehay Enoi Haria tunug̃ taꞌatuwepīt kahato hap wȳwo. Tupana Ehay piat sehay wakuat koꞌi uruhenoi mesūwat yi oktān 1.000 pusu puo uruhenoi. Miꞌi hap niatpo kahato taꞌatunug̃ mesūwat yi oktān hamo maꞌato taꞌatunug̃ hampȳk puo kahato. Ieuwa ȳt iꞌatupowȳroꞌi pote ȳt karāmpeꞌi miꞌi hap taꞌatunug̃ kuap.

2. Aikotā̃ meig̃ uruhenoi Tupana Ehay etiat mītꞌīn me.

Aj̃umpe aj̃umpe neꞌi mītꞌīn tukupteꞌen pykai maꞌato uruhenoi henoi terān kahato iꞌatuepe Tupana Ehay etiat. Aikotā̃ saꞌawyꞌi wuaria Iesui potmūꞌeria tiꞌatumūꞌe āt kaꞌap yne iꞌatuꞌyat puaria miꞌi hap ewy korā̃ urutoria wy. (Iesui Potmūꞌeria 5:42) Miꞌi pote wuatꞌi anu upi uruhenoi kahato mītꞌīn me Tupana Ehay etiat. Maꞌato asuwe mītꞌīn ȳt tukupteꞌenꞌi taꞌatuꞌyat puo. Miꞌi pote uruhenoi Tupana Ehay etiat aj̃umpe aj̃umpe neꞌi wy. Uruikyꞌesat kahato mītꞌīn piat ikuap Ieuwa etiat hap iꞌewȳte imikyꞌesat koꞌi etiat hap miꞌi pote aikotā̃ aikotā̃ me neꞌi uruhenoi Tupana Ehay etiat.

3. Uweꞌīn asom waku henoi Tupana Ehay etiat.

Torānia Iesui mohey sēse haria waku henoi Tupana Ehay etiat mītꞌīn me. Miꞌi pote urutoria Ieuwa Ehay Enoi Haria ȳt urupohepꞌi Tupana Ehay enoi hap ete. Miꞌi pote torānia urutoria uruhenoi henoi kahato Tupana Ehay etiat mītꞌīn me kat pote uruikuap miꞌi hap puo pyi Tupana tiꞌatuhakyeraꞌat kuap hamo hap. (Etimowempāp o 1 Timoteu 4:16.) Uruhenoi hap upi ȳt uruposaꞌupꞌi kat pote Tupana Ehay henoi Eweiꞌatumūꞌe ro mītꞌīn ȳt kat saꞌupꞌi e. (Mateu 10:7, 8) Ȳt torāniaꞌi mītꞌīn teꞌeruwanentup terān Tupana Ehay kape maꞌato uruiꞌywoporo uruhenoi Tupana Ehay etiat hap kat pote uruimontypot terān Ieuwa iꞌewȳte uruimowepīt kahato terān wy.

 EREWANENTUP O ETIKUAP POꞌOG̃ HAMO

4. Urutuwat pya kahato uruhenoi Tupana Ehay torānia mītꞌīn piat hamo.

6. Urutunug̃ Tupana piat urupoꞌoro hap ewy

Nimo Iesui Potmūꞌeria e tempu turān Tupana Ehay kapiat wanentup terānꞌi haria ȳt ikyꞌesatꞌi Iesui Potmūꞌeria henoi Tupana Ehay etiat hap. Miꞌi pote taꞌatupyhyp pyhyp. Maꞌato Iesui mohey sēse haria ȳt teꞌerokenꞌẽ hap wȳwoꞌi teꞌeruwat morekuaria wȳwuat iꞌatuehay hamo. Maꞌato miꞌi pykai uruhenoi te Tupana Ehay piat sehay wakuat koꞌi iꞌatuꞌe hamo. (Wiripu 1:7) Korā̃ miꞌi hap ewy te Ieuwa Ehay Enoi Haria tunug̃. a

 WATUWEMŪꞌE RAꞌYN

Iesui toꞌe topotmūꞌeria pe — Ewehenoi o Tupana Ehay piat sehay wakuat koꞌi torānia ywania pe e. Miꞌi hap nug̃ hap ete Ieuwa tiꞌatupowȳro kahato temītꞌīn.

Hotꞌokꞌe te asom

• Aikotā̃ hap puo pyi eig̃ mesūwat yi wato hap oktān mītꞌīn teꞌeruwanentup Tupana Ehay piat sehay wakuat koꞌi kape.

• Wahenoi Tupana Ehay etiat mītꞌīn pe hap puo pyi aikotā̃ meig̃ miꞌi hap puo pyi watimoherep watiꞌatukyꞌe hap.

• Ewanentup hawe watipuenti kuap asom aiwepīt hap Tupana Ehay enoi hap upi. Kat pote.