WEMŪꞌE HAP 23
Woꞌosetꞌok terān hap — Waku kahato
Waku Iesui mohey sēse haria teꞌeruwesetꞌok e Iesui. (Etimowempāp o Mateu 28:19, 20.) Maꞌato aikotā̃ me asom woꞌosetꞌok hap. Kat asom waku mīt tunug̃ tuwesetꞌok hamo.
1. Aikotā̃ me asom waku woꞌosetꞌok hap.
Sehay woꞌosetꞌok e hap grego pusu puo mīt pīt minꞌe yne yꞌy pe e hap. Miꞌi pote karāmpe Iesui tuwesetꞌok Iutãu hy pe turān ipīt minꞌe yne yꞌy pe. Miꞌi hap watikuap kat pote tuwesetꞌok kahu hawyi Iesui tuwẽtem yꞌy pyi. (Maku 1:9, 10) Miꞌi pote Iesui mohey sēse haria teꞌeruwesetꞌok aikotā̃ Iesui wesetꞌok hap ewy. Teꞌeresetꞌok yꞌy pe iꞌatupīt yne wȳwo.
2. Kat hap asom mīt timoherep tesetꞌok hap puo pyi.
Woꞌosetꞌok hap puo pyi mīt timoherep tutum toweig̃neꞌen hap Ieuwa pe raꞌyn hap. Maꞌato aikotā̃ me asom miꞌi hap tutunug̃. Hentup hap puo pyi. Tesetꞌok hap eꞌyj̃an mete tohentup hamo Ieuwa kape — Ieuwa korā̃ pyi en yn terān naꞌyn moromontypot wuatꞌi eꞌāt pe. Korā̃ pyi ti emikyꞌesat koꞌi yn naꞌyn atunug̃ hamo e. Toiꞌaira totoiat towat tomikyꞌesat koꞌi hap toto Iesui mienoi koꞌi upi yn hamo. Iꞌewȳte tutunug̃ Iesui ewy hamo wy. (Mateu 16:24) Ieuwa piat weig̃neꞌen j̃um hap puo pyi iꞌewyte woꞌosetꞌok hap puo pyi mīt toig̃neꞌen kuap Ieuwa wyꞌok sēse wo iꞌewȳte imontypot haria wyꞌokria kahato hamo wy.
3. Kat hap koꞌi ti asom waku mīt tunug̃ tuwesetꞌok hamo.
Eresetꞌok hap eꞌyj̃an mete waku etikuap Ieuwa hawyi etomohey miꞌi. (Etimowempāp o Epereu 11:6.) Etikuap kahato poꞌog̃ Ieuwa etiat iꞌewȳte etomohey poꞌog̃ miꞌi hawyi Ieuwa kyꞌe epiat hap hesaika poꞌog̃ hamo. Miꞌi hawyi ehenoi terān hamo Tupana Ehay etiat mītꞌīn me hawyi etunug̃ terān hamo Tupana Ehay piat e hap koꞌi ewy. (2 Timoteu 4:2; 1 Iuwãu 5:3) Karāmpe mīt timoherep toig̃neꞌen terān Ieuwa mikyꞌesat nug̃ hatno miꞌi hawyi tuwewi hentup hap puo pyi tutum toweig̃neꞌen hap Ieuwa pe hawyi tuwesetꞌok hamo. — Korosi 1:9, 10. a
EREWANENTUP O ETIKUAP POꞌOG̃ HAMO
Etikuap hamo kat asom aimūꞌe Iesui setꞌok hap etiat hap iꞌewȳte etikuap hamo kat koꞌi asom waku mīt tunug̃ tuwesetꞌok hamo.
4. Iesui woꞌosetꞌok hap aimūꞌe kahato
Eweimowempāp o Mateu 3:13-17 eweikuap poꞌog̃ Iesui wesetꞌok hap etiat hamo. Miꞌi hawyi apoꞌe hap koꞌi ete eiwoꞌoꞌehay.
-
Mesūwat puo pyi hirokat hit re turān asom taꞌatusetꞌok Iesui.
-
Aikotā̃ me eig̃ taꞌatusetꞌok Iesui. Taꞌatusetꞌok turān asom taꞌatuꞌakag̃ moꞌapuk yn asom.
Taꞌatusetꞌok Iesui hawyi tohoꞌowynug̃ naꞌyn topotpap nug̃ hap Tupana piat topoꞌoro hap. Eweimowempāp o Iruka 3:21-23 hawyi Iuwãu 6:38. Miꞌi hawyi eiwoꞌoꞌehay o apoꞌe hap etiat.
-
Tuwesetꞌok taꞌyn Iesui hawyi kat hap eig̃ tutunug̃ poꞌog̃ torānia kai.
5. Erekenꞌẽ pykai eresetꞌok kuap hamo
Eweig̃neꞌen hap j̃um Ieuwa piat hamo hawyi eresetꞌok hamo som moꞌopuo erekenꞌẽ. Maꞌato karāmpe etikuap kahato Ieuwa hawyi iꞌewȳte etunug̃ yne iꞌe hap ewy hawyi ȳt erekenꞌẽꞌi poꞌog̃ hamo eresetꞌok hamo. Miꞌi hap iraniaꞌīn tunug̃ naꞌyn. Miꞌi hap etiat eweikuap hamo ewetehaꞌat pyno VÍDEO kape.
Eweimowempāp o Iuwãu 17:3 hawyi Tiaku 1:5. Miꞌi hawyi eiwoꞌoꞌehay o apoꞌe hap etiat.
-
Aimimowempāp koꞌi puo pyi kat hap koꞌi asom mīt powȳro kuap tuwesetꞌok hamo.
-
Watum aiweig̃neꞌen hap Ieuwa pe hentup hap puo pyi moromontypot terān en yn wuatꞌi eꞌāt pe watoꞌe.
-
Woꞌosetꞌok hap puo pyi watimoherep torānia mītꞌīn pe watum naꞌyn aheig̃neꞌen hap Tupana pe hap.
6. Karāmpe watuwesetꞌok hawyi Ieuwa emītꞌīn sēse aiwyriaꞌīn wo raꞌyn watoig̃neꞌen mesūwat yi oktān
Karāmpe watuwesetꞌok hawyi mesūwat yi oktān Ieuwa Ehay Enoi Haria wyriaꞌīn sēse wo raꞌyn watoig̃neꞌen aikotā̃ wentup yn piaria ewy. Aj̃umpe neꞌi watoig̃neꞌen pykai iꞌewȳte aiweupi pykai maꞌato aimimohey koꞌi wentup ewy yn iꞌewȳte Tupana woꞌonãpin hap koꞌi watimontypot wentup ewy yn. Eweimowempāp o Porowepiu 3:32 hawyi 1 Peteru 2:17. Miꞌi hawyi eiwoꞌoꞌehay o apoꞌe hap etiat.
-
Karāmpe mīt tuwesetꞌok taꞌyn hawyi aikotā̃ hap ewy eig̃ Ieuwa teꞌerohik hamo miꞌi. Iꞌewȳte aikotā̃ hamuat eig̃ Ieuwa montypot haria wȳwuat toꞌokyꞌe hap.
IRANIAꞌĪN TEꞌEROꞌE Waku ite aresetꞌok hamo iꞌatuꞌe.
-
En miotā̃ ere erewanentup wy. Waku asom erewanentup eresetꞌok terān hap kape te.
WATUWEMŪꞌE RAꞌYN
Waku uimohey sēse haria teꞌeresetꞌok e Iesui. Miꞌi hamo waku mīt timohey kahato Ieuwa ete Tupana Ehay piat e hap ewy tutunug̃ hawyi tutum toweig̃neꞌen hap Ieuwa mikyꞌesat yn nug̃ hamo.
Hotꞌokꞌe te asom
-
Aikotā̃ me asom waku woꞌosetꞌok hap. Iꞌewȳte kat pote asom waku Iesui mohey haria teꞌeruwesetꞌok.
-
Kat hag̃ mīt timoreherep tesetꞌok hap puo pyi.
-
Kat hap koꞌi ti asom waku mīt tunug̃ tuwesetꞌok hamo.
ETIKUAP TERĀN POꞌOG̃ POTE
Etikuap hamo pȳwuat e hap koꞌi woꞌosetꞌok hap etiat iꞌewȳte ȳt pȳwuatꞌi koꞌi hap etiat.
Etimowempāp o kat koꞌi asom waku mīt tunug̃ tesetꞌok hap eꞌyj̃an mete.
Aiwoꞌokyꞌe hap hawyi wahewaku Ieuwa hap aipowȳro watuwesetꞌok hamo (A Sentinela, março de 2020)
Etikuap hamo wentup ok ihaig̃nia tuwesetꞌok temūꞌe kahato Tupana Ehay etiat hawyi.
Etikuap hamo kat pote waku eresetꞌok terān hap iꞌewȳte etikuap hamo kat koꞌi asom etunug̃ kuap eresetꞌok hap eꞌyj̃an mete.
Waku asom aresetꞌok. (Os Jovens Perguntam— Respostas Práticas, Volume 2, capítulo 37)
a Mīt tesetꞌok taꞌyn iraniaꞌīn religião pe pote waku tuwesetꞌok pakupꞌi hamo. Kat pote asom. Kat pote mekewat religião ȳt hoꞌomūꞌeꞌi pȳwuat piat Tupana Ehay etiat.— Erehaꞌat o Iesui Potmūꞌeria 19:1-5 hawyi wemūꞌe hap 13.
