Ieuwa tikyꞌesat kahato watiꞌatukuap atipy piaria kupteꞌen haria etiat hap. Watikuap hamo anjo koꞌi etiat. Tupana Ehay henoi anjo koꞌi Tupana saꞌyruꞌīn e. (Ienesi 6:2; Io 38:7) Maꞌato kat e asom Tupana Ehay henoi anjo koꞌi etiat. Kat asom anjo koꞌi tunug̃. Torānia asom anjo koꞌi Tupana saꞌyruꞌīn sēse.

1. Aikotā̃ asom anjo koꞌi.

Ieuwa tunug̃ anjo koꞌi mesūwat yi nug̃ hap eꞌyj̃an mete. Miꞌiria aikotā̃ Tupana ewy ȳt wataꞌakasa kuapꞌi iꞌatuewowi iꞌewȳte atipy pe tukupteꞌen. (Epereu 1:14) Toig̃ kahato anjo koꞌi ȳt watimorānia kuapꞌi. Typyꞌi kahato pykai ȳt toꞌoꞌewyꞌewyꞌi tukupteꞌen. (Iesui Aru E Hap 5:11) Miꞌiria taꞌatukuap Ieuwa ehay hawyi taꞌatunug̃ naꞌyn. (Saumu 103:20) Nimo ti asuwe Ieuwa tiꞌatupoꞌoro anjo koꞌi temītꞌīn wȳwuat tehay hamo iꞌatupowȳro hamo iꞌewȳte ipoityꞌi pe tukupteꞌen pote toiꞌatupoꞌoro anjo koꞌi iꞌatukawiano hamo. Korā̃ ti anjo koꞌi hoꞌopowȳro Iesui mohey sēse haria Tupana kuap terān haria puenti hamo.

2. Uweꞌīn asom Ahiag̃ hawyi ahiag̃niaria.

Iraniaꞌīn anjo koꞌi Ieuwa saꞌyruꞌīn pykai maꞌato teꞌeruwemompyꞌahak Tupana ete hawyi taꞌatuꞌatoiat raꞌyn. Saꞌawyꞌi wuat Tupana etiat wemompyꞌahakꞌi rakat set ri Ahiag̃ e mītꞌīn moꞌakag̃ꞌia hat. Wentup het Satanai e. (Iesui Aru E Hap 12:9) Ahiag̃ torānia porekuatno terān. Miꞌi terān haype toiꞌatumoꞌakag̃ꞌia Atãu hawyi Ewa iꞌewȳte iraniaꞌīn anjo koꞌi toiꞌatumoꞌakag̃ꞌia Tupana etiat teꞌeruwemompyꞌahak hamo. Meig̃muewuat anjo saꞌag̃ koꞌi set ahiag̃niaria e. Miꞌiria Ieuwa tiꞌokhytpug̃ha raꞌyn atipy kaipyi yi kape. Miꞌi pote korā̃ tukupteꞌen mesūwat yi tote. Maꞌato meij̃uran epote Ieuwa tiꞌatumomã hamuat raꞌyn. — Etimowempāp o Iesui Aru E Hap 12:9, 12.

3. Aikotā̃ hap puo pyi asom Ahiag̃ hawyi ahiag̃niaria hoꞌomaꞌat mītꞌīn.

Ahiag̃ hawyi ahiag̃niaria tikyꞌesat kahato mītꞌīn iꞌatuehay taꞌatuwȳwuat hap. Maꞌato miꞌi hap iꞌaparap kahato hap. Miꞌi hap puo pyi taꞌatuhoꞌomaꞌat terān kahato mītꞌīn. Kotā̃ e hap iraniaꞌīn mītꞌīn teꞌeruwat paig̃niria kape taꞌatukuap terān aikotā̃ hamuat koꞌi hap kuap hamo iꞌewȳte iraniaꞌīn teꞌeruwat taꞌatuetiat wakuꞌi pote sio taꞌatuꞌahū pote taꞌatuehaig̃te terān haype. Iraniaꞌīn teꞌeruwat paig̃niria kape taꞌatuhoꞌoporo iraniaꞌīn mītꞌīn etiat iꞌatumikyryꞌi hamo. Iꞌewȳte ahiag̃ hoꞌomoꞌakag̃ꞌia mītꞌīn taꞌatumohey taꞌatuehay kuap taꞌatuwyriaꞌīn ikuꞌuro rakaria wȳwo hamo hap ete wy. Maꞌato Ieuwa toꞌe Ȳt eweipȳwo teiꞌo ikuꞌuro rakaria ehog̃ wȳwuat ihay terān rakaria ete e. (Irewitiku 19:31) Miotā̃ e ainãpin Ieuwa kat pote aikawiano terān ahiag̃ hawyi ahiag̃niaria koꞌi pupi kat pote miꞌiria Tupana ewanig̃kaptiaria iꞌewȳte aimosoꞌopot aimoꞌakag̃ꞌia terān yn pote.

 EREWANENTUP O ETIKUAP POꞌOG̃ HAMO

6. Etiꞌakit kuap emaꞌat ahiag̃ hawyi ahiag̃niaria piat hap

Ahiag̃niaria akag̃ ti Satanai e. Maꞌato anjo koꞌi Tupana mikyꞌesat nug̃ haria akag̃ ti atipy piat akag̃ Mikeu e miotā̃ e wentup Iesui set pe. Hesaika asom Mikeu. Eweimowempāp o Iesui Aru E Hap 12:7-9. Miꞌi hawyi apoꞌe hap koꞌi ete eiwoꞌoꞌehay.

• Uweꞌīn asom poꞌog̃ iꞌatuesaika. Mikeu temīt atipy piaria koꞌi wȳwuaria sio Satanai teꞌahiag̃niaria wȳwuaria.

• Ewanentup hawe waku asom Iesui mohey sēse haria teꞌerokenꞌẽ ahiag̃ hawyi ahiag̃niaria pupi.

Etiꞌakit kuap ahiag̃ hawyi ahiag̃niaria piaria emaꞌat emoꞌakag̃ꞌia hap. Eweimowempāp o Tiaku 4:7. Miꞌi hawyi eiwoꞌoꞌehay o apoꞌe hap etiat.

• Aikotā̃ me asom erekawiano kuap ahiag̃ hawyi ahiag̃niaria pupi.

 WATUWEMŪꞌE RAꞌYN

Anjo Tupana mikyꞌesat nug̃ haria aipowȳro. Ahiag̃ hawyi ahiag̃niaria Ieuwa ewanig̃kaptiaria iꞌewȳte ahiag̃niaria minug̃ koꞌi mītꞌīn maꞌat moꞌakag̃ꞌia.

Hotꞌokꞌe te asom

• Aikotā̃ me eiḡ wakuaria anjo koꞌi mītꞌīn powȳro Ieuwa kuap hamo.

• Uweꞌīn asom ahiag̃ hawyi ahiag̃niaria.

• Kat pote asom pya kahato terān ereig̃neꞌen ahiag̃niaria minug̃ koꞌi kai.