WEMŪꞌE HAP 25
Aikotā̃ hap asom Tupana tikyꞌesat aheig̃neꞌen hap.
Tupana Ehay henoi mītꞌīn weig̃neꞌen mesūwiat hap ȳt mōtꞌi kuapꞌi iꞌewȳte aheig̃neꞌen hap turān wahoꞌopot kahato. (Io 14:1) Meketā̃ hap asom Tupana tikyꞌesat ahepiat hap. Kat hamo asom Tupana ainug̃. Tupana mikyꞌesat mītꞌīn piat hap asom tuwemoherep hamo. Etipuenti waku kahato hamo Tupana Ehay piat iwesat hap koꞌi.
1. Aikotā̃ aheig̃neꞌen hap eig̃ Ieuwa tikyꞌesat.
Ieuwa tikyꞌesat ahepiat poꞌog̃ waku rakat aheig̃neꞌen hap. Miꞌi pote karāmpe tutunug̃ yi hawyi tutunug̃ Atãu hawyi Ewa tukupteꞌen yi nusuken ikahu kahato rakat rote Eteĩ e hap tote hamo. Miꞌi hawyi Tupana tiꞌatupoitȳro raꞌyn — Pyno waku eiwemotypyꞌi kahato ro mesūwat yi wato tote iꞌewȳte eweiꞌapykok to wuatꞌi uiminug̃ mesūwat yi totiat e Atão hawyi Ewa pe. (Ienesi 1:28) Ieuwa tiꞌatukyꞌesat iꞌatumempytꞌīn mempytꞌīn hap hawyi mesūwat yi taꞌatumowato nusuken wo hap iꞌewȳte taꞌatuꞌapykok hũria hawyi miat koꞌi hap. Ieuwa tiꞌatukyꞌesat torānia mītꞌīn tukupteꞌen nusuken note wuatꞌi eꞌāt pe taꞌatuehaig̃te hap wȳwo hap.
Maꞌato Tupana mikyꞌesat ewy hinꞌi tuwemoherep. a Maꞌato mītꞌīn piat tomikyꞌesat hap ȳt toiꞌywykꞌi. (Isaia 46:10, 11) Tupana tiꞌatukyꞌesat kahato te mītꞌīn kupteꞌen wuatꞌi eꞌāt pe nusuken notiat hap iꞌewȳte taꞌatuehaig̃te kahato hap wȳwo hap. — Etimowempāp o Iesui Aru E Hap 21:3, 4.
2. Aikotā̃ me asom watoig̃neꞌen kuap korā̃ aiwepīt sēse hap wȳwo.
Ieuwa ainug̃ tokuap hawyi tomontypot hamo miꞌi pote watukupteꞌen kuap imikyꞌesat nug̃ hap kaipyi yn. (Etimowempāp o Mateu 4:4 hawyi Mateu 5:3-6.) Ieuwa tikyꞌesat towyꞌokria sēseria wo watoig̃neꞌen hap toikyꞌesat watunug̃ iwat imikyꞌesat yn aipyꞌa pyi yne ahesaika hap oktān hap. (Teturonamia 10:12; Porowepiu 3:32) Miꞌi hap watunug̃ mote aiwepīt sēse hamo aikotā̃ niatpo pykai kat pote Ieuwa montypot hap kaipyi ti tūt aiwepīt sēse hap.
EREWANENTUP O ETIKUAP POꞌOG̃ HAMO
Etikuap hamo Ieuwa kai aikyꞌe hap iwato kahato hap. Miꞌi hap toimoherep karāmpe tutunug̃ mesūwat yi ahepe turān hap iꞌewȳte etikuap hamo kat hamo Tupana ainug̃ hap.
3. Ieuwa tiꞌatukyꞌesat mītꞌīn kupteꞌen waku puo hap.
Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Kat pote asom mesūwat mytȳp Tupana tunug̃ ikahu kahato.
Tupana Ehay henoi Ieuwa topag̃ aipyꞌa pe wuatꞌi eꞌāt piat aheig̃neꞌen terān hap e. (Ekeresiasi 3:11, TNM) Korā̃ eiwoꞌoꞌehay o apoꞌe hap etiat.
-
Mesūwat puo pyi kat hap eig̃ Ieuwa topag̃ aipyꞌa pe iꞌewȳte kan miꞌi hap aimūꞌe.
4. Tomikyꞌesat ahepiat hap Ieuwa ȳt tiꞌywykꞌi
Eweimowempāp o Saumu 37:11, 29 hawyi Isaia 55:11. Miꞌi hawyi eiwoꞌoꞌehay o apoꞌe hap etiat.
-
Watikuap ti raꞌyn Ieuwa tikyꞌesat watoig̃neꞌen wuatꞌi eꞌāt piat hap. Maꞌato aikotā̃ me asom watikuap ȳt tehay ywykꞌi miꞌi hap etiat hap.
Iꞌatumikyryꞌi netap ete pote netap kaꞌiwat timompakup kuap. Miꞌi hap ewy mesūwat yi mītꞌīn ȳt teropatꞌi maꞌato Ieuwa timompakup hamuat mesūwat yi tokyꞌe haria upi.
5. Watimontypot Ieuwa hap kaipyi ti tūt aiwepīt sēse hap
Karāmpe watikuap taꞌyn aheig̃neꞌen sēse hap etiat hawyi aimowepīt kahato. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Saꞌawyꞌi Terumi weig̃neꞌen hap tuweupi maꞌato toikuap taꞌyn kat hamo watoig̃neꞌen hap hawyi aikotā̃ eig̃ iweig̃neꞌen hap.
Eweimowempāp o Ekeresiasi 12:13. Miꞌi hawyi eiwoꞌoꞌehay o apoꞌe hap etiat.
-
Mesūwat puo pyi Ieuwa tunug̃ kahato raꞌyn wakuat koꞌi aheupi. Wahewaku iminug̃ koꞌi upi hamo kat asom waku watunug̃.
IRANIAꞌĪN APOꞌIATUꞌE POTE Kat hamo asom watoig̃neꞌen iꞌatuꞌe pote.
-
Kat ere aten etiꞌatuwesat.
WATUWEMŪꞌE RAꞌYN
Ieuwa tikyꞌesat kahato watoig̃neꞌen wuatꞌi eꞌāt piat hap waku hampȳk puo hap. Karāmpe watimontypot Ieuwa yne aipyꞌa pyi pote korā̃ pyi te watoig̃neꞌen kuap aiwepīt sēse hap wȳwo.
Hotꞌokꞌe te asom
-
Kat hap eig̃ Ieuwa tikyꞌesat Atãu hawyi Ewa piat hap.
-
Watikuap ti raꞌyn Ieuwa tikyꞌesat watoig̃neꞌen wuatꞌi eꞌāt piat hap. Maꞌato aikotā̃ me asom watikuap ȳt tehay ywykꞌi miꞌi hap etiat hap.
-
Kat hap kaipyi asom emowepīt sēse hap tūt.
ETIKUAP TERĀN POꞌOG̃ POTE
Etikuap hamo kat pote watipȳwo kuap Tupana mikoi ypia Eteĩ e hap toig̃neꞌen hap.
Tupana mikoi ypia Eteĩ e hap — Pȳwo piat sio ȳt pȳwo piatꞌi. (A Sentinela, 1.º de janeiro de 2011)
Etikuap hamo kat pote watimohey kuap mesūwat yi wuatꞌi eꞌāt pe toig̃neꞌen hamuat hap.
Etikuap hamo kat e Tupana Ehay henoi kat pote asom watoig̃neꞌen etiat hap.
Uhekat toig̃ yne tupono waku pe raꞌyn uheig̃neꞌen hap e John. Waku pe raꞌyn sio e. Maꞌato etikuap hamo aikotā̃ me toipuenti towepīt sēse hap.
a Wemūꞌe hap 26 tote watikuap hamo kat pote tuwemoherepꞌi Tupana mikyꞌesat ewy hap.
