Tupana Ehay henoi kahato Tupana Morekuat etiat. Tomiꞌaira Morekuat puo pyi Ieuwa timompakup hamuat mesūwat yi nusuken wo. Maꞌato aikotā̃ me aru Ieuwa Aiporekuatno. Aikotā̃ me asom watikuap Iesui Morekuatno raꞌyn atipy pe hap. Korā̃ kat hap eteig̃ Tupana Morekuat hoꞌopowȳro mītꞌīn. Iꞌewȳte kat hap asom tutunug̃ poꞌog̃ hamuat re. Mesūwat wemūꞌe hap puo pyi iꞌewȳte wemūꞌe hap 32 hawyi 33 puo pyi watikuap hamo iꞌatuwesat hap koꞌi.

1. Aikotā̃ me aru Ieuwa Aiporekuatno.

Aiporekuatno hamo Ieuwa tiꞌaira Iesui. Iesui Morekuatno raꞌyn atipy pe. (Mateu 28:18; Iuwãu 18:36) Tupana Ehay henoi Iesui Morekuatno hamo wuatꞌi eꞌāt pe aru e. (Iruka 1:32, 33) Miꞌi pote Iesui mesūwat yi wato hap oktān mītꞌīn porekuatno hamo toig̃neꞌen.

2. Uweꞌīn aru Iesui wȳwo morekuatno atipy pe.

Tuweran hamoꞌi Iesui morekuatno atipy pe. Wuatꞌi mesuwarotiat ywania kaipyi wuatꞌi pusu kuap haria Tupana miꞌaira morekuaria wo Iesui wȳwo atipy pe hamo. (Iesui Aru E Hap 5:9, 10) Karāmpe Iesui tūt raꞌyn mesūwat yi kape hawyi typyꞌi kahato raꞌyn Iesui mohey hatno tukupteꞌen. Maꞌato 144 miu rakaria yn teꞌeruwat atipy pe Iesui wȳwo morekuatno tukupteꞌen hamo. (Etimowempāp o Iesui Aru E Hap 14:1-4.) Iraniaꞌīn torānia Iesui mohey haria pykai tukupteꞌen hamo mesūwat yi tote. — Saumu 37:29.

3. Kat pote asom Tupana miꞌaira Morekuat poꞌog̃ waku mesūwat yi totiaria morekuaria koꞌi kai.

Karāmpe morekuaria tunug̃ terān waku rakat mītꞌīn upi turān maꞌato torāniaꞌi taꞌatumikyꞌesat koꞌi nug̃ hap ete ȳt iꞌatupotputꞌokꞌeꞌi. Iꞌewȳte mōtꞌi hawyi mītꞌīn haipepiat nug̃ tuereto iraꞌyn morekuaria maꞌato iꞌatumisaipepiat nug̃ tuweupi raꞌyn ȳt tenentupꞌi poꞌog̃ mītꞌīn kape. Maꞌato Tupana miꞌaira Morekuat Iesui ȳt karāmpe hamoꞌi taꞌatuhaipepiat nug̃ hamo. Tupana toꞌe — Miꞌi hawyi ti aru ȳt karāmpeꞌi ikahuro ieig̃neꞌen Morekuatno hap. Ȳt uweꞌi imomã kuap e. (Tanieu 7:14) Mesūwat yi wato hap oktān mītꞌīn porekuatno hamo Iesui toig̃neꞌen miꞌi hawyi en poꞌog̃ waku e hamoꞌi iꞌewȳte neig̃ tohoꞌomohit hamo tehay wo mītꞌīn. Iesui woꞌopotkyꞌe kahato hat hewaku kahato rakat iꞌewȳte hampȳk kahato rakat. Iꞌewȳte tohoꞌomūꞌe hamo aikotā̃ me waku mītꞌīn tukupteꞌen toꞌope waku puo woꞌokyꞌe hap wȳwo woꞌowese hap wȳwo hap ete. — Etimowempāp o Isaia 11:9.

7. Torānia morekuaria woꞌonãpin hap koꞌi kai Tupana Morekuat woꞌonãpin hap koꞌi poꞌog̃ waku

Morekuaria wat toig̃ woꞌonãpin hap koꞌi mītꞌīn powȳro hamo iꞌewȳte iꞌatukawiano hamo. Miꞌi hap ewy Tupana Morekuat wat toig̃ woꞌonãpin hap koꞌi wy. Eweimowempāp o 1 Kurintiu 6:9-11. Miꞌi hawyi apoꞌe hap koꞌi ete eiwoꞌoꞌehay.

• Ewanentup hawe aikotā̃ aten mītꞌīn kupteꞌen mesūwat yi totiat hap torānia inug̃ Tupana woꞌonãpin hap ewy pote. Aikotā̃ etipuenti. a

• Tupana Morekuat woꞌonãpin hap koꞌi toig̃. Waku asom Ieuwa tikyꞌesat mītꞌīn timontypot miꞌi hap koꞌi hap. Kat pote miotā̃ ere.

• Iraniaꞌīn mītꞌīn ȳt timontypotꞌi Tupana Morekuat woꞌonãpin hap koꞌi maꞌato teꞌerekoꞌywyk kuap. Maꞌato aikotā̃ me asom watikuap teꞌerekoꞌywyk kuap hap. — Ewetehaꞌat pyno hag̃a hit 11.

 WATUWEMŪꞌE RAꞌYN

Ieuwa tiꞌaira Aiporekuatno hamo Iesui. Iesui Morekuatno raꞌyn atipy pe. Itote pyi mesūwat yi wato hap oktān Morekuatno hamo wy.

Hotꞌokꞌe te asom

• Uweꞌīn asom Tupana miꞌairaria aiporekuatnuaria.

• Kat pote asom Tupana miꞌaira Morekuat poꞌog̃ waku mesūwat yi totiaria morekuaria koꞌi kai.

• Tupana Morekuat raꞌyn taꞌatuporekuatno taꞌatumoherep hamo. Kat hag̃ eig̃ Ieuwa tikyꞌesat mītꞌīn tunug̃ hap.