WEMŪꞌE HAP 32
Iesui Morekuatno raꞌyn
Tupana miꞌaira Morekuat Morekuatno raꞌyn atipy pe hap tesaꞌawynug̃ anu 1914 pyi raꞌyn. Morekuatno raꞌyn hawyi mesūwat yi totiaria morekuaria koꞌi momã hap eꞌāt ȳt pyaꞌi raꞌyn. Maꞌato aikotā̃ me asom miꞌi hap watikuap. Watikuap hamo kat e Tupana Ehay henoi miꞌi hap etiat hap iꞌewȳte watikuap hamo kat koꞌi kat koꞌi tuwemoherep mesūwat yi tote anu 1914 pyi hap.
1. Kat hap etiat eig̃ Tupana Ehay henoi ti raꞌyn.
Watikuap poꞌog̃ karāmpe pyi Tupana miꞌaira Morekuat Morekuatno raꞌyn hap etiat. Popera Tanieu henoi 7 anu kahuro pe hap ewy hawyi aru Morekuatno raꞌyn toig̃neꞌen e. (Tanieu 4:16, 17) Miꞌi hap etiat mōtꞌi hawyi Iesui henoi Miꞌi hap ewy topyhuꞌat mekewat eꞌāt Tupana miꞌaira hap kape e. (Iruka 21:24) Miotā̃ e hap puo pyi Iesui henoi ȳt ikahuroꞌi te 7 anu hap e. Maꞌato ikahuro 7 anu e hap anu 1914 pe.
2. Kat hap koꞌi asom tuwemoherep mesūwat yi tote anu 1914 pyi.
Iesui potmūꞌeria apoꞌiꞌatuꞌe Iesui pe — Urumūꞌe hat karamuo aru tuwemoherep mekewat eꞌāt iꞌatuꞌe. Kat som emimoherep mekewat eꞌāt pe iꞌatuꞌe iꞌewȳte aikotā̃ aikotā̃ aru tuwemoherep eꞌe hap ewy iꞌatuꞌe. (Maku 13:3,4) Hawyi Iesui tiꞌatuwesat hawyi tohenoi aikotā̃ aikotā̃ hap koꞌi neꞌi ti aru tuwemoherep e karāmpe uito raꞌyn morekuatno atipy tote hawyi e. Iesui henoi ȳt katꞌi hamuat miꞌu iꞌewȳte yi tyryꞌe kahato hamuat e. Miꞌi hap koꞌi tuwemoherep hamuat e. (Etimowempāp o Maku 13:8.) Iꞌewȳte Tupana Ehay henoi ti raꞌyn aikotā̃ hamuat mītꞌīn tukupteꞌen ikahuro hap eꞌāt ȳt putꞌokꞌe ite turān hap miꞌi pote niatpo kahato hamo. (2 Timoteu 3:1-5) Anu 1914 pyi poꞌog̃ naꞌyn meig̃muewuat saꞌag̃ koꞌi hap tuwemoherep poꞌog̃.
3. Iesui Morekuatno raꞌyn toig̃neꞌen atipy pe hawyi kat pote asom tuwemowato poꞌog̃ saꞌag̃ hap koꞌi mesūwat yi tote.
Iesui Morekuatno raꞌyn toig̃neꞌen atipy pe hawyi tuꞌuka atipy pe ahiag̃ hawyi ahiag̃niaria wȳwo. Maꞌato Iesui hesaika poꞌog̃ hawyi toiꞌatuꞌakit yne ahiag̃niaria. Tupana Ehay toꞌe — Miꞌi hawyi toiꞌatuꞌokhytpug̃ha moiꞌok hesuraraꞌīn wȳwo yi kape e. (Iesui Aru E Hap 12:9, 10, 12) Ahiag̃ haiwot kahato kat pote toikuap taꞌyn tomomã hamuat hap. Miꞌi pote mesūwat yi oktān mītꞌīn tohoꞌomosoꞌopot nug̃. Miꞌi pote hoꞌokup kahato korā̃ saꞌag̃ hap koꞌi mesūwat yi tote. Maꞌato Tupana miꞌaira Morekuat timomã yne hamuat saꞌag̃ hap koꞌi wȳwo.
EREWANENTUP O ETIKUAP POꞌOG̃ HAMO
Etikuap hamo aikotā̃ hap puo pyi watikuap Iesui Morekuatno raꞌyn toig̃neꞌen anu 1914 pyi hap. Iꞌewȳte watikuap hawyi kat watunug̃ hamuat hap.
4. Tupana Ehay henoi Tupana miꞌaira Morekuat Morekuatno raꞌyn anu 1914 pyi
Morekuat Nabucodonosor tawa Papironia piat het ri wentup Nepusaratã e. Wentup eꞌāt pe imuꞌetu raꞌyn maꞌato imuꞌetu hap tūt Tupana kaipyi. Imuꞌetu pe Ieuwa timoherep aikotā̃ hamuat meij̃uran hamuat hap etiat koꞌi. Tupana paꞌãu puo pyi Tanieu henoi imuꞌetu hap etiat koꞌi. Imuꞌetu hap henoi morekuat Nepusaratã etiat iꞌewȳte Tupana Morekuat etiat hap wy. — Eweimowempāp o Tanieu 4:17.
Eweimowempāp o Tanieu 4:20-26. Miꞌi hawyi apoꞌe hap koꞌi wesat hamo erehaꞌat kuap mesūwat wemūꞌe hap página 133 piat kape.
-
(A) Kat hap eig̃ morekuat Nepusaratã tehaꞌat tomuꞌetu hap puo pyi. — Ewetehaꞌat pakupꞌi pyno hag̃a hit 20 hawyi 21.
-
(B) Aikotā̃ hap eig̃ tuwemoherep hamuat ariaꞌyp wȳwo. — Ewetehaꞌat pakupꞌi pyno hag̃a hit 23.
-
(C) Aikotā̃ hamuat eig̃ tuwemoherep 7 anu kahuro hap ete hawyi. — Ewetehaꞌat pakupꞌi pyno hag̃a hit 26 kape.
Kat pote asom morekuat muꞌetu ariaꞌyp itypore rakat etiat aikotā̃ Tupana Morekuat etiat hap ewy.
AIKOTĀ̃ HAMUAT TUPANA KAIPYWIAT ARU E HAP (Tanieu 4:20-36)
Morekuat
(A) Ariaꞌyp itypore kahato rakat
Miꞌi turān aru ȳt uweꞌi poꞌog̃ morekuatno
(B) Etiꞌypun no mekewat ariaꞌyp e. 7 anu turān aru ȳt itag̃ꞌi.
Morekuatno pakupꞌi
(C) Meij̃uran aru morekuatno iraꞌyn.
Aikotā̃ me asom saꞌawyꞌi wuat imuꞌetu hap etiat tuwemoherep.
-
(D) Uwe piat pe asom mekewat ariaꞌyp itypore kahato rakat e. — Ewetehaꞌat pakupꞌi pyno hag̃a hit 22.
-
(E) Karāmpe pyi asom morekuat Nepusaratã ȳt morekuatnoꞌi poꞌog̃ toig̃neꞌen. — Eweimowempāp o Tanieu 4:29-33.
-
(F) Tokosap taꞌyn 7 anu hap ewy hawyi kat hap eig̃ tuwemoherep morekuat Nepusaratã wȳwo. — Eweimowempāp o Tanieu 4:34-36.
SAꞌAWYꞌI WUAT IMUꞌETU TUWEMOHEREP
Morekuat
(D) Morekuat Nepusaratã tawa Papironia piat
Miꞌi turān aru ȳt uweꞌi poꞌog̃ morekuatno
(E) Nimo anu 606 pe Iesui ūt hap eꞌyj̃an mete morekuat Nepusaratã hesoꞌok takat ewy toig̃neꞌen hawyi ȳt morekuatno kuapꞌi poꞌog̃ toig̃neꞌen 7 anu turān
Morekuatno pakupꞌi
(F) Morekuat Nepusaratã iweꞌeg̃ hap taꞌaipok iraꞌyn hewowi hawyi morekuatno iraꞌyn toig̃neꞌen
Aikotā̃ me asom typuatꞌi morekuat muꞌetu hap etiat tuwemoherep.
-
(G) Uwe piat pe asom mekewat ariaꞌyp itypore kahato rakat. — Eweimowempāp o 1 Samueu 16:1.
-
(H) Karāmpe pyi asom Isareu ywaniaria ȳt morekuatnoꞌi poꞌog̃ tukupteꞌen. Karāmpe Iesui toig̃neꞌen mesūwat yi tote turān ȳt uweꞌi te porap Isareu ywaniaria morekuat toig̃neꞌen. Aikotā̃ me asom miꞌi hap watikuap. — Eweimowempāp o Iruka 21:24.
-
(I) Karāmpe pyi asom Tupana tiꞌaira pakupꞌi Isareu ywania piat morekuat nuat hamo hawyi aj̃umpe asom morekuatno toig̃neꞌen.
TYPUATꞌI IMUꞌETU TUWEMOHEREP
Morekuat
(G) Isareu ywaniaria Porekuaria Tupana miꞌairaria koꞌi
Miꞌi turān aru ȳt uweꞌi poꞌog̃ morekuatno
(H) Tawa Ierusarẽi taꞌatumomã. Miꞌi hawyi Isareu ywania ȳt iꞌatuporekuatꞌi poꞌog̃ 2.520 anu turān. Mōtꞌi kahato ȳt iꞌatuporekuatꞌi
Morekuatno pakupꞌi
(I) Iesui Morekuatno raꞌyn atipy pe
Kat e terān haype asom 7 anu e.
Asuwe watikuap kahatoꞌi sehay Tupana Ehay piat hag̃a koꞌi maꞌato watimowempāp poꞌog̃ irania hag̃a koꞌi hawyi watikuap poꞌog̃. Kotā̃ e hap popera Iesui Aru E Hap henoi 3 anu hawyi 6 meses e hap miꞌi hap aikotā̃ 1.260 eꞌāt hap ewy e. (Iesui Aru E Hap 12:6, 14, TNM.) Miꞌi pote 3 anu hawyi 6 meses e hap typuo pote 7 anu e hap ewy. Miꞌi pote 1.260 eꞌāt hap typuo pote aikotā̃ 2.520 eꞌāt hawiat pe. Asuwe Tupana Ehay henoi wentup eꞌāt e hap aikotā̃ wentup anu hawiat pe e. (Esekieu 4:6) Aikotā̃ popera Tanieu pe tohenoi 2.520 eꞌāt e hap aikotā̃ 2.520 anu hawiat pe.
5. Anu 1914 pyi sēse raꞌyn kat koꞌi kat koꞌi hap tuwemoherep mesūwat yi tote
Iesui henoi ti raꞌyn Morekuatno raꞌyn uito atipy pe hawyi ti aru aikotā̃ aikotā̃ hap neꞌi tuwemoherep mesūwat yi tote e. Eweimowempāp o Iruka 21:9-11. Miꞌi hawyi eiwoꞌoꞌehay o apoꞌe hap etiat.
-
Mesūwat Tupana Ehay piat e hap ewy ewanentup hawe kat hap koꞌig̃ tuwemoherep taꞌyn korā̃.
Iesui potmūꞌe Pauru henoi aikotā̃ hamuat mītꞌīn tukupteꞌen pyaꞌi raꞌyn morekuaria momã hap eꞌāt hawyi e. Eweimowempāp o 2 Timoteu 3:1-5. Miꞌi hawyi eiwoꞌoꞌehay o apoꞌe hap etiat.
-
Mesūwat Tupana Ehay piat e hap ewy asom korā̃ mītꞌīn tukupteꞌen.
6. Waku watimoherep watimohey Tupana miꞌaira Morekuat Morekuatno raꞌyn hap ete hap
Eweimowempāp o Maku 13:3, 4, 10. Miꞌi hawyi apoꞌe hap koꞌi ete eiwoꞌoꞌehay.
-
Kan tuwemoherep mesūwat yi wato hap oktān watikuap Tupana miꞌaira Morekuat Morekuatno raꞌyn hap kuap hamo.
-
Aikotā̃ me asom etunug̃ kuap mesūwat Tupana Ehay piat e hap ewy hamo.
Tupana miꞌaira Morekuat Morekuatno raꞌyn atipy pe maꞌato meij̃uran epote atipy tote pyi mesūwat yi wato hap oktān Morekuatno hamo wy. Miꞌi hap ȳt pyaꞌi raꞌyn. Eweimowempāp o Epereu 10:24, 25. Miꞌi hawyi eiwoꞌoꞌehay o apoꞌe hap etiat.
-
Atipy tote pyi Iesui Morekuatno mesūwat yi wato hap oktān hamuat hap ȳt pyaꞌi raꞌyn maꞌato heꞌāt ȳt putꞌokꞌe ite turān kat hap asom waku watunug̃ poꞌog̃.
Etikuap kat asom waku mītꞌīn tunug̃ teꞌeruwehakyeraꞌat pote kan waku etunug̃.
IRANIAꞌĪN APOꞌIꞌATUꞌE POTE Kat pote Ieuwa Ehay Enoi Haria henoi kahato anu 1914 hap etiat iꞌatuꞌe pote.
-
Miotā̃ e haria pe kat ere aten etiꞌatuwesat.
WATUWEMŪꞌE RAꞌYN
Tupana kaipywiat aru e hap koꞌi iꞌewȳte korā̃ wuat aru e hap koꞌi timoherep Iesui Morekuatno raꞌyn atipy pe hap. Miꞌi hap ete watimohey hap watimoherep wahenoi Tupana Ehay etiat iꞌewȳte wato waꞌatunug̃ hap kape hap puo pyi.
Hotꞌokꞌe te asom
-
Popera Tanieu henoi 7 anu hap etiat maꞌato tokosap taꞌyn 7 anu hap ewy hawyi kat hap eig̃ tuwemoherep.
-
Kat pote etipȳwo Tupana miꞌaira Morekuat Morekuatno raꞌyn anu 1914 pyi hap ete.
-
Aikotā̃ hap puo pyi asom etimoherep etimohey Tupana miꞌaira Morekuat Morekuatno raꞌyn toig̃neꞌen hap ete hap.
ETIKUAP TERĀN POꞌOG̃ POTE
Etikuap hamo kat iꞌatuꞌe wemūꞌe haria iꞌewȳte mītꞌīn henoi kat tuwemoherep anu 1914 pyi hap etiat hap.
Anu 1914 pyi sēse raꞌyn tuwemoherep saꞌag̃ hap koꞌi mesūwat yi tote (Despertai!, abril de 2007)
Etikuap hamo wentup ok ihaig̃nia tikuap Tupana Ehay piat aru e hap Mateu 24:14 piat hawyi tekoꞌywyk taꞌyn.
Torānia kai atipuenti waku kahato aremahara beisebol ete hap (A Sentinela, n.º 3 de 2017)
Aikotā̃ me som watikuap Popera Tanieu hag̃a 4 henoi Tupana miꞌaira Morekuat etiat hap wy.
Karāmpe pyi asom Tupana miꞌaira Morekuat Morekuatno raꞌyn toig̃neꞌen. (Parte 1) (A Sentinela, 1.º de outubro de 2014)
Tanieu hag̃a 4 henoi 7 anu hap etiat hap. Maꞌato aikotā̃ me asom watikuap 7 anu hap ikahuro anu 1914 pe hap.
Karāmpe pyi asom Tupana miꞌaira Morekuat Morekuatno raꞌyn toig̃neꞌen. (Parte 2) (A Sentinela, 1.º de novembro de 2014)
