WEMŪꞌE HAP 34
Aikotā̃ me asom watimoherep kuap watikyꞌe Ieuwa hap.
Etikyꞌe poꞌog̃ asom Tupana eremuꞌe ihay etiat hawyi. Tupana wyꞌok wo terān poꞌog̃ asom ereig̃neꞌen. Karāmpe epiat tokyꞌe poꞌog̃ torānia kai hap toikuap hawyi Ieuwa ekyꞌe poꞌog̃ hamo iꞌewȳte erohik hamo wy. Maꞌato aikotā̃ me asom etimoherep kuap etikyꞌe kahato Ieuwa hap.
1. Aikotā̃ me asom watimoherep kuap watikyꞌe kahato Ieuwa hap.
Watikyꞌe kahato Ieuwa hap watimoherep karāmpe watihaymontypot hap puo pyi. (Etimowempāp o 1 Iuwãu 5:3). Ieuwa tikyꞌesat tomontypot hap maꞌato uimontypot ro uimontypot ro en ȳt eꞌi maꞌato toikyꞌesat aiwewi watiꞌaira ihaymontypot hamuat hap sio ȳtꞌi hamuat hap. Kat pote asom. Kat pote ti Ieuwa tikyꞌesat watunug̃ aipyꞌa pyi tonãpin hap ewy hap. (Humanu 6:17) Atimontypot raꞌyn pyno Ieuwa toikyꞌesat tomontypot hap tupono ere hap ȳt toikyꞌesatꞌi maꞌato toikyꞌesat tomontypot epyꞌa pyi tokyꞌe kahato hap wȳwo hap. Meikowat popera parte 3 hawyi parte 4 hap puo pyi etikuap hamo kat waku etunug̃ Ieuwa mowepīt hamo hap iꞌewȳte kat koꞌi ȳt nakuꞌi etunug̃ hap. Miꞌi hap koꞌi epowȳro hamo etimoherep Ieuwa kyꞌe hamo hap.
2. Kat pote asom asuwe niatpo watimoherep Ieuwa kyꞌe hap.
Hoꞌopot hap koꞌi putꞌokꞌe kahato wakuaria ete. (Saumu 34:19) Torānia iꞌaparap haria aitoria. Miꞌi pote niatpo hap koꞌi akit hamo niatpo. Asuwe ahedinheiroꞌi iꞌewȳte katꞌi saꞌag̃ watunug̃ pykai maꞌato aimosoꞌopot iꞌewȳte iraniaꞌīn niatpo hap koꞌi toig̃. Karāmpe putꞌokꞌe ahete niatpo hap koꞌi pote asuwe niatpo Ieuwa mikyꞌesat nug̃ hamo. Kat pote miꞌi turān asuwe ahepiat ȳt nakuꞌi rakat nuat aiwanentup hawe waku neꞌi sio watoꞌe kuap. Karāmpe niatpo pykai maꞌato etimontypot re Ieuwa yne epyꞌa pyi miꞌi hap puo pyi etimoherep etikyꞌe kahato Ieuwa poꞌog̃ torānia kai hap. Eminug̃ koꞌi puo pyi etimoherep etoiat terānꞌi Ieuwa hap miꞌi pote karāmpe hamoꞌi Ieuwa ewāure. — Etimowempāp o Saumu 4:3.
EREWANENTUP O ETIKUAP POꞌOG̃ HAMO
Etikuap hamo kat pote Ieuwa iwepīt kahato ewȳwo tomontypot hap upi iꞌewȳte etikuap hamo kat hap epowȳro kuap etiꞌywoporo epyꞌa pyi Ieuwa montypot hamuat hap.
3. Ahiag̃ ihay saꞌag̃ ētiat wy
Tupana Ehay henoi Io etiat ahiag̃ ihay saꞌag̃ kahato hap. Toimontypot ri Tupana tekat kahato pote waku tetiat pote neꞌi e ahiag̃. Maꞌato Io pe ynꞌi miotā̃ e maꞌato torānia Ieuwa montypot terān haria pe raꞌyn miotā̃ e wy. Eweimowempāp o Io 1:1, 6–2:10. Miꞌi hawyi apoꞌe hap koꞌi ete eiwoꞌoꞌehay.
-
Mesūwat puo pyi ahiag̃ ihay saꞌag̃ kahato Io etiat. Ahiag̃ pe kat pote eig̃ Io timontypot Ieuwa. — Ewetehaꞌat pyno Io 1:9-11.
-
Kat e eig̃ ahiag̃ ihay saꞌag̃ torānia mītꞌīn pe iꞌewȳte epe. — Ewetehaꞌat pyno Io 2:4.
Eweimowempāp o Io 27:5b. Miꞌi hawyi eiwoꞌoꞌehay o apoꞌe hap etiat.
-
Io timoherep toikyꞌe sēse topyꞌa pyi Ieuwa hap. Mesūwat puo pyi aikotā̃ hap puo pyi asom toimoherep toikyꞌe sēse hap.
Io timoherep toikyꞌe sēse Ieuwa hap karāmpe tetiat niatpo pykai maꞌato toiꞌywoporo te Ieuwa montypot hap.
Watimoherep watikyꞌe sēse Ieuwa hap karāmpe niatpo pykai maꞌato watiꞌywoporo Ieuwa montypot hap turān.
4. Etimowepīt o Ieuwa
Eweimowempāp o Porowepiu 27:11. Miꞌi hawyi eiwoꞌoꞌehay o apoꞌe hap etiat.
-
Aikotā̃ asom Ieuwa topyhuꞌat karāmpe eweꞌeg̃ iꞌewȳte etimontypot iwoꞌonãpin hap koꞌi pote. Kat pote asom.
5. Etimontypot kuap Ieuwa niatpo pykai
Watikyꞌe kahato Ieuwa pote wahenoi terān hamo Ieuwa etiat mītꞌīn me. Aipyꞌa pyi watoiat terānꞌi hap watimoherep karāmpe niatpo ahetiat pykai. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Aikotā̃ etipuenti epe niatpo Ieuwa etiat ehenoi mītꞌīn piat hamo.
-
Vídeo puo pyi kat asom Cláudio powȳro tokenꞌẽ hap wȳwoꞌi tohenoi Tupana Ehay etiat hamo.
Watikyꞌe Ieuwa yne aipyꞌa pyi miꞌi pote karāmpeꞌi watoiat hamo maꞌato niatpoꞌi poꞌog̃ miꞌi hap watunug̃ karāmpe Ieuwa weukaꞌi hap koꞌi ete watuweukaꞌi pote wy. Eweimowempāp o Amui 5:15 hawyi Humanu 12:9. Miꞌi hawyi apoꞌe hap koꞌi ete eiwoꞌoꞌehay.
-
Tupana Ehay etiat ewemūꞌe hap puo pyi hotꞌokꞌe te. Kat hap koꞌi eig̃ Ieuwa tikyꞌesat watunug̃ hap. Kat hap koꞌi ete eig̃ Ieuwa tuweukaꞌi kahato.
-
Aikotā̃ hap koꞌi puo pyi asom etikuap hamo Ieuwa mikyꞌesat koꞌi iꞌewȳte Ieuwa weukaꞌi hap koꞌi.
6. Watimontypot tuereto Ieuwa woꞌonãpin hap koꞌi pote ahepe te waku
Ieuwa woꞌonãpin hap koꞌi watunug̃ pote ahepe te hamo waku. Eweimowempāp o Isaia 48:17, 18. Miꞌi hawyi apoꞌe hap koꞌi ete eiwoꞌoꞌehay.
-
Aikotā̃ ewanentup hawe watipȳwo kuap asom Ieuwa tikuap poꞌog̃ waku ahepiat rakat hap ete. Kat pote asom.
-
Ewemūꞌe hap puo pyi etikuap poꞌog̃ Tupana Ehay etiat iꞌewȳte Ieuwa etiat wy. Aikotā̃ hap ete asom korā̃ epowȳro kahato raꞌyn.
IRANIAꞌĪN TEꞌEROꞌE Karāmpeꞌi atimowepīt kuap Tupana iꞌatuꞌe.
-
Aikowan Tupana Ehay piat e hap etimowempāp hamo ehenoi aiminug̃ koꞌi iꞌewȳte aimiꞌaira koꞌi puo pyi watimowepīt kuap Ieuwa hap.
WATUWEMŪꞌE RAꞌYN
Etikyꞌe kahato Ieuwa hap etimoherep kuap karāmpe etimontypot iwoꞌonãpin hap koꞌi turān aikotā̃ ētiat niatpo pykai sio erekenꞌẽ pykai maꞌato etimoherep kuap karāmpeꞌi etoiat Ieuwa hamuat hap.
Hotꞌokꞌe te asom
-
Kan emūꞌe Io minug̃ etiat.
-
Aikotā̃ hap puo pyi asom etimoherep kuap etikyꞌe kahato Ieuwa epyꞌa pyi hap.
-
Kat hap koꞌi asom epowȳro kuap karāmpeꞌi etoiat Ieuwa hamo iꞌewȳte wuatꞌi eꞌāt pe epyꞌa pyi etikyꞌe hamo.
ETIKUAP TERĀN POꞌOG̃ POTE
Etikuap hamo aikotā̃ me etimoherep kuap etimontypot Ieuwa hap iꞌewȳte etiꞌatumontypot akag̃ koꞌi hap.
Etikuap poꞌog̃ hamo kat e ahiag̃ ihay saꞌag̃ mītꞌīn etiat hap.
Niatpo pykai maꞌato Io tiꞌywoporo te Ieuwa montypot hap (A Bíblia — Qual É a Sua Mensagem? seção 6)
Etikuap hamo hirokaria pykai maꞌato taꞌatumoherep kuap taꞌatukyꞌe Ieuwa hap.
Aikotā̃ me asom ipakup takaria tiꞌywoporo kuap Ieuwa montypot hap karāmpe iraniaꞌīn ipakup takaria piat etunug̃ o saꞌag̃ iꞌatuꞌe turān.
