WEMŪꞌE HAP 35

Kat asom aipowȳro kuap poꞌog̃ waku rakat watiꞌaira hamo.

MIOWAT TUWESOꞌOWYNUG̃ HAMO

Torānia aiminug̃ wuat koꞌi ti watiꞌaira. Waku rakat watiꞌaira pote aiwepīt hamo iꞌewȳte aimiꞌaira koꞌi puo pyi Ieuwa wyꞌok wo poꞌog̃ kuap watoig̃neꞌen sio iwyꞌok wo hap kai pya poꞌog̃ neꞌi watoig̃neꞌen kuap. Kotā̃ e hap watiꞌaira kuap aj̃umpe watoig̃neꞌen hamuat hap iꞌewȳte kat hap koꞌi wȳwo watuwepotpāp hamuat hap. Iꞌewȳte watemenaru hamuat sio ȳtꞌi hap. Karāmpe waku rakat watiꞌaira pote aheig̃neꞌen hap waku poꞌog̃ aiwepīt iꞌewȳte watimowepīt hamo Ieuwa wy.

1. Aikotā̃ hap koꞌi puo pyi asom Tupana Ehay epowȳro kuap waku rakat koꞌi aira hamo.

Etiꞌaira hap eꞌyj̃an mete waku ehentup mowȳro hap Ieuwa kape iꞌewȳte waku etikatꞌi katꞌi Tupana Ehay pe kat e emiꞌaira terān wuat hap etiat hap kuap hamo. (Etimowempāp o Porowepiu 2:3-6.) Asuwe tehay puo pyi Ieuwa ainãpin ni raꞌyn kat waku watunug̃ hamuat hap ete. Miꞌi turān poꞌog̃ waku etunug̃ aikotā̃ Tupana Ehay piat enãpin hap ewy.

Maꞌato asuwe Tupana Ehay pe tohenoi yneꞌi kat waku etunug̃ hamuat koꞌi etiat hap. Maꞌato miꞌi turān Ieuwa epowȳro eporereto muap upiat eꞌapykok hamuat. (Isaia 48:17) Maꞌato aikotā̃ me asom eporereto kuap muap upi. Tehay puo pyi epowȳro kuap. Maꞌato asuwe ihay pe kat eꞌi ainãpin. Maꞌato ihay piat pȳwuat e hap koꞌi kape watenentup kahato hawyi aipowȳro watikuap aikotā̃ Ieuwa wanentup hap koꞌi etiat hamo. Miꞌi pote karāmpe watimowempāp Tupana Ehay hawyi watikuap kat koꞌi kat koꞌi etiat Ieuwa wanentup hap koꞌi. Karāmpe watikuap Ieuwa moꞌarōt hap koꞌi imowepīt hap koꞌi miꞌi hap aipowȳro watimowepīt aimiꞌaira koꞌi puo pyi hamo.

2. Kat hap koꞌi kape asom waku erewanentup etiꞌaira hap eꞌyj̃an mete.

Tupana Ehay toꞌe Pyno mīt iweꞌeg̃ nakat wyti tuwanentup ti toto hamuat hap upi. (Porowepiu 14:15) Miotā̃ e Tupana Ehay kat pote watiꞌaira hap eꞌyj̃an mete waku watuwanentup mōtꞌi kahato aimiꞌaira terān wuat hap ete iꞌewȳte kat aiminug̃ wuat terān hap ete. Miꞌi pote waku erewanentup aikotā̃ me asom Tupana Ehay piat woꞌonãpin hap koꞌi uipowȳro kuap ere. Uimiꞌaira terān wuat asom uimowepīt hamo. Maꞌato poꞌog̃ waku erenentup uimiꞌaira puo pyi asom atimowepīt hamo Ieuwa ere. — Teturonamia 32:29.

Tehay puo pyi Ieuwa henoi ti raꞌyn kat waku rakat nug̃ hap etiat iꞌewȳte ȳt etunug̃ neiꞌo e hap. Karāmpe Ieuwa piat wãi e hap iꞌewȳte ȳt etunug̃ neiꞌo e hap watikuap hawyi aiwanentup hap henoi hamo waku rakat ri etunug̃ e hamo ahepe. Ȳtꞌi pote ȳt nakuꞌi rakat etunug̃ e hamo. Miꞌi hap aipowȳro niatpoꞌi poꞌog̃ watunug̃ Ieuwa piat aipoꞌoro hap ewy hamo. (Humanu 2:14, 15) Aiwanentup hap watinãpin kahato pote aipowȳro hamo waku rakat koꞌi aira hamo.

EREWANENTUP O ETIKUAP POꞌOG̃ HAMO

Etikuap hamo Ieuwa mikyꞌesat pȳwuat e hap koꞌi aipowȳro kuap karāmpe tohenoi yneꞌi kat watunug̃ hamuat hap etiat turān hap iꞌewȳte aiwanentup hap koꞌi aipowȳro kuap waku rakat aira hamo.

3. Waku rakat upi Tupana Ehay eporereto hamo

Karāmpe kat koꞌi watiꞌaira hamo turān aikotā̃ me asom Tupana Ehay piat Ieuwa mikyꞌesat pȳwuat e hap koꞌi aipowȳro kuap karāmpe tohenoi yneꞌi kat watunug̃ hamuat hap etiat turān. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.

VÍDEO: Tupana Ehay piat Ieuwa mikyꞌesat pȳwuat e hap koꞌi epowȳro kuap (5:54)

Kat hap eig̃ Ieuwa tum ahepe.
Kat pote asom Ieuwa tum ahepe aiwewiat iꞌaira hamuat hap.
Aipowȳro waku rakat koꞌi aira hamo kat hap eig̃ Ieuwa tum ahepe.

Etikuap poꞌog̃ hamo Tupana Ehay piat pȳwuat e hap koꞌi karāmpe tohenoi yneꞌi kat watunug̃ hamuat hap etiat. Miꞌi hap etiat eweikuap hamo eweimowempāp o Wiripu 1:10. Miꞌi hawyi mesūwat puo pyi eiwoꞌoꞌehay o aikotā̃ me epowȳro kuap etiꞌaira poꞌog̃ waku rakat

Etimowempāp tuereto Tupana Ehay hamo.
Seꞌaito hawyi seharyꞌi poꞌog̃ waku rakatno hamo iꞌewȳte ny ȳwot mempytꞌīn poꞌog̃ waku rakatno tukupteꞌen hamo.
Ereto tuereto waꞌatunug̃ hap koꞌi kape hamo.

4. Waku etimūꞌe ewanentup hap waku rakat koꞌi aira hamo

Karāmpe Tupana Ehay henoi kat aiminug̃ wuat aimiꞌaira terān wuat hap etiat pote watikuap hawyi niatpoꞌi poꞌog̃ watunug̃ iwoꞌonãpin hap ewy hamo. Maꞌato kat eꞌi Tupana Ehay henoi aiminug̃ aimiꞌaira terān wuat hap ete. Miꞌi turān kat hap asom waku watunug̃. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.

VÍDEO: Waku watimūꞌe aiwanentup hap waku rakat aira hamo (5:13)

Vídeo puo pyi kat hap asom Ana tunug̃ tuwanentup hap mūꞌe hamo hawyi waku rakat aira Ieuwa mowepīt hamo.

Karāmpe watikuapꞌi kat watiꞌaira hamuat turān miꞌi turān kat pote asom ȳt nakuꞌi wahentup mowȳro hap iraniaꞌīn piat iꞌaira ahupi hamo. Eweimowempāp o Epereu 5:14. Miꞌi hawyi apoꞌe hap koꞌi ete eiwoꞌoꞌehay.

Karāmpe wahentup mowȳro hap iraniaꞌīn tiꞌaira ahupi hamo pote niatpoꞌi watiꞌaira hamo maꞌato watiꞌaira hap eꞌyj̃an mete kat hap asom waku watikuap.
Vídeo puo pyi kat hap asom epowȳro kuap ewanentup hap etimūꞌe waku rakat koꞌi aira hamo.

Aiwanentup hap aikotā̃ mapa e hap ewy. Aipowȳro kuap watiꞌaira muap upiat waku rakat upi wato hamo.

5. Etimontypot o iraniaꞌīn wanentup hap koꞌi

Mītꞌīn koꞌi ȳt toꞌoꞌewyꞌi. Miꞌi pote iꞌatuwanentup hap koꞌi iꞌewȳte iꞌatumiꞌaira koꞌi teꞌeruweupi. Maꞌato aikotā̃ me asom iꞌatuwanentup hap koꞌi watiꞌatumontypot kuap. Kotā̃ e hap

Kotā̃ e hap 1: Karāmpe haryporia iꞌasap tutꞌi kahato rakat toto wentup tawa kape hawyi congregação piaria haryporiaꞌīn tipuenti waku kahatoꞌi haryporia asap tutꞌi hap.

Eweimowempāp o Humanu 15:1 hawyi 1 Kurintiu 10:23, 24. Miꞌi hawyi eiwoꞌoꞌehay o apoꞌe hap etiat.

Aimimowempāp hag̃a hit koꞌi puo pyi kat asom waku haryporia tunug̃. Karāmpe ewanentup hawe waku neꞌi maꞌato wentup mīt pe ewanentup hap wakuꞌi. Miꞌi turān asom kan waku etunug̃.

Kotā̃ e hap 2: Aiwyꞌok tikuap Tupana Ehay henoi iꞌaparap hapꞌi mahyꞌu hit hap maꞌato toiꞌaira karāmpeꞌi temahyꞌu hamuat hap. Hawyi wentup eꞌāt pe taꞌatuwenka miꞌu u hamo hawyi itote tehaꞌat iraniaꞌīn mahyꞌu hit haria.

Eweimowempāp o Iruka 6:37 hawyi Humanu 14:1, 10. Miꞌi hawyi eiwoꞌoꞌehay o apoꞌe hap etiat.

Aimimowempāp hag̃a hit koꞌi puo pyi kat asom waku aiwyꞌok tunug̃. Karāmpe ewanentup hawe ȳt nakuꞌi wentup ok miꞌaira maꞌato aiwyꞌok pe waku neꞌi. Miꞌi turān asom kan waku etunug̃.

Kat asom waku etunug̃ etiꞌaira hap eꞌyj̃an mete.

1. Ehentup o Ieuwa kape epowȳro hamuat hawyi etikuap hamo kat etunug̃ hamuat hap. — Tiaku 1:5.

2. Etikatꞌi katꞌi o Tupana Ehay pe iꞌewȳte ahepopera koꞌi pe etikuap woꞌonãpin hap koꞌi etiat hamo iꞌewȳte ehay kuap Ieuwa Ehay Enoi Haria iweꞌeg̃ nakaria wȳwo.

3. Erenentup o emiꞌaira terān wuat kape emoꞌarōt hamo sio emowepīt hamo hap kape iꞌewȳte etimontypot iraniaꞌīn wanentup koꞌi hamo wy.

IRANIAꞌĪN TEꞌEROꞌE Iraniaꞌīn iꞌatuehay uiwȳwo maꞌato atunug̃ hamo uimiꞌaira uimikyꞌesat yn. Atunug̃ hamoꞌi iraniaꞌīn mikyꞌesat koꞌi iꞌatuꞌe.

Kat pote asom watiꞌaira hap eꞌyj̃an mete waku watenentup Ieuwa moꞌarōt hamo asom iꞌewȳte mītꞌīn moꞌarōt hamo asom e hap kape.

WATUWEMŪꞌE RAꞌYN

Watiꞌaira hap eꞌyj̃an mete waku watuwanentup aikotā̃ Ieuwa mikyꞌesat hap kape iꞌewȳte waku watuwanentup mītꞌīn kape aimiꞌaira iꞌatumoꞌarōt hamo sio iꞌatumowepīt hamo hap kape.

Hotꞌokꞌe te asom

Kat hap asom epowȳro kuap etimowepīt Ieuwa emiꞌaira koꞌi puo pyi hamo.
Kat hap asom epowȳro kuap ewanentup hap etimūꞌe waku rakat aira hamo.
Aikotā̃ hap puo pyi asom etimoherep kuap etiꞌatumontypot iraniaꞌīn wanentup hap hamo.

Kat hap eꞌāt peig̃ eremūꞌe kahu mesūwat wemūꞌe hap.

Waku etunug̃

Erewanentup o kat emiꞌaira terān wuat hap kape. Hawyi etunug̃ kuap aikotā̃ quadro piat Kat asom waku etunug̃ etiꞌaira hap eꞌyj̃an mete e hap ewy.

Etiwan kuap iraniaꞌīn eminug̃ wuat koꞌi terān.

Iraniaꞌīn eminug̃ wuat koꞌi terān