WEMŪꞌE HAP 36

Yne hap ete ȳt erepotmaꞌat reiꞌo

MIOWAT TUWESOꞌOWYNUG̃ HAMO

Woꞌomaꞌat hat mīt ȳt uweꞌi ikyꞌesat towyꞌok wo. Ieuwa ikyꞌesatꞌi wy. Maꞌato woꞌomaꞌatꞌi maꞌatꞌi haria sēse hoꞌokup mesūwat yi tote miꞌi pote aiweupi iꞌatukai hamo niatpo. Maꞌato kat pote asom waku ȳt woꞌomaꞌat hatnoꞌi watoig̃neꞌen.

1. Kat pote asom ȳt woꞌomaꞌatꞌi terān haria wo watoig̃neꞌen.

Karāmpe ȳt wahoꞌomaꞌatꞌi mītꞌīn watimoherep watikyꞌe kahato Ieuwa hap iꞌewȳte watihaymontypot hap wy. Erewanentup pyno Ieuwa tikuap yne ti aiwanentup hap koꞌi iꞌewȳte aiminug̃ koꞌi hap. (Epereu 4:13) Ieuwa ti tehaꞌat ahewowi karāmpe watiꞌaira ȳt woꞌomaꞌatꞌi hatno watoig̃neꞌen hamo hap kape hawyi iwepīt kahato topyhuꞌat aiwȳwo. Tupana Ehay toꞌe Ieuwa wyti ȳt iwese hinꞌi heso heso rakaria ete maꞌato pȳwo piat yn ihay rakaria wyti toiꞌatukyꞌe kahato. — Porowepiu 12:22.

2. Aikotā̃ hap puo pyi asom wuatꞌi eꞌāt pe watimoherep kuap ȳt mītꞌīn maꞌatꞌi hap.

Ieuwa tikyꞌesat watoꞌoꞌehay iraniaꞌīn wȳwo turān ahehay hampȳk ȳt katꞌi aheso hap wȳwo hap. (Sakaria 8:16, 17) Karāmpe ahehay aimikuap koꞌi wȳwo sio aiwyriaꞌīn pe hawyi morekuaria pe iꞌewȳte congregação piaria pe ȳt aheso hamoꞌi neig̃ wahenoi hamo iꞌatuepe ȳt pȳwo piatꞌi rakat. Mīt ȳt woꞌomaꞌatꞌi hat heso hamoꞌi mītꞌīn maꞌat hamo neig̃ seroꞌokꞌe hamo. (Etimowempāp o Porowepiu 24:28 hawyi Ewesu 4:28.) Karāmpe morekuaria tikyꞌesat mowȳro hap taꞌatupotpap upi miꞌi pote mīt woꞌomaꞌatꞌi hat hoꞌoknug̃ yne hamo iꞌatumientup ewy. (Humanu 13:5-7) Watoig̃neꞌen terān hampȳk kahato mītꞌīn pyꞌasetpe ȳt uwe pupiatꞌi aiwemunti hap wȳwo. — Epereu 13:18.

3. Kat pote asom waku ȳt woꞌomaꞌatꞌi haria wo watoig̃neꞌen.

Karāmpe ahehay pȳwo piat yn iꞌewȳte ȳt wahoꞌomaꞌatꞌi mītꞌīn miꞌi pote torānia iꞌatuehay sē kahato hamo ahetiat iꞌewȳte mītꞌīn timohey kahato hamo ahete wy. Miꞌi hap puo pyi congregação piaria toꞌomohey mohey kahato hamo iꞌewȳte wentup yat piaria ewy yn tukupteꞌen hamo. Iꞌewȳte aiwewanentup hawe waku kahato hamo wy. Ȳt woꞌomaꞌat hatnoꞌi watoig̃neꞌen pote Tupana Ehay montypot hap kahato watunug̃ miꞌi hap puo pyi mītꞌīn tikuap terān poꞌog̃ hamo Ieuwa etiat. — Titu 2:10.

EREWANENTUP O ETIKUAP POꞌOG̃ HAMO

Etikuap hamo wahoꞌomaꞌatꞌi hap upi aikotā̃ Ieuwa topyhuꞌat hap iꞌewȳte aikotā̃ me miꞌi hap aipowȳro kuap iꞌewȳte aikotā̃ hap koꞌi puo pyi watimoherep kuap ȳt wohoꞌomaꞌatꞌi hap.

4. Ȳt woꞌomaꞌatꞌi hat Ieuwa mowepīt

Eweimowempāp o Saumu 44:21 hawyi Epereu 4:13. Miꞌi hawyi apoꞌe hap koꞌi ete eiwoꞌoꞌehay.

Ewanentup hawe kat pote asom atiꞌog̃ka hamo uiminug̃ koꞌi Ieuwa kai watuꞌe kuapꞌi.
Ewanentup hawe aikotā̃ asom Ieuwa topyhuꞌat karāmpe niatpo pykai maꞌato watiꞌaira wahenoi pȳwo piat hap sio ahehay pȳwo piat hap pote.

Karāmpe mempytꞌīn henoi pȳwo piat miꞌi pote ȳwotꞌīn iꞌatuwepīt. Karāmpe ahehay pȳwo piat miꞌi pote Ieuwa iwepīt kahato.

5. Yne hap ete ȳt erepotmaꞌat reiꞌo

Mītꞌīn tipuenti poꞌog̃ waku niatpo turān ȳt taꞌatuhenoiꞌi pȳwo rakat watimaꞌat mītꞌīn aheso hap wȳwo poꞌog̃ waku iꞌatuꞌe. Kat pote asom yne hap ete ȳt wahoꞌomaꞌat terānꞌi. Ewetehaꞌat pyno VÍDEO kape.

VÍDEO: Kat hag̃ aimowepīt kuap. — Aiwewanentup waku puo hap (2:32)

Eweimowempāp o Epereu 13:18. Miꞌi hawyi eiwoꞌoꞌehay o kat hap ete ȳt wahoꞌomaꞌat kuapꞌi

Karāmpe aheꞌaito aheharyꞌi iꞌewȳte aimempytꞌīn wȳwo turān.
Karāmpe aipotpap hap tote iꞌewȳte escola pe turān.
Karāmpe iraniaꞌīn wȳwo turān.

6. Woꞌomaꞌat hatnoꞌi watoig̃neꞌen pote ahepe te hamo waku

Karāmpe pȳwo rakat yn wahenoi ȳt wahoꞌomaꞌatꞌi mītꞌin miꞌi pote putꞌokꞌe kuap niatpo hap maꞌato mōtꞌi hawyi miꞌi hap poꞌog̃ waku ahepe te. Eweimowempāp o Saumu 34:12-16. Miꞌi hawyi eiwoꞌoꞌehay o apoꞌe hap etiat.

Ehoꞌomaꞌat tueretoꞌi mītꞌīn pote aikotā̃ me asom miꞌi hap epowȳro kuap eꞌieig̃neꞌen hap waku poꞌog̃ hamo.

Seꞌaito seharyꞌi ȳt toꞌomaꞌatꞌi pote mōtꞌi kahato hamo iꞌatuwoꞌomenaru hap.
Ipotpap takaria ȳt hoꞌomaꞌatꞌi pote iꞌatuekaraiwaria timohey poꞌog̃ hamo iꞌatuete.
Morekuaria hawyi iraniaꞌīn tipuenti waku kahato mīt woꞌomaꞌatꞌi hat.

IRANIAꞌĪN TEꞌEROꞌE Asuwe waku neꞌi aheso heso mītꞌīn ikuap hamoꞌi iꞌatuꞌe.