WEMŪꞌE HAP 37

Kat e asom Tupana Ehay henoi motpap hap etiat iꞌewȳte dinheiro e hap etiat.

MIOWAT TUWESOꞌOWYNUG̃ HAMO

Erewanentup kahato raꞌyn epotpap hap katꞌi pote sio katꞌi dinheiro pote. Mīt ipotpap towyriaꞌīn eropat hamo iꞌewȳte toimontypot Ieuwa. Maꞌato asuwe niatpo typy rakat nug̃ hamo. Maꞌato Tupana Ehay piat woꞌonãpin hap koꞌi aipowȳro kuap kahato.

1. Kat e eig̃ Tupana Ehay henoi motpap hap etiat.

Tupana tikyꞌesat aipotpap hap ete aiwepīt hap. Tupana Ehay toꞌe waku aipotpap aipo wȳwo aimowepīt hap ete e. (Ekeresiasi 3:22) Ieuwa ti ipotpap kahato rakat. Miꞌi pote waku aito Ieuwa ewy ipotpap kahato rakaria wo watoig̃neꞌen wy. Miꞌi hap watunug̃ mote watimowepīt kahato hamo Ieuwa iꞌewȳte ahepe te hamo waku.

Waku kahato aipotpap aimiꞌu puenti hamo hap ete. Maꞌato kat hamoꞌi watiwāure aipotpap hap kai poꞌog̃ waku aipotpap Ieuwa montypot ete hap. (Iuwãu 6:27) Tomikyꞌesat ri nug̃ haria pe Ieuwa toꞌe — Atum aru ehepe eikosap hamuat e. Miꞌi pote watunug̃ Ieuwa mikyꞌesat ri pote tutum hamo aimikyꞌesat aikosap hamuat.

2. Kat e eig̃ Tupana Ehay henoi dinheiro etiat.

Tupana Ehay toꞌe dinheiro aipowȳro kahato e. (Ekeresiasi 7:11) Maꞌato Tupana Ehay henoi wy dinheiro kaipyi ynꞌi aiwepīt hap tūt kuap. Miꞌi pote Tupana Ehay ainãpin kat hamoꞌi watikyꞌesat kahato poꞌog̃ dinheiro koꞌi kat koꞌi kyiꞌat hamo maꞌato waku watuwehum Tupana kape imij̃um ahekareꞌen koꞌi sio iwato sio ȳt hap e. (Etimowempāp o Epereu 13:5.) Tupana e hap ewy watunug̃ mote aiꞌarōt hamoꞌi iꞌewȳte katꞌi uiat watoꞌe hamoꞌi. Asuwe watikyꞌesatꞌi pykai maꞌato watikyiꞌat kahato kareꞌen koꞌi aiweteweru sese hamo yn. Miꞌi hap watunug̃ hamoꞌi Tupana Ehay aipowyro wy. (Porowepiu 22:7) Iꞌewȳte aipowȳro watedinheiro punꞌi aposta koꞌi upi hamo iꞌewȳte ȳt toikyꞌesatꞌi aipotpap pykaiꞌi ahekat merep hap.

3. Aikotā̃ hap puo pyi asom aheg̃yiꞌat kuap ahedinheiro wȳwo.

Ieuwa heg̃yiꞌat kahato rakat. Wahaꞌag̃ Ieuwa karāmpe heg̃yiꞌat rakaria wo watukupteꞌen pote. (1 Timoteu 6:18) Miꞌi hap watimoherep karāmpe ahedinheiro watum congregação powȳro hamo iꞌewȳte mowȳro kyꞌesat haria watiꞌatupowȳro hap puo pyi maꞌato watiꞌatupowȳro poꞌog̃ Ieuwa montypot haria. Ieuwa tehaꞌatꞌi karānia watum ahedinheiro hap maꞌato tehaꞌat aipyꞌa pyi watum mote hap kape. Aipyꞌa pyi aheg̃yiꞌat pote aiwepīt kahato hamo iꞌewȳte watimowepīt hamo Ieuwa wy. — Etimowempāp o Iesui Potmūꞌeria 20:35.

EREWANENTUP O ETIKUAP POꞌOG̃ HAMO

Etikuap hamo kat pote waku poꞌog̃ watimontypot Ieuwa aipotpap hap koꞌi kai hap iꞌewȳte etikuap hamo ahekat iwato sio ȳtꞌi pykai watuwehum kuap hap.

4. Etimowato Ieuwa epotpap hap puo pyi

Aipotpap hap koꞌi puo pyi waku watimoherep kahato Ieuwa wyꞌok wo kahato watoig̃neꞌen hap. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.

VÍDEO: Epotpap o aikotā̃ Ieuwa pe hap ewy (4:39)

Vídeo puo pyi Jonas tunug̃ kahato wakuat koꞌi topotpap hap tote. Maꞌato kat hag̃ emuehaꞌat poꞌog̃ iminug̃.
Topotpap kahato pykai maꞌato kan Jonas tunug̃ topohepap Ieuwa montypot hap ete hamo.

Eweimowempāp o Korosi 3:23, 24. Miꞌi hawyi eiwoꞌoꞌehay o apoꞌe hap etiat.

Kat pote asom waku aipotpap kahato waku puo.

Waku kahato aipotpap aimiꞌu puenti hamo hap ete. Maꞌato waku poꞌog̃ aipotpap Ieuwa montypot hap ete.

5. Ahekat iwato sio ȳtꞌi pykai watuwehum kuap

Iraniaꞌīn mītꞌīn taꞌatuedinheiro kahato pykai maꞌato iꞌatupotpap poꞌog̃ taꞌatuedinheiro taꞌatuekareꞌen koꞌi hamo. Maꞌato Tupana Ehay ainãpin tuweupi miꞌi hap kai. Eweimowempāp o 1 Timoteu 6:6-8. Miꞌi hawyi eiwoꞌoꞌehay o apoꞌe hap etiat.

Kat nug̃ hamo asom Tupana Ehay ainãpin.

Ahekat hit pykai maꞌato aiwepīt sēse kuap. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.

VÍDEO: Aimiꞌu ahesokpe aikosap hamuat toig̃ pote waku raꞌyn (3:20)

Taꞌatuedinheiro iwatoꞌi pykai kat hag̃ aiwyriaꞌīn mowepīt.

Ahedinheiro kahato raꞌyn ahekat kahato raꞌyn pykai maꞌato watikyꞌesat poꞌog̃ miꞌi hap koꞌi. Miꞌi pote kan waku watunug̃. Iesui henoi haꞌag̃kap puo pyi aimitumo miꞌi hap etiat hap. Eweimowempāp o Iruka 12:15-21. Miꞌi hawyi eiwoꞌoꞌehay o apoꞌe hap etiat.

Iesui henoi haꞌag̃kap puo pyi. Kan miꞌi hap emūꞌe. — Erehaꞌat pakupꞌi pyno hag̃a hit 15.

Eweimowempāp o Porowepiu 10:22 hawyi 1 Timoteu 6:10. Eweimowempāp turān o ewetenentup kat pote teꞌeruweupi hap. Miꞌi hawyi apoꞌe hap koꞌi ete eiwoꞌoꞌehay.

Ewanentup hawe kat hag̃ poꞌog̃ waku epe. Ieuwa wyꞌok wo ereig̃neꞌen hap sio edinheiro ekat kahato hap. Kat pote miotā̃ ere.
Mīt tedinheiro tekat kahato pykai maꞌato toikyꞌesat poꞌog̃ pote kat hag̃ niatpo hap koꞌi tuwemoherep kuap iwȳwo.

6. Ieuwa wuatꞌi eꞌāt pe aheropat hamo

Ahedinheiroꞌi sio aipotpap hap ȳt watipuentiꞌite pote miꞌi turān watimoherep hamo watuwemohey sēse Ieuwa ete sio ȳtꞌi hap. Miꞌi turān kat asom waku watunug̃. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.

VÍDEO: Ieuwa wuatꞌi eꞌāt pe aheropat hamo (6:31)

Vídeo puo pyi kat hap koꞌi eig̃ putꞌokꞌe niatpo aiwy ete.
Miꞌi turān kat asom tutunug̃ niatpo hap koꞌi akit hamo.

Eweimowempāp o Mateu 6:25-34. Miꞌi hawyi eiwoꞌoꞌehay o apoꞌe hap etiat.

Kat e eig̃ Tupana Ehay henoi Ieuwa mikyꞌesat ri aira haria pe.

IRANIAꞌĪN TEꞌEROꞌE Waku arepotpap kahato uiwyriaꞌīn eropat hamo. Miꞌi pote areto kuap yneꞌi waꞌatunug̃ hap koꞌi kape iꞌatuꞌe.

Aikowan Tupana Ehay piat e hap epowȳro etipȳwo Ieuwa mikyꞌesat ri etiꞌaira pote eropat hamuat wuatꞌi eꞌāt pe hap.

WATUWEMŪꞌE RAꞌYN

Waku kahato aipotpap hap iꞌewȳte ahedinheiro hap. Maꞌato kat hamoꞌi watiwāure meig̃muewuat koꞌi kai poꞌog̃ waku aipotpap Ieuwa montypot ete hap.

Hotꞌokꞌe te asom

Epohepapꞌi kahato pykai maꞌato kat asom epowȳro kuap epohepap Ieuwa montypot tuereto hamo.
Kat pote asom waku ahekat iwatoꞌi sio kurin pykai waku raꞌyn watoꞌe.
Ieuwa toꞌe atiꞌatueropat aru uhemītꞌīn e. Miꞌi hap ete etimohey hap aikotā̃ me asom miꞌi hap etimoherep kuap.

Kat hap eꞌāt peig̃ eremūꞌe kahu mesūwat wemūꞌe hap.

Waku etunug̃

Epotpap kahato pote asom eretoꞌi poꞌog̃ waꞌatunug̃ hap kape Ieuwa montypot yat kape. Miꞌitā̃ pote waku erewanentup kat waku etunug̃ miꞌi hap etiꞌywyk hamo hap kape.

Etiwan kuap iraniaꞌīn eminug̃ wuat koꞌi terān

Iraniaꞌīn eminug̃ wuat koꞌi terān