WEMŪꞌE HAP 38
Ehewaku o Ieuwa eꞌieig̃neꞌen j̃um hap upi
Wakuat koꞌi watunug̃ kuap kahato aheig̃neꞌen turān. Aikotā̃ ahetiat niatpo kahato hap koꞌi pykai miꞌi turān aiwepīt kuap. Aikotā̃ me asom watimoherep kuap wahewaku kahato aheig̃neꞌen upi hap. Iꞌewȳte kat pote asom wahewaku terān aheig̃neꞌen hap upi.
1. Kat pote asom wahewaku terān aheig̃neꞌen hap upi.
Wahewaku terān aheig̃neꞌen hap upi kat pote aheig̃neꞌen hap aiꞌȳwot Ieuwa mij̃um. Tupana ainug̃ hat. Miꞌi pyhu hap kaipyi aimoieig̃neꞌen hap. (Io 33:4) Ikaipyi ti watoig̃neꞌen ikaipyi ahehaig̃te hap torānia ikaipywiat koꞌi. (Iesui Potmūꞌeria 17:25, 28) Mesūwat Tupana Ehay piat e hap timoherep Ieuwa tum yne ahepe aimoieig̃neꞌen kuap hamo. Maꞌato miꞌi hap ynꞌi tutum. Tutum poꞌog̃. Ieuwa tum yne aimowepīt hamo. — Etimowempāp o Iesui Potmūꞌeria 14:17.
2. Aikotā̃ me asom watimoherep kuap wahewaku Ieuwa aheig̃neꞌen j̃um hap upi hap.
Tupana montypot hat Tawi tohentup turān toꞌe — Ereꞌakasa yne ti uhaꞌawy uity ymyꞌẽpe te pykai e. (Saumu 139:15,16) Mesūwat aimūꞌe kahato ety ymyꞌẽpe te ereig̃neꞌen turān maꞌato Ieuwa tenentup taꞌyn ewowi. Eꞌieig̃neꞌen hap Ieuwa tikyꞌe kahato raꞌyn. (Etimowempāp o Mateu 10:29-31.) Ieuwa tikyꞌe kahato sehaig̃te hap. Miꞌi pote karāmpe mīt topotꞌauka sio tuweꞌauka miꞌi pote Ieuwa iꞌarōt kahato topyhuꞌat. (Esutu 20:13) a Iꞌewȳte karāmpe aiwyriaꞌīn ieig̃neꞌen hap watunug̃ ipoityꞌi pe iꞌewȳte aheig̃neꞌen hap ipoityꞌi pe watunug̃ mote Ieuwa iꞌarōt wy. Maꞌato karāmpe aimitumo aheig̃neꞌen hap wȳwo iꞌewȳte watiꞌatuwekawiano iraniaꞌīn ieig̃neꞌen hap miꞌi pote watimoherep wahewaku kahato Ieuwa mij̃um aheig̃neꞌen hap upi hap.
EREWANENTUP O ETIKUAP POꞌOG̃ HAMO
Etikuap hamo aikotā̃ hap koꞌi eminug̃ koꞌi puo pyi etimoherep kuap ehewaku Ieuwa mij̃um eꞌieig̃neꞌen hap upi hap.
3. Waku erepīt eropat ehaig̃te hamo
Aitoria Ieuwa montypot haria pote atum aru uheig̃neꞌen hap emikyꞌesat yn nug̃ hamo watoꞌe Ieuwa pe. Miꞌi hap watunug̃ aikotā̃ watum aipīt Ieuwa pe hap ewy. Eweimowempāp o Humanu 12:1, 2. Miꞌi hawyi apoꞌe hap koꞌi ete eiwoꞌoꞌehay.
-
Mesūwat puo pyi kat pote asom waku watepīt eropat ahehaig̃te hamo.
-
Aikotā̃ hap koꞌi puo pyi asom watepīt eropat kuap.
4. Ȳt etunug̃ neiꞌo eweig̃neꞌen hap iꞌewȳte iraniaꞌīn ieig̃neꞌen hap ipoityꞌi pe hap.
Tupana Ehay ainãpin ȳt watunug̃ꞌi aheig̃neꞌen hap ipoityꞌi pe iꞌewȳte iraniaꞌīn ieig̃neꞌen hamo. Ewetehaꞌat pyno VÍDEO kape hawyi etikuap hamo kan waku etunug̃ ȳt ipoityꞌi peꞌi eꞌieg̃neꞌen hap etunug̃ hamo iꞌewȳte iraniaꞌīn wat ȳt hamoꞌi wy.
Eweimowempāp o Porowepiu 22:3. Miꞌi hawyi eiwoꞌoꞌehay o aikotā̃ me en hawyi iraniaꞌīn ipoityꞌi peꞌi ewetunug̃ eheig̃neꞌen hamo
-
Karāmpe eꞌyat pe turān.
-
Karāmpe eipotpap hap tote turān.
-
Karāmpe ewetebola sio ewetemahara turān.
-
Karāmpe moto etimoewyry sio bicicleta yara puo turān.
5. Etimontypot o haryporia ymyꞌẽpe hirokat
Tawi henoi hirokat hit toty ymyꞌẽpe te pykai maꞌato Ieuwa tenentup kahato raꞌyn hirokat hit kape e. Eweimowempāp o Saumu 139:13-17. Miꞌi hawyi eiwoꞌoꞌehay o apoꞌe hap etiat.
-
Ewanentup hawe Ieuwa pe mīt ieig̃neꞌen hap tesaꞌawynug̃ saꞌawy karāmpe toty ymyꞌẽpe turān sio iꞌywaĩꞌĩ turān. Aikotā̃ etipuenti.
Nimo Isareu ywaniaria pe Ieuwa tum woꞌonãpin hap ny iꞌewȳte ny ymyꞌẽ piat hirokat hit kawiano hamo. Eweimowempāp o Esutu 21:22, 23 miwan hit piat. b Miꞌi hawyi apoꞌe hap koꞌi ete eiwoꞌoꞌehay.
-
Tuwepyiꞌi pykai mīt tiꞌauka hirokat ȳt iꞌywaĩꞌĩ ite rakat. Miꞌi pote aikotā̃ asom Ieuwa topyhuꞌat.
-
Maꞌato aikotā̃ asom Ieuwa topyhuꞌat karāmpe tuwepyi neꞌi mīt tiꞌauka hirokat ȳt iꞌywaĩꞌĩ ite rakat pote. c
-
Etikuap Tupana wanentup mesūwat e hap etiat hawyi aikotā̃ etipuenti. Kat pote miotā̃ ere.
Haryporia tikuap hirokat toug̃myꞌa piat mīt no raꞌyn toig̃neꞌen hap maꞌato niatpo hap putꞌokꞌe hawyi poꞌog̃ waku atiꞌauka hirokat e kuap tenentup. Eweimowempāp o Isaia 41:10. Miꞌi hawyi eiwoꞌoꞌehay o apoꞌe hap etiat.
-
Karāmpe haryporia pe etiꞌauka ro etiꞌauka ro eꞌymyꞌẽ piat hirokat iꞌatuꞌe pote uwe kape asom waku haryporia hentup kuap mowȳro hap. Kat pote asom.
IRANIAꞌĪN TEꞌEROꞌE Haryporia ete putꞌokꞌe niatpo hap pote toiꞌaira kuap toiꞌauka tomempyt toug̃myꞌa piat pote waku neꞌi iꞌatuꞌe.
-
Kat pote etipȳwo Ieuwa tikyꞌe raꞌyn haryporia ieig̃neꞌen hap iꞌewȳte houg̃myꞌa piat hirokat ieig̃neꞌen hap.
WATUWEMŪꞌE RAꞌYN
Aheig̃neꞌen j̃um hat Ieuwa. Mꞌi pote waku watikyꞌe aheig̃neꞌen hap watimontypot iꞌewȳte waku watikawiano aheig̃neꞌen hap iꞌewȳte iraniaꞌīn ieig̃neꞌen hap.
Hotꞌokꞌe te asom
-
Kat pote asom Ieuwa tikyꞌe aheig̃neꞌen hap.
-
Aikotā̃ asom Ieuwa topyhuꞌat karāmpe mīt tiꞌauka wentup mīt sio tuweꞌauka pote.
-
Kat pote asom ehewaku terān eꞌieig̃neꞌen hap upi.
ETIKUAP TERĀN POꞌOG̃ POTE
Aikotā̃ me asom watimoherep kuap wahewaku Ieuwa aheig̃neꞌen hap upi hap.
Haryporia tiꞌauka toug̃myꞌa piat hirokat tuwepyi neꞌi. Miꞌi pote Tupana tiwāure hamo asom iminug̃ saꞌag̃.
Kat e asom Tupana Ehay henoi hirokat hit ymyꞌẽpe auka hap etiat. (Site jw.org piat)
Karāmpe watiꞌaira watemahara turān aikotā̃ me asom Ieuwa woꞌonãpin hap aipowȳro kuap.
Watemahara koꞌi turān — Waku asom aheig̃neꞌen hap ipoityꞌi pe. (Despertai!, 8 de outubro de 2000)
Mīt tuwanentup tuweꞌauka hap kape pote aikotā̃ asom Tupana Ehay tipowȳro kuap.
Uikuꞌuro terān — Tupana Ehay asom uipowȳro kuap areꞌauka terān pote. (Site jw.org piat)
a Miwan hit. Ieuwa tikuap kat pote mīt tuweꞌauka terān tetiat toimohatyꞌu kahato hap. Miꞌi Ieuwa tipowȳro terān kahato. Ieuwa tenentup kahato ȳt iwepītꞌi rakaria kape iꞌarōt rakaria kape. (Saumu 34:18) Etikuap hamo aikotā̃ me Ieuwa tiꞌatupowȳro kuap weꞌauka terān haria hap etimowempāp o Etikuap terān poꞌog̃ pote hap tote popera Uikuꞌuro terān — Tupana Ehay asom uipowȳro kuap areꞌauka terān pote e hap.
b Miwan hit. Esutu 21:22, 23 TMN toꞌe ihaig̃niaꞌīn wuꞌuka turān wentup ok haryporia imempytꞌa rakat tohatek nug̃ pote hawyi imempyt hit raꞌyn ȳt heꞌātꞌi te pykai maꞌato haryporia hawyi houg̃myꞌa piat hirokat aikotā̃ seseꞌi iꞌatuetiat pykai maꞌato waku mīt tohaꞌup nug̃ eꞌaito pe morekuaria ehamo. Maꞌato haryporia ikuꞌuro pote sio houg̃myꞌa piat hirokat ikuꞌuro pote waku ikuꞌuro wy hatek nug̃ hat.
c Miwan hit. Haryporia tiꞌauka toug̃myꞌa piat hirokat hit tuwepyi neꞌi pote iꞌarōt. Karāmpeꞌi Tupana tiwāure hamo e kuapꞌi. Kat pote Ieuwa tiwāure kuap. Etikuap poꞌog̃ terān miꞌi hap etiat pote etimowempāp kuap Etikuap terān poꞌog̃ pote e hap kape. Kat e asom Tupana Ehay henoi hirokat hit ymyꞌẽpe auka hap etiat.
