WEMŪꞌE HAP 39
Aikotā̃ asom Ieuwa wanentup sū etiat hap.
Sū waku kahato. Aipīt pe katꞌi sū pote aikotā̃ me kuapꞌi watoig̃neꞌen. Tupana Ainug̃ Hat. Miꞌi pote tomikyꞌesat oktān ainãpin kuap sū hap etiat. Kat e asom tohenoi sū hap etiat. Sū asom aimiꞌu wo kuap aipohag̃ wo kuap hamo asom. Etiꞌaira weꞌeg̃ hap wȳwo hamo kat asom epowȳro kuap.
1. Aikotā̃ asom Ieuwa wanentup sū etiat hap.
Nimuaria temītꞌīn pe Ieuwa toꞌe — Yne moieig̃neꞌen hap ti hū pe toig̃neꞌen e. (Irewitiku 17:14) Ieuwa pe sū aikotā̃ sehaig̃te hap ewy. Miꞌi pote toikyꞌesat watimontypot sū hap aikotā̃ aheig̃neꞌen hap ewy.
2. Kat hap koꞌi asom Tupana ȳt tikyꞌesatꞌi watunug̃ sū wȳwo hap.
Nimo pyi ti raꞌyn Iesui ūt hap eꞌyj̃an mete Ieuwa toꞌe ti raꞌyn temītꞌīn me ȳt ewetuꞌu teiꞌo sū e. (Etimowempāp o Ienesi 9:4 hawyi Irewitiku 17:10.) Hawyi nimo te Iesui ūt hawyi Ieuwa henoi pakupꞌi Iesui mohey sēse haria pe. Miꞌi pote iꞌatupotyporia iꞌatunãpin — Hū wo ȳt ewetuꞌu teiꞌo iꞌatuꞌe. — Etimowempāp o Iesui Potmūꞌeria 15:28, 29.
Kat e terān haype asom miotā̃ e Tupana Ehay ȳt ehuꞌu teiꞌo sū e. Tohenoi asom watuꞌu miꞌu sū wȳwo hap etiat sese yn sio aimūꞌe terān poꞌog̃. Kotā̃ e hap. Mohag̃ nug̃ hat toꞌe epe — Ehaig̃te poꞌog̃ hamo ȳt eremahyꞌu poꞌog̃ e. Hawyi ȳt poꞌog̃ hamo ere. Maꞌato etopag̃ epīt pe veia puo pyi mahy. Miꞌi hap aikotā̃ eremahyꞌu hap ewy te. Miꞌi hap ewy Tupana woꞌonãpin ȳt ehuꞌu teꞌio sū e hap. Ȳt toikyꞌesat hinꞌi sū tēke aipīt pe hap neig̃ aimẽpuo hap iꞌewȳte ȳt toikyꞌesatꞌi miat sū okpun rakirẽꞌi watuꞌu hap. Iꞌewȳte ȳt aikotā̃ aikotā̃ me kuapꞌi tēke kuap sū aipīt pe.
Maꞌato watuwepohag̃ nug̃ kuap asom sū wȳwo. Miꞌi hap etiat Tupana woꞌonãpin hap henoi hawyi watikuap ȳt toikyꞌesatꞌi hap. Kotā̃ e hap. Asuwe taꞌatupag̃ yne sū piat koꞌi sū. Iraniaꞌīn sū piat koꞌi glóbulos vermelhos e hap sio glóbulos brancos e hap iꞌewȳte plaquetas e hap iꞌewȳte plasma e hap. Maꞌato asuwe watikuapꞌi Tupana Ehay henoiꞌi pote. Kotā̃ e hap. Sū piat koꞌi 4. Meig̃muewat sū piat 4 kaipyi mohag̃ nug̃ haria tihep kurin taꞌatunug̃ mohag̃ glóbulos vermelhos kawiat hamo glóbulos brancos kawiat hawyi plaquetas kawiat iꞌewȳte plasma kawiat hamo. Iꞌewȳte mīt ihaig̃te hamo hū taꞌatuhep hawyi taꞌatueraꞌaipok pakupꞌi ipīt kape. Miꞌi hap etiat waku aiwewi watiꞌaira. a — Humanu 14:12.
EREWANENTUP O ETIKUAP POꞌOG̃ HAMO
Etikuap hamo aikotā̃ rakat wo erepohag̃ nug̃ hamuat etiꞌaira hamuat hap.
3. Etiꞌaira o mohag̃ nug̃ hap Ieuwa mowepīt hap.
Ieuwa wanentup sū etiat hap watikuap taꞌyn. Maꞌato aikotā̃ me asom etiꞌaira kuap imikyꞌesat ewy hamo. Ewetehaꞌat pyno VÍDEO kape. Miꞌi hawyi eiwoꞌoꞌehay o kat pote waku etunug̃ woꞌonãpin hap ewy hap.
-
Ehentup o weꞌeg̃ hap Tupana kape. — Tiaku 1:5.
-
Waku etikatꞌi katꞌi woꞌonãpin Tupana Ehay piat hap hawyi etikuap hamo aikotā̃ me etunug̃ kuap iwoꞌonãpin ewy hap. — Porowepiu 13:16.
-
Waku etikuap kat mohag̃ nug̃ hap toig̃ aj̃umpe eweig̃neꞌen hap tote hap.
-
Waku etikuap aikotā̃ me kat mohag̃ nug̃ hap ȳt etikyꞌesat hinꞌi hap.
-
Waku etikuap emiꞌaira upi ewanentup poityꞌi hamuat topyhuat hap. — Iesui Potmūꞌeria 24:16. b
-
Waku hotꞌokꞌe ēte kat aira hamo ewanentup hap tiꞌaro sio ȳt pote maꞌato ȳt uweꞌi iꞌaira kuap eupi neig̃ eꞌaito neig̃ eharyꞌi neig̃ akag̃ koꞌi iꞌaira kuapꞌi eupi neig̃ Tupana Ehay etiat emūꞌe hat wy. — Humanu 14:12.
-
Waku etiwan popera pe emiꞌaira etiat iraniaꞌīn piat ikuap hamo.
4. Ieuwa Ehay Enoi Haria teꞌeruwepohag̃ nug̃ terān poꞌog̃ waku rakatno taꞌatuehaig̃te poꞌog̃ hamo
Watimontypot kuap Tupana woꞌonãpin sū etiat hap iꞌewȳte watipuenti kuap watuwepohag̃ nug̃ hap sū wȳwoꞌi ahehaig̃te hamo. Ewetehaꞌat pyno VÍDEO kape.
Eweimowempāp o Titu 3:2. Miꞌi hawyi eiwoꞌoꞌehay o apoꞌe hap etiat.
-
Kat pote asom ahehay mohag̃ nug̃ haria wȳwo turān waku ahehay perupꞌi popuo iꞌewȳte iꞌatumontypot hap wȳwo.
|
Ȳt watikyꞌesat hinꞌi aipīt pe taꞌatupag̃ |
Watiꞌaira kuap aipīt pe taꞌatupag̃ hamuat sio ȳtꞌi hap |
|---|---|
|
A. Plasma sēse |
Mipatꞌok miꞌapopynug̃ plasma kawiat koꞌi |
|
B. Glóbulos brancos sēse |
Mipatꞌok miꞌapopynug̃ glóbulos brancos kawiat koꞌi |
|
C. Plaquetas sēse |
Mipatꞌok miꞌapopynug̃ plaquetas kawiat koꞌi |
|
D. Glóbulos vermelhos sēse |
Mipatꞌok miꞌapopynug̃ glóbulos vermelhos kawiat koꞌi |
5. Sū mipatꞌok miꞌapopynug̃ waku ewewi etiꞌaira
Kat kawiat koꞌi asom aisū. Glóbulos vermelhos kawiat Glóbulos brancos kawiat Plaquetas iꞌewȳte Plasma kawiat. Meig̃muewat sū piat koꞌi wentup ehay yn pykai maꞌato taꞌatupatꞌok kuap toꞌowatꞌi hamo. Miꞌi pote meig̃mewuat set koꞌi mipatꞌok miꞌapopynug̃ e. Taꞌatupatꞌok hawyi taꞌatunug̃ mohag̃ koꞌi aimoehaig̃te poꞌog̃ hamo. c Iꞌewȳte iraniaꞌīn mohag̃ sū ti hawyi sū monik hamo.
Kat eꞌi Tupana Ehay henoi sū mipatꞌok koꞌi miꞌapopynug̃ hap etiat. Miꞌi pote waku watuwemūꞌe kahato ihay ete. Hawyi waku aiwewi watiꞌaira watikyꞌesat taꞌatupag̃ aipīt pe hamo sio ȳt hamo hap. Iraniaꞌīn tiꞌaira aimiꞌaira kai tuweupi hamo.
Etiꞌaira hap eꞌyj̃an mete waku erewanentup apoꞌe hap kape
-
Kat are aten ahenoi mohag̃ nug̃ hat pe kat pote atikyꞌesatꞌi taꞌatupag̃ uipīt pe hap sio kat pote atikyꞌesat hamo iraniaꞌīn sū mipatꞌok miꞌapopynug̃ taꞌatupag̃ uipīt pe hap.
IRANIAꞌĪN APOꞌIꞌATUꞌE POTE Kat pote ȳt eweikyꞌesatꞌi mohag̃ nug̃ haria topag̃ eipīt pe sū iꞌatuꞌe pote.
-
Kat ere aten etiꞌatuwesat.
WATUWEMŪꞌE RAꞌYN
Ieuwa tikyꞌesat aimiꞌaira koꞌi puo pyi watimontypot sū aikotā̃ aheig̃neꞌen hap ewy hap.
Hotꞌokꞌe te asom
-
Kat pote asom Ieuwa tikyꞌesat watimontypot sū aikotā̃ aheig̃neꞌen hap ewy hap.
-
Tupana woꞌonãpin ȳt toikyꞌesat watuꞌu hap sū e hap aikotā̃ ȳt toikyꞌesatꞌi watopag̃ sū aipīt hawiat pe ewy. Maꞌato aikotā̃ me asom miꞌi hap watikuap.
-
Ieuwa wanentup sū etiat hap watikuap taꞌyn. Maꞌato aikotā̃ me asom etiꞌaira kuap imikyꞌesat ewy hamo.
ETIKUAP TERĀN POꞌOG̃ POTE
Kat mohag̃ nug̃ haria tunug̃ kuap esū wȳwo hap etiat etiꞌaira hap eꞌyj̃an mete. Kat hap koꞌi kape asom waku erenentup.
Mowempāp haria apoꞌiꞌatuꞌe hap (A Sentinela, 15 de outubro de 2000)
Kat pote atikyꞌesatꞌi taꞌatupag̃ uipīt pe hap sio kat pote atikyꞌesat hamo iraniaꞌīn sū mipatꞌok miꞌapopynug̃ taꞌatupag̃ uipīt pe hap. Etiꞌaira hap eꞌyj̃an mete kat hap koꞌi kape asom waku erenentup.
Mowempāp haria apoꞌiꞌatuꞌe hap (A Sentinela, 15 de junho de 2004)
Kat hag̃ asom mohag̃ nug̃ hat powȳro toimohey Tupana woꞌonãpin sū etiat hamo.
Atipȳwo raꞌyn Tupana woꞌonãpin sū etiat hap (Despertai!, 8 de dezembro de 2003)
Comissão de Ligação e haria piat ipotpap takaria akag̃ koꞌi aiwyriaꞌīn powȳro kahato hospital pe.
a Miwan hit. Erehaꞌat kuap wemūꞌe hap 35 kape Kat hap koꞌi asom aipowȳro kuap poꞌog̃ waku rakat watiꞌaira hamo.
b Miwan hit. Erehaꞌat o sehay 5 piat kape Sū mipatꞌok miꞌapopynug̃ waku ewewi etiꞌaira e hap hawyi Etikuap poꞌog̃ hamo 3 Mohag̃ nug̃ sū wȳwo hap e hap kape wy.
c Miwan hit. Iraniaꞌīn mohag̃ nug̃ haria pe meig̃muewuat 4 rakat aikotā̃ ȳt sū sēse ewyꞌi maꞌato mipatꞌok miꞌapopynug̃ hap ewy. Maꞌato ahepe sū sēse miꞌi pote waku wahenoi kahato mohag̃ nug̃ haria pe ȳt watikyꞌesatꞌi meig̃muewuat 4 rakat sū taꞌatupag̃ yne aipīt pe hap neig̃ wentup tewoꞌi hap.
