WEMŪꞌE HAP 40
Aikotā̃ me asom Tupana wanentup hawe ikytsig̃ nakaria wo watoig̃neꞌen kuap.
Ny timomkahu tomempyt escola kape ito hamo. Miꞌi turān tehaꞌat ipitpit hesokpe sio ikamhig̃ sio waku neꞌi hap kuap hamo. Miꞌi hap puo pyi toimoherep ȳt toikyꞌesatꞌi tomempyt ahū hap iꞌewȳte toimoherep toteropat kahato tomempyt hap. Miꞌi hap ewy aiꞌȳwot Ieuwa ȳt toikyꞌesatꞌi aipitpit aiwanentup hawiat hap iꞌewȳte aipīt pe hap. Miꞌi hap waku kahato ahepe te hamo iꞌewȳte watimontypot Ieuwa hamo.
1. Kat hap koꞌi asom waku watunug̃ aipitpitꞌi hamo.
Ikytsig̃ nakaria wo o eweikupteꞌen e Ieuwa ahepe. (1 Peteru 1:16, TNM) Aikytsig̃ hamo waku ipitpitꞌi rakat ewy watoig̃neꞌen aipīt ete iꞌewȳte yne aiminug̃ koꞌi ete wy. Miꞌi hamo waku watuwei tuereto iꞌewȳte watikoho sokpe koꞌi wahywytip aiꞌyat iꞌewȳte watipitꞌok pitꞌok aheꞌyara sio watikoho. Iꞌewȳte watipowȳro kuap Ieuwa montypot yat ywytip hap ete. Karāmpe miꞌi hap koꞌi watunug̃ mote watimoherep Ieuwa watimontypot hap. — 2 Kurintiu 6:3, 4.
2. Kat hap koꞌi asom aipīt iꞌewȳte aiwanentup mohun kuap.
Tupana Ehay toꞌe — Ȳt nakuꞌi watuwat aipīt mikyꞌesat saꞌag̃ upi neꞌi. Waku watoꞌe Tupana pe — uiminug̃ saꞌag̃ koꞌi aikotā̃ uipīt ipitpit sēse hap ewy. Miꞌi hap ewy uiwanetup hap ipitpit kahato. (2 Kurintiu 7:1). Miꞌi pote ȳt watikyꞌesatꞌi aipīt mompitpit hap neig̃ aiwanentup mohun hap. Watikyꞌesat aiwanentup hap Ieuwa mowepīt hap. Miꞌi pote aiwanentup saꞌag̃ hap putꞌokꞌe pote watiꞌywyk terān meremo aiwanentup saꞌag̃ hap pya aikai hamo. (Saumu 19:14) Iꞌewȳte ȳt watikyꞌesatꞌi ahehay hap koꞌi ipitpit hap ewy neꞌi. — Etimowempāp o Korosi 3:8.
Maꞌato kat hap koꞌi poꞌog̃ asom aipīt mohun kuap iꞌewȳte aiwanentup mohun kuap. Suhu sapy hap iꞌewȳte suhuhit sapy hap. Miꞌi pote meig̃muewuat koꞌi ȳt wahapy terānꞌi. Hapyꞌi hap upi ahehaig̃te poꞌog̃ hamo iꞌewȳte watimoherep aheig̃neꞌen hap watimontypot hap. Iꞌewȳte kat hap koꞌi asom ȳt nakuꞌi watunug̃ aiwanentup hap mohun hamoꞌi. Waku watiꞌakit masturbação a e hap iꞌewȳte waꞌakasa iaꞌag̃kap vídeo ȳt sokpe puoꞌi rakat koꞌi kape hap iꞌewȳte iaꞌag̃kap vídeo sewaire etiat waꞌakasa hap kape hap. (Saumu 119:37; Ewesu 5:5) Meig̃muewuat ȳt nakuatꞌi aiwanentup saꞌag̃ hap akit hamo niatpo kahato maꞌato Ieuwa aipowȳro kuap. — Etimowempāp o Isaia 41:13.
EREWANENTUP O ETIKUAP POꞌOG̃ HAMO
Etikuap hamo kat pote watimontypot Ieuwa hap watimoherep karāmpe ȳt aipitpitꞌi hap puo pyi hap iꞌewȳte etikuap hamo aikotā̃ me watoiat kuap seko saꞌag̃ aipīt mohun hap iꞌewȳte aiwanentup mohun hap.
3. Aipitpitꞌi hap Ieuwa montypot.
Karāmpe watimowempāp Ieuwa woꞌonãpin Isareu ywania piat hap hawyi miꞌi hap puo pyi watikuap Ieuwa ȳt tikyꞌesatꞌi temītꞌīn ipitpit rakaria wo hap. Eweimowempāp o Esutu 19:10 hawyi 30:17-19. Miꞌi hawyi apoꞌe hap koꞌi ete eiwoꞌoꞌehay.
-
Mesūwat aimimowempāp koꞌi puo pyi aikotā̃ me asom watikuap Ieuwa tikyꞌesat wateropat hap.
-
Kat hap koꞌi asom waku etunug̃ tuereto wuatꞌi eꞌāt pe ereropat hamo.
Asuwe kat kat neꞌi watunug̃ miꞌi pote neig̃ watuweropat. Aipohepapꞌi pykai maꞌato watuweropat kuap. Aj̃umpe neꞌi watoig̃neꞌen sio ahekat kahato sio ȳtꞌi pykai maꞌato waku watuweropat. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Kat pote asom wahenoi Tupana Ehay etiat turān waku watuweropat iꞌewȳte ahekat koꞌi wateropat.
4. Etiꞌakit o eko saꞌag̃ koꞌi
Ieuwa aipowȳro kuap aheko saꞌag̃ watoiat hamo.
Eresuhu sapy pote sio ehapy suhuhit pote etikuap aikotā̃ niatpo kahato miꞌi hap koꞌi atoiat hamo niatpo kahato hap. Maꞌato kat asom epowȳro kuap. Waku erenentup meig̃muewuat emisapy koꞌi emosoꞌopot kahato kuap hap kape. Eweimowempāp o Mateu 22:37-39. Miꞌi hawyi eiwoꞌoꞌehay o apoꞌe hap koꞌi etiat. Mīt hapy suhu sio suhuhit pote
-
Mīt Ieuwa wyꞌok wo kuap te asom toig̃neꞌen. Kat pote miotā̃ ere.
-
Aikotā̃ me asom miꞌi hap iwyriaꞌīn moꞌarōt mosoꞌopot kuap.
Kat hap koꞌi kape asom waku mīt tuwanentup suhu sio suhuhit sapy hap atoiat hamo. b Ewetehaꞌat pyno VÍDEO kape.
Eweimowempāp o 1 Kurintiu 10:13. Miꞌi hawyi eiwoꞌoꞌehay o apoꞌe hap etiat.
-
Mīt tuwepokuap tohentup tuereto Ieuwa kape tuwemūꞌe Tupana Ehay ete iꞌewȳte toto tuereto waꞌatunug̃ hap koꞌi kape. Miꞌi hap koꞌi aikotā̃ me asom mīt powȳro kuap toiaꞌag̃ hap koꞌi akit hamo.
5. Etiꞌywoporo o ewanentup saꞌag̃ koꞌi hap iꞌewȳte eminug̃ saꞌag̃ koꞌi ywyk hap ete
Eweimowempāp o Korosi 3:5. Miꞌi hawyi apoꞌe hap koꞌi ete eiwoꞌoꞌehay.
-
Mīt tehaꞌat iaꞌag̃kap vídeo sewaire hap kape sio mīt tipoꞌoro celular puo pyi toiaꞌag̃kap sokpe puoꞌi hap sio masturbação e hap. Aikotā̃ me asom watikuap meig̃muewuat hap koꞌi Ieuwa wanentup hawe ipitpit kahato hap ewy.
-
Aikotā̃ etipuenti aiwanentup hap koꞌi aiminug̃ asom ikytsig̃ kuap aikotā̃ Ieuwa mikyꞌesat ewy.
Etikuap hamo aikotā̃ me etiꞌakit kuap ewanentup hawiat saꞌag̃ ȳt nakuatꞌi koꞌi hap. Ewetehaꞌat pyno VÍDEO kape.
Haꞌag̃kap puo pyi Iesui henoi kat pote waku watiꞌaira ȳt watenentupꞌi aiwanentup saꞌag̃ ȳt nakuatꞌi aipyꞌa kapiat hap. Eweimowempāp o Mateu 5:29, 30. Miꞌi hawyi eiwoꞌoꞌehay o apoꞌe hap etiat.
-
Iesui henoi aheha hawyi aipo sēse hawiat peꞌi maꞌato aipowȳro kat watunug̃ hamuat hap ete. Kat hap koꞌi asom waku mīt tunug̃ towanentup saꞌag̃ ȳt nakuatꞌi hap koꞌi ywyk hamo. c
Etoiat terān eko saꞌag̃ meig̃muewuat saꞌag̃ hap etiat erehaꞌat hap sio ewanentup saꞌag̃ hawiat hap etiꞌywyk terān pote Ieuwa iwepīt kahato hamo topyhuꞌat ewȳwo. Eweimowempāp o Saumu 103:13, 14. Miꞌi hawyi eiwoꞌoꞌehay o apoꞌe hap etiat.
-
Niatpo kahato ewanentup saꞌag̃ ȳt nakuatꞌi hap akit hamo pote aikotā̃ me asom mesūwat epowȳro kuap etiꞌywoporo ewanentup saꞌag̃ hap ywyk hamo.
Ȳt epohep teiꞌo
Karāmpe mīt tunug̃ pakupꞌi tominug̃ saꞌag̃ miꞌi pote tuwanentup kuap karāmpeꞌi atimontypot kuap Ieuwa hamo e. Waku poꞌog̃ uipohep imontypot hap ete e. Erewanentup pyno kotā̃ e hap kape. Sepūt hat mīt ihyha kahato maꞌato iunteꞌen taꞌat. Maꞌato ȳt ipohepꞌi. Topoĩꞌam hawyi punꞌe pakupꞌi. Miꞌi hap ewy etunug̃ pakupꞌi eminug̃ saꞌag̃ koꞌi pote etiꞌywyk kuap te miꞌi hap koꞌi kat pote watekoꞌywyk terān pote. Maꞌato kat hamoꞌi etunug̃ saꞌag̃ pakupꞌi pote epohep. Ieuwa epowȳro kuap ewanentup saꞌag̃ ȳt nakuatꞌi hap koꞌi akit hamo.
IRANIAꞌĪN TEꞌEROꞌE Arepokuap taꞌyn uheko saꞌag̃ wȳwo iꞌatuꞌe. Ȳt atiꞌakit kuapꞌi iꞌatuꞌe pote.
-
Aikowan Tupana Ehay piat e hap etimoherep kuap etiꞌatupowȳro Ieuwa iꞌatupowȳro pote taꞌatuꞌakit kuap taꞌatueko saꞌag̃ hamo hap.
WATUWEMŪꞌE RAꞌYN
Karāmpe aipīt aiwanentup hap iꞌewȳte aiminug̃ koꞌi ȳt watipitpitꞌi pote watimowepīt kahato Ieuwa.
Hotꞌokꞌe te asom
-
Kat pote asom waku yne hap ete ȳt aipitpitꞌi.
-
Kat hap koꞌi asom waku etunug̃ kuap ȳt epitpitꞌi hamo.
-
Kat hap koꞌi asom waku etunug̃ eminug̃ koꞌi iꞌewȳte ewanentup hap koꞌi mohunꞌi hamo.
ETIKUAP TERĀN POꞌOG̃ POTE
Kat hap koꞌi asom waku etunug̃ ereropat hamo edinheiro kahato pykaiꞌi.
Etikuap hamo kat koꞌi epowȳro kuap suhuhit sapy hap etoiat hamo.
Aikotā̃ me asom etiꞌakit kuap suhu sapy hap. (Despertai!, maio de 2010)
Mīt tehaꞌat sewaire hap iaꞌag̃kap puo pyi sio vídeo puo pyi miꞌi pote kat asom tuwemoherep kuap.
Wentup ok ihaig̃nia mōtꞌi kahato turān tehaꞌat iaꞌag̃kap sewaire hap vídeo kape maꞌato niatpo pykai totoiat teko saꞌag̃. Aikotā̃ me asom.
a Miwan hit. Masturbação e hap karāmpe ihaig̃nia teꞌahit ahit sio haryporia tuwemaꞌat tesiꞌa ete tuwemoꞌyt hamo hap.
b Miwan hit. Etikuap terān poꞌog̃ pote erehaꞌat o popera Aikotā̃ me asom etiꞌakit kuap suhu sapy hap.
c Miwan hit. Etikuap hamo aikotā̃ etiꞌakit kuap eko saꞌag̃ masturbaç̃ao e hap waku erehaꞌat Como posso vencer o mau hábito da masturbação? e hap popera Os Jovens Perguntam — Respostas Práticas e hap pe Volume 1 capítulo 25 tote.
