WEMŪꞌE HAP 45
Kat hap koꞌi puo pyi asom watimoherep kuap watiꞌaira Ieuwa yn Aiporekuat sēse hap.
Iesui henoi uipotmūꞌeria ȳt taꞌatunug̃ꞌi mesūwat yi totiat seko saꞌag̃ koꞌi ewy e. (Iuwãu 17:16) Maꞌato kat e terān haype asom miotā̃ e. Aimūꞌe terān Iesui mohey sēse haria taꞌatuꞌaira Ieuwa yn taꞌatuporekuatno sēse hamo. Miꞌi pote ȳt teꞌeruwenug̃ terānꞌi morekuaria wo neig̃ teꞌeruwat morekuaria upi iꞌewȳte ȳt teꞌeruwatꞌi wuꞌuka hap kape. Maꞌato watunug̃ Iesui e hap ewy hamo niatpo. Moꞌopuo iraniaꞌīn ȳt iꞌatuweseꞌi ahete. Miꞌitā̃ pykai maꞌato aikotā̃ meig̃ watimoherep kuap watiꞌaira Ieuwa yn Aiporekuatno sēse hamo hap.
1. Aikotā̃ Iesui mohey sēse haria tipuenti mesūwat yi totiaria morekuaria etiat.
Iesui mohey sēse haria taꞌatumontypot morekuaria. Miꞌi pote watunug̃ Iesui e hap ewy hawyi watum morekuat wato pe iwatnuat koꞌi saꞌup. Miꞌi pote watihaymontypot morekuaria woꞌonãpin hap koꞌi hawyi wahaꞌupnug̃. (Maku 12:17) Tupana Ehay aimūꞌe mesūwat yi tote hoꞌokup morekuaria kat pote Ieuwa tiꞌatuꞌaro pote yn. (Humanu 13:1, TNM) Miꞌi pote watiꞌatumontypot. Maꞌato watikuap Ieuwa yn yne mesuwarotiat morekuatno toig̃neꞌen hap poꞌog̃ torānia morekuaria kai hap. Iꞌewȳte Ieuwa hawyi tomiꞌaira Morekuat yn taꞌatumomã kuap saꞌag̃ koꞌi wȳwo hap.
2. Kat hap koꞌi puo pyi asom watimoherep kuap watiꞌaira Ieuwa yn Aiporekuat sēse hamo.
Iesui ewy ȳt watuwenug̃ꞌi morekuaria wo neig̃ wato morekuaria upi. Karāmpe mītꞌīn teꞌerehaꞌat Iesui minug̃ ȳt uweꞌi minug̃ ewywuatꞌi rakat kape hawyi taꞌatuporekuatno terān naꞌyn taꞌatunug̃ Iesui maꞌato Iesui ȳt tikyꞌesatꞌi. (Iuwãu 6:15) Kat pote asom. Iesui toꞌe — Morekuat kahato areig̃neꞌen wen maꞌato ȳt mesuwarotiaria ewyꞌi e. (Iuwãu 18:36) Iesui mohey sēse haria aito pote aikotā̃ aikotā̃ me neꞌi watimoherep watiꞌaira Ieuwa yn aiporekuatno hamo hap. Kotā̃ e hap. Ȳt wato hamoꞌi wuꞌuka hap kape. (Etimowempāp o Mikeia 4:3.) Iꞌewȳte neig̃ ahehay saꞌag̃ morekuat etiat hamo neig̃ wato morekuat upi. Watipuenti waku kahato ahetawa aj̃umpe watukupteꞌen hap tote maꞌato iꞌatuebandeira koꞌi ȳt watimontypotꞌi. (1 Kurintiu 10:14) Miꞌi hap koꞌi puo pyi watimoherep Ieuwa yn watiꞌaira Aiporekuatno sēse hap.
EREWANENTUP O ETIKUAP POꞌOG̃ HAMO
Etikuap hamo karāmpe niatpo kahato kuap etimoherep etiꞌaira raꞌyn Ieuwa yn eporekuatno hamo hap iꞌewȳte aikotā̃ me etimowepīt kuap Ieuwa emiꞌaira koꞌi puo pyi hap.
3. Iesui mohey sēse haria ȳt taꞌatunug̃ꞌi mesuwarotiaria seko saꞌag̃ koꞌi ewy
Iesui hawyi ipotmūꞌeria taꞌatuꞌaira Ieuwa yn taꞌatuporekuatno hap miꞌi pote taꞌatunug̃ꞌi mesuwarotiaria seko saꞌag̃ koꞌi ewy. Waku wahaꞌag̃ miꞌiria. Eweimowempāp o Humanu 13:1 (TNM), 5-7 hawyi 1 Peteru 2:13, 14. Miꞌi hawyi ewetehaꞌat pyno VÍDEO kape hawyi apoꞌe hap koꞌi ete eiwoꞌoꞌehay.
-
Kat pote asom waku watimontypot mesuwarotiaria morekuaria.
-
Aikotā̃ hap koꞌi puo pyi asom watiꞌatumontypot kuap.
Wuꞌuka hap turān irania ywania koꞌi teꞌeroꞌe — Ȳt uwe upiꞌi areto uwe etiatꞌi uhehay saꞌag̃ hamo iꞌatuꞌe. Miotā̃ iꞌatuꞌe pykai teꞌeruwat mekewat wuꞌuka haria upi. Miꞌi turān kat asom Iesui mohey sēse haria tunug̃. Eweimowempāp o Iuwãu 17:16. Miꞌi hawyi ewetehaꞌat pyno VÍDEO kape hawyi eiwoꞌoꞌehay o apoꞌe hap etiat.
-
Aikotā̃ hap koꞌi puo pyi asom watimoherep watiꞌaira Ieuwa yn Aiporekuat sēse wo hap iꞌewȳte ȳt watunug̃ꞌi mesuwarotiaria seko saꞌag̃ koꞌi ewy hap.
Karāmpe morekuaria aipoꞌoro ȳt Tupana mikyꞌesat ewywuatꞌi nug̃ hamo pote kat asom waku watunug̃. Eweimowempāp o Iesui Potmūꞌeria 5:28, 29 hawyi ewetehaꞌat pyno VÍDEO kape miꞌi hawyi apoꞌe hap koꞌi ete eiwoꞌoꞌehay.
-
Morekuaria aipoꞌoro ȳt Tupana mikyꞌesat ewywuatꞌi watunug̃ hamo pote uwe aru watimontypot hamo.
-
Ewanentup hawe kat hap koꞌi nug̃ hamo morekuaria aipoꞌoro pote ȳt watihaymontypot hamoꞌi.
4. Waku aiminug̃ aiwanentup hap koꞌi teꞌeruweupi kahato mesuwarotiaria seko saꞌag̃ nug̃ haria kai
Eweimowempāp o 1 Kurintiu 10:14 hawyi ewetehaꞌat pyno VÍDEO kape miꞌi hawyi apoꞌe hap koꞌi ete eiwoꞌoꞌehay.
-
Vídeo piat ihaig̃nia tiꞌaira ȳt totoꞌi morekuaria upi hap neig̃ toimontypot bandeira hap. Kat pote asom.
-
Erewanentup hawe imiꞌaira waku rakat sio ȳtꞌi. Kat pote miotā̃ ere.
Karāmpe poꞌog̃ asom niatpo watimoherep watiꞌaira Ieuwa yn Aiporekuat sēse wo hamo hap. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Karāmpe aiꞌywania piaria teꞌerebola irania ywania wȳwo turān aikotā̃ me asom watimoherep kuap aiweupi mesuwarotiaria seko saꞌag̃ koꞌi nug̃ haria kai hap.
-
Karāmpe morekuaria minug̃ koꞌi puo pyi aipowȳro pote sio aimosoꞌopot pote aikotā̃ me asom watimoherep kuap aiweupi mesuwarotiaria seko saꞌag̃ koꞌi nug̃ haria kai hap.
-
Asuwe internet pe televisão pe mītꞌīn iꞌatuehay kahato morekuaria minug̃ etiat iꞌewȳte aiwyriāꞌīn henoi kahato wy. Watenentup kahato iꞌatuehay hap kape pote aikotā̃ me asom miꞌi hap puo pyi iꞌatuꞌewy wo watoig̃neꞌen kuap.
Karāmpe asom waku Iesui mohey sēse haria timoherep taꞌatuminug̃ taꞌatuwanentup hap koꞌi teꞌeruweupi kahato mesuwarotiaria seko saꞌag̃ nug̃ haria koꞌi kai hap.
IRANIAꞌĪN APOꞌIꞌATUꞌE POTE Kat pote ȳt eweiwatꞌi morekuaria upi iꞌatuꞌe pote.
-
Kat ere aten etiꞌatuwesat.
WATUWEMŪꞌE RAꞌYN
Taꞌatuminug̃ taꞌatumienoi iꞌewȳte taꞌatuwanentup hap koꞌi puo pyi Iesui mohey sēse haria timoherep Ieuwa yn taꞌatuꞌaira taꞌatuporekuat sēse wo hap iꞌewȳte teꞌeruweupi mesuwarotiaria seko saꞌag̃ nug̃ haria kai hap.
Hotꞌokꞌe te asom
-
Kat hap koꞌi asom waku watum morekuaria pe.
-
Kat pote asom waku aiweupi mesuwarotiaria seko saꞌag̃ nug̃ haria kai.
-
Karāmpe poꞌog̃ asom niatpo watimoherep watiꞌaira Ieuwa yn Aiporekuat sēse wo hamo hap.
ETIKUAP TERĀN POꞌOG̃ POTE
Kat hap koꞌi asom watunug̃ kuap ahete niatpo ȳt watoꞌi morekuaria upi pote.
Kat hap koꞌi asom seꞌaito seharyꞌi mempytꞌīn tunug̃ kuap seko saꞌag̃ hap ete haꞌag̃ hap koꞌi putꞌokꞌiꞌatuꞌe hap eꞌyj̃an mete.
Atipuenti atimontypot uiꞌywania uhetupana wo poꞌog̃ waku torānia kai iꞌatuꞌe iraniaꞌīn maꞌato miꞌitā̃ asom.
Aikotā̃ me asom etimoherep kuap eweupi mesuwarotiaria seko saꞌag̃ nug̃ haria kai hap motpap hap koꞌi aira hap ete turān.
Aimiꞌaira hap koꞌi ete waku watiꞌaira aiwewi (A Sentinela, 15 de março de 2006)
