WEMŪꞌE HAP 46
Kat pote asom waku etum eꞌieg̃nen hap Ieuwa pe iꞌewȳte eresetꞌok.
Aimiꞌaira poꞌog̃ waku rakat poꞌog̃ torānia kawiat aheig̃neꞌen j̃um Ieuwa pe hap. Watum aheig̃neꞌen hap Ieuwa pe hentup hap puo pyi moromontypot terān en yn wuatꞌi eꞌāt pe iꞌewȳte atunug̃ nerān emikyꞌesat koꞌi poꞌog̃ uimikyꞌesat koꞌi kai watuꞌe. (Saumu 40:8) Miꞌi hawyi watuwesetꞌok. Woꞌosetꞌok hap puo pyi watimoherep mītꞌīn me watum naꞌyn aheig̃neꞌen hap Ieuwa pe hap. Miꞌi hap mīt tiꞌaira pote tekoꞌywyk kahato hamo iꞌewȳte tuweupi hamo. Maꞌato kat pote asom mīt tiꞌaira terān tutum toweig̃neꞌen hap Ieuwa pe imikyꞌesat nug̃ hamo.
1. Kat pote asom watum terān aheig̃neꞌen hap Ieuwa mikyꞌesat nug̃ hamo.
Watum terān aheig̃neꞌen hap Ieuwa pe kat pote watikyꞌe kahato Ieuwa. (1 Iuwãu 4:10, 19) Tupana Ehay toꞌe — Eweikyꞌe kahato Tupana Ieuwa yne yne eipyꞌa pe yne yne eipaꞌãu wo hawyi yne yne eiwanentup hawe iꞌewȳte yne ehesaika wo e. (Maku 12:30) Watimoherep watikyꞌe sēse Tupana hap aimienoi koꞌi puo pyi ynꞌi maꞌato aiminug̃ koꞌi puo pyi wy. Kotā̃ e hap. Haryporia hawyi ihaig̃nia toꞌokyꞌe sēse pote taꞌatuꞌaira teꞌeremenaru sēse hamo hap. Miꞌi hap ewy watikyꞌe kahato Ieuwa pote watiꞌaira watum aheig̃neꞌen hap imikyꞌesat nug̃ hamo iꞌewȳte watuwesetꞌok hamo wy.
2. Aikotā̃ aikotā̃ hap koꞌi Ieuwa epoitȳro hamo eresetꞌok hawyi.
Karāmpe eresetꞌok hawyi mesūwat yi oktān Ieuwa Ehay Enoi Haria wyriaꞌīn sēse wo raꞌyn ereig̃neꞌen aikotā̃ wentup yn piaria ewy hamo raꞌyn. Miꞌi hawyi etikuap poꞌog̃ poꞌog̃ hamo Ieuwa piat ekyꞌe sēse hap iꞌewȳte iwyꞌok wo poꞌog̃ hamo ereig̃neꞌen. (Etimowempāp o Marakia 3:16-18.) Ieuwa eꞌȳwot sēse wo toig̃neꞌen hamo iꞌewȳte mesūwat yi oktān Ieuwa Ehay Enoi Haria ekyꞌe kahato hamo iꞌewȳte taꞌatukyꞌe kahato Ieuwa hawyi uheinyt uikywyt uity uiꞌȳwot iꞌatuꞌe toꞌope toꞌokyꞌe kahato haype. (Etimowempāp o Maku 10:29, 30.) Maꞌato eresetꞌok hap eꞌyj̃an mete waku etikuap Ieuwa etiat hawyi etikyꞌe iꞌewȳte etimohey haꞌyru ete. Miꞌi hawyi yn waku etum eꞌieig̃neꞌen hap Ieuwa pe. Miꞌi hap koꞌi etunug̃ hawyi eresetꞌok pote ereig̃neꞌen kuap wuatꞌi eꞌāt pe hamuat. Tupana Ehay toꞌe — Korā̃ woꞌosetꞌok hap ahehakyeraꞌat kuap wy. — 1 Peteru 3:21, TNM.
EREWANENTUP O ETIKUAP POꞌOG̃ HAMO
Etikuap hamo kat pote waku kahato hamo etum eꞌieig̃neꞌen hap Ieuwa pe imikyꞌesat nug̃ hamo hawyi eresetꞌok hap.
3. Waku watiꞌaira uwe sēse watimontypot aheTupana sēse wo hamo hap
Nimo Isareu ywaniaria teꞌeruwanentup hawe waku neꞌi typy Tupana uruimontypot iꞌatuꞌe. Miꞌi pote taꞌatumontypot Ieuwa hawyi tupana saꞌag̃ Paꞌau e hap. Maꞌato Ieuwa henoi tehay moherep hat Eria e hap puo pyi taꞌatuꞌaparap kahato e. Eweimowempāp o 1 Morekuaria 18:21. Miꞌi hawyi eiwoꞌoꞌehay o apoꞌe hap etiat.
-
Kat hap asom waku Isareu ywania tiꞌaira.
Aikotā̃ Isareu ywaniaria ewy waku watiꞌaira uwe sēse watimontypot aheTupana sēse wo hamuat hap. Eweimowempāp o Iruka 16:13. Miꞌi hawyi apoꞌe hap koꞌi ete eiwoꞌoꞌehay.
-
Iraniaꞌīn teꞌeruwanentup hawe waku neꞌi atimontypot uheTupana wo Ieuwa iꞌewȳte iraniaꞌīn wy iꞌatuꞌe. Maꞌato miꞌi hap ȳt aikotā̃ me kuap pykaiꞌi. Kat pote asom.
-
Kat asom waku watunug̃ Ieuwa pe watimoherep miꞌi yn watiꞌaira ahetupana sēse wo watimontypot hamo hap.
4. Erewanentup o Ieuwa piat ekyꞌe kahato hap kape
Aikyꞌe kahato hap koꞌi wȳwo kat koꞌi kat koꞌi neꞌi Ieuwa tum ahepe. Kat koꞌi asom watum kuap hepe. Ewetehaꞌat pyno VÍDEO kape.
Kat hap koꞌi puo pyig̃ Ieuwa timoherep ekyꞌe kahato hap. Eweimowempāp o Saumu 104:14, 15 hawyi 1 Iuwãu 4:9, 10. Miꞌi hawyi apoꞌe hap koꞌi ete eiwoꞌoꞌehay.
-
Toig̃ kahato Ieuwa mij̃um epiat hap koꞌi maꞌato aikotā̃ rakat etipuenti poꞌog̃ waku.
-
Karāmpe erenentup meig̃muewuat Ieuwa mij̃um epiat hap koꞌi kape hawyi kat hap asom etimoherep terān Ieuwa pe.
Karāmpe ewyꞌok tum emiꞌutui ewȳwuat kahato rakat sio imij̃um emikyꞌesat ewȳwuat kahato rakat pote hawyi aikotā̃ aten erepyhuꞌat. Ewepīt kahato hamo hawyi ehewaku terān hamo ewyꞌok imij̃um upi. Eweimowempāp o 1 Koronika 29:14. Miꞌi hawyi eiwoꞌoꞌehay o apoꞌe hap etiat.
-
Toig̃ kahato Ieuwa mij̃um epiat hap koꞌi. Miꞌi hap kape erenentup hawyi etimoherep terān apo ehewaku Ieuwa hap. Kat hap asom etum terān Ieuwa pe.
5. Etum eꞌieig̃neꞌen hap Ieuwa pe pote Ieuwa epoitȳro kahato hamo
Iraniaꞌīn teꞌeroꞌe torānia mītꞌīn mikuap wo areig̃neꞌen pote iꞌewȳte uipotpap hap kaipyi uhedinheiro kahato iꞌewȳte hekat kahato rakatno areig̃neꞌen pote uiwepīt sēse hamo iꞌatuꞌe. Maꞌato pȳwo asom. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Vídeo piat ihaig̃nia tipuenti waku kahato topotpap bola petek hap etiat. Maꞌato kat pote asom mōtꞌi hawyi toiꞌaira ȳt topotpapꞌi poꞌog̃ bola petek hap etiat hap.
-
Ȳt toiꞌairaꞌi topotpap bola petek hap ete hap. Maꞌato toiꞌaira tutum toweig̃neꞌen hap Ieuwa mikyꞌesat nug̃ hamo. Ewanentup hawe toiꞌaira waku poꞌog̃ rakat asom sio ȳtꞌi. Kat pote miotā̃ ere.
Iesui mohey hatno toig̃neꞌen ite turān Pauru tuwemūꞌe kahato kat kat popera koꞌi ete. Toikuap kahato Iuteuria ywania woꞌonãpin hap koꞌi iꞌewȳte hepuruwei torānia mītꞌīn mikuap. Miꞌi pote toikyꞌesat pote Pauru hekat kahato toig̃neꞌen kuap. Maꞌato miꞌi hap koꞌi Pauru tikyꞌesatꞌi poꞌog̃ Iesui mohey hatno toig̃neꞌen hawyi. Miꞌi hap upi asom paa e kahato. Eweimowempāp o Wiripu 3:8. Miꞌi hawyi apoꞌe hap koꞌi ete eiwoꞌoꞌehay.
-
Pauru henoi saꞌawyꞌi wuat uiwanentup hap atipun yne raꞌyn aikotā̃ watipun iun aiꞌyat pyi hap ewy e. Kat pote asom miotā̃ e.
-
Kat asom toipuenti poꞌog̃ wakuat wuatꞌi kawiat rakat.
-
Ewanentup hawe etiꞌaira etimontypot Ieuwa hap pote ereig̃neꞌen waku poꞌog̃ hamo sio ȳtꞌi. Kat pote miotā̃ ere.
Iesui mohey hatno Pauru toig̃neꞌen hawyi tomipuenti koꞌi poꞌog̃ waku tomiꞌatoiat koꞌi kai.
IRANIAꞌĪN TEꞌEROꞌE Atikuap Ieuwa Ehay Enoi Haria religião pȳwo sēse rakat hap maꞌato waku ite aresetꞌok hamo iꞌatuꞌe.
-
Miotā̃ ere erewanentup wy. Kat pote miotā̃ ere.
WATUWEMŪꞌE RAꞌYN
Watikyꞌe kahato Ieuwa pote watiꞌaira watum aheig̃neꞌen hap imikyꞌesat nug̃ hamo iꞌewȳte watuwesetꞌok hamo hap.
Hotꞌokꞌe te asom
-
Kat pote asom Ieuwa yn waku watikyꞌe yne aipyꞌa pyi iꞌewȳte watimontypot aheTupana sēse wo.
-
Mīt tuwesetꞌok hawyi aikotā̃ aikotā̃ hap koꞌi Ieuwa ipoitȳro hamo.
-
En apo etum terān eꞌieig̃neꞌen hap Ieuwa mikyꞌesat nug̃ hamo.
ETIKUAP TERĀN POꞌOG̃ POTE
Tuwepȳ kahato rakat haryporia hawyi tebola kahato rakat ihaig̃nia taꞌatuꞌaira taꞌatuj̃um taꞌatuꞌieig̃neꞌen hap Ieuwa mikyꞌesat nug̃ hamo. Miꞌi hap etiat ewetehaꞌat pyno vídeo kape.
Etikuap hamo kat pote waku watum aheig̃neꞌen hap Tupana pe hap.
Mīt tum toweig̃neꞌen hap Ieuwa mikyꞌesat nug̃ hamo miꞌi hawyi iwepīt sēse toig̃neꞌen. Miꞌi hap etiat erehaꞌat wepȳ hap vídeo kape.
Haryporia tenentup kahato kat asom poꞌog̃ waku rakat e hap kape. Miꞌi hap etiat etimowempāp miwan Kat hamo asom watoig̃neꞌen apoꞌare e hap.
