Uito waku raꞌyn asom.
Waku raꞌyn asom ahenoi Tupana Ehay etiat congregação piaria wȳwo.
Eresetꞌok hap eꞌyj̃an mete ereig̃neꞌen kuap publicador wo
Karāmpe eremūꞌe Tupana Ehay ete hawyi ehentup Tupana kape iꞌewȳte ereto waꞌatunug̃ hap koꞌi kape pote.
Karāmpe etikyꞌe Tupana Ehay piat pȳwuat e hap koꞌi hawyi yne epyꞌa pyi etimohey kahato iꞌewȳte ehenoi Tupana Ehay ete iraniaꞌīn pe pote.
Karāmpe etikyꞌe Ieuwa iꞌewȳte etiꞌatuꞌaira ewyꞌokria wo Ieuwa kyꞌe haria pote wy.
Karāmpe ȳt eretoꞌi poꞌog̃ religião ȳt pȳwo piatꞌi rakat upi pote iꞌewȳte ȳt eretoꞌi poꞌog̃ morekuaria upi pote.
Karāmpe ereig̃neꞌen Ieuwa mikyꞌesat nug̃ hat pote iꞌewȳte epyꞌa pyi Ieuwa Ehay Enoi Hat wo ereig̃neꞌen terān pote wy.
Waku raꞌyn ahenoi Tupana Ehay etiat congregação piaria wȳwo ere pote emūꞌe hat henoi hamo akag̃ koꞌi pe hawyi teꞌeruwaꞌatunug̃ toꞌoꞌehay hamo waku raꞌyn sio ȳtꞌi kuap hamo.
Waku raꞌyn asom aresetꞌok.
Eresetꞌok kuap hamo
Karāmpe publicador wo raꞌyn ereig̃neꞌen pote.
Karāmpe ehenoi raꞌyn Tupana Ehay etiat congregação piaria wȳwo tuereto pote aikotā̃ epohepap koꞌi hap ewy.
Karāmpe etimontypot Ieuwa Ehay Enoi Haria Potyporia mienoi koꞌi iꞌewȳte iꞌatuwoꞌonãpin hap koꞌi pote. — Mateu 24:45-47.
Karāmpe ewewi etum eig̃neꞌen hap Ieuwa mikyꞌesat nug̃ wuatꞌi eꞌāt piat hamo ehentup hap puo pyi pote.
Waku raꞌyn aresetꞌok hamo ere pote emūꞌe hat henoi hamo akag̃ koꞌi pe hawyi teꞌeruwaꞌatunug̃ toꞌoꞌehay hamo waku raꞌyn sio ȳtꞌi kuap hamo.
