WEMŪꞌE HAP 48

Weꞌeg̃ hap wȳwo o etiꞌaira ewyꞌokria wo.

MIOWAT TUWESOꞌOWYNUG̃ HAMO

Waku kahato watewyꞌinug̃ aiwyꞌokria wȳwo hap iꞌewȳte sēse waku aiwyꞌokria aipowȳro ahetiat niatpo turān hap. Maꞌato Tupana Ehay henoi torāniaꞌi waku aiwyꞌokria wo mītꞌīn e. Pyno aikotā̃ me asom etiꞌaira kuap ewyꞌokria wo waku rakaria hamo. Erenentup o typy apoꞌe hap kape.

1. Aikotā̃ me asom ewyꞌokria epowȳro iꞌewȳte emoꞌakag̃ꞌia kuap.

Karāmpe ahehay kahato aiwyꞌokria wȳwo internet puo pyi sio aiwyꞌokria wȳwo kahato watoig̃neꞌen hawyi iꞌatuewy watoig̃neꞌen. Waku rakat mīt aiwyꞌok pote waku hamo maꞌato ȳtꞌi rakat pote ȳt hamoꞌi. Aikotā̃ Tupana Ehay henoi ti raꞌyn hap ewy Uwe hewyry iweꞌeg̃ nakaria wȳwo miꞌi hat wyti iweꞌeg̃ nakatno toig̃neꞌen. Maꞌato uwe hewyry ȳt nakuariaꞌi wȳwo miꞌi hat wyti toig̃neꞌen ȳt nakuatꞌi wo neꞌi. (Porowepiu 13:20) Erewyꞌinug̃ Ieuwa kyꞌe haria iꞌewȳte imontypot haria wȳwo pote epowȳro hamo Ieuwa wyꞌok wo poꞌog̃ ereig̃neꞌen hamo iꞌewȳte waku rakat aira hamo. Maꞌato aiwyꞌokria ȳt Ieuwa kyꞌeꞌi haria pote aikotā̃ me kuapꞌi aipowȳro Ieuwa montypot hap ete. Miꞌi pote Tupana Ehay ainãpin aipowȳro waku rakaria aiwyꞌokria wo watiꞌatuꞌaira hamo. Karāmpe aiwyꞌokria Tupana kyꞌe haria miꞌi pote waku kahato kat pote watoꞌomoesaika iꞌewȳte watoꞌomowepīt hamo. — 1 Tesaronika 5:11.

2. Aikotā̃ asom Ieuwa topyhuꞌat emiꞌaira ewyꞌokria hap upi.

Ieuwa tiꞌatuꞌaira uwe towyꞌokria wo hamo hap. Mītꞌīn hampȳk takaria ti Tupana tiꞌatuerohik towyriaꞌīn sēseria wo. (Porowepiu 3:32) Aikotā̃ asom Ieuwa topyhuꞌat watiꞌaira aiwyꞌokria wo ȳt ikyꞌeꞌi haria pote. Miꞌitā̃ mote Ieuwa iꞌarōt kahato topyhuꞌat. (Etimowempāp o Tiaku 4:4.) Watewyꞌinug̃ꞌi saꞌag̃ nug̃ haria wȳwo maꞌato watewyꞌinug̃ Ieuwa kyꞌe haria wȳwo miꞌi pote iwepīt kahato hamo topyhuꞌat iꞌewȳte aiꞌaira hamo towyꞌok wo watoig̃neꞌen hamo. — Saumu 15:1-4.

EREWANENTUP O ETIKUAP POꞌOG̃ HAMO

Etikuap hamo kat pote waku watiꞌatuꞌaira waku rakaria aiwyꞌokria wo hap. Etikuap hamo wy aikotā̃ me watewyꞌinug̃ kuap wakuaria wȳwo hap.

3. Emitumo o ȳt nakuatꞌi nug̃ haria wȳwo

Mītꞌīn Tupana ȳt kyꞌeꞌi haria wȳwo iꞌewȳte ȳt iwoꞌonãpin nug̃ haria wȳwoꞌi ȳt nakuꞌi watewyꞌinug̃. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.

VÍDEO: Erewyꞌinug̃ teiꞌo ȳt nakuariaꞌi wȳwo (6:17)

Asuwe waure wo pyi neꞌi watewyꞌinug̃ maꞌato kat pote asom waku aimitumo.

Eweimowempāp o 1 Kurintiu 15:33 (TNM). Miꞌi hawyi eiwoꞌoꞌehay o apoꞌe hap etiat.

1 Kurintiu 15:33 miotā̃ e — Ȳt eiwemaꞌat reiꞌo. Ewyꞌokria ȳt waku rakatꞌi pote aru eimorem eimoꞌakag̃ꞌia hamo e. Aikotā̃ rakaria asom ȳt nakuꞌi ewyꞌokria wo. Kat pote asom.

Eweimowempāp o Saumu 119:63. Miꞌi hawyi eiwoꞌoꞌehay o apoꞌe hap etiat.

Aikotā̃ rakaria asom waku ewyꞌokria wo.

Maçã koꞌi toꞌowȳwo hawyi wentup iꞌapyp pote torānia iꞌatuꞌapyp hamo. Miꞌi hap ewy aiwyꞌok ȳt nakuꞌi rakat nug̃ hat pote aimoꞌakag̃ꞌia hamo.

4. Teꞌeruweupi kuap aiwyꞌokria

Tupana Ehay henoi Isareu ywania piat typy ok ihaig̃niaꞌīn etiat Ionatã iꞌewȳte Tawi etiat. Ionatã ti morekuat saꞌyru iꞌewȳte ipōro poꞌog̃ Tawi kai maꞌato toꞌowyꞌok kahato tukupteꞌen. Eweimowempāp o 1 Samueu 18:1. Miꞌi hawyi eiwoꞌoꞌehay o apoꞌe hap etiat.

Waku asom aiwyꞌokria wo nag̃nia yn sio ipakuptiaria yn sio hekat kahato rakaria yn sio hekatꞌi rakaria yn. Kat pote asom waku watewyꞌinug̃ yne kuap.

Eweimowempāp o Humanu 1:11, 12. Miꞌi hawyi eiwoꞌoꞌehay o apoꞌe hap etiat.

Aikotā̃ hap puo pyi asom aiwyriaꞌīn Ieuwa kyꞌe haria wȳwo watoꞌomoesaika moesaika kuap.

Ewetehaꞌat pyno VÍDEO kape eweikuap Akil etiat hamo. Tuwewyꞌinug̃ ipakup takaria wȳwo iꞌewȳte nag̃nia wȳwo. Miꞌi hawyi apoꞌe hap koꞌi ete eiwoꞌoꞌehay.

VÍDEO: Ehoꞌopuenti kuap ewyꞌokria wo (5:06)

Vídeo piat Akil tuwewyꞌinug̃ te escola piaria wȳwo. Miꞌi pote kat pote asom iꞌȳwot hawyi ity teꞌerenentup kahato hewowi.
Kat pote asom Akil tuwewyꞌinug̃ terānꞌi poꞌog̃ te escola piaria wȳwo.
Akil henoi — Uiweran kahato areig̃neꞌen e. Maꞌato kat asom tutunug̃ ȳt tuweranꞌi poꞌog̃ hamo.