Ieuwa tum waku kahato rakat ahepe. Ahehay kuap hap. Miꞌi pote ahehay hap koꞌi puo pyi asom watimowepīt hawyi watimoꞌarōt kuap Ieuwa. Miꞌitā̃. (Etimowempāp o Tiaku 1:26.) Maꞌato aikotā̃ me asom ahehay hap iꞌewȳte aiminug̃ hap koꞌi puo pyi watimowepīt kuap Ieuwa.

1. Kat hamo asom Tupana tikyꞌesat ahehay hap.

Tupana Ehay toꞌe — Waku watoꞌomoesaika watoꞌomowepīt e. (1 Tesaronika 5:11) Erewanentup hawe uwe asom etimoesaika kuap. Kat asom waku etunug̃ mīt mowepīt hamo. Waku mīt tikuap erenentup kahato tewowiat hap. Iꞌewȳte ehehay sē kahato kuap iwat wakuat koꞌi hap etiat hap. Iꞌewȳte etimoesaika kuap mīt Tupana Ehay puo pyi. Aikotā̃ asom miꞌi hap etunug̃ kuap. Etiꞌaira kuap Tupana Ehay piat e hap imoesaika hamo. Maꞌato waku hotꞌokꞌe ehay mīt wȳwo epyꞌahak hap wȳwo pote etimoesaika hamoꞌi miꞌi pote waku poꞌog̃ ehay perupꞌi popuo. —  Porowepiu 15:1.

2. Aikotā̃ rakat koꞌi sehay asom ȳt nakuꞌi tuwentem aiwẽ pyi.

Tupana Ehay toꞌe — Ȳt tuwentem teiꞌo eiwẽ pyi nem nakat ewy e. (Etimowempāp o Ewesu 4:29, TNM.) Miꞌi hap aimūꞌe ȳt nakuꞌi ahehay saꞌag̃ mītꞌīn mohit hamo hap neig̃ iꞌatumoꞌarōt hamo hap. Iꞌewȳte ȳt nakuꞌi aheso heso neig̃ wahenoi henoi kahato iraniaꞌīn etiat hap. —  Etimowempāp o Porowepiu 16:28.

3. Kat hap koꞌi asom aipowȳro kuap ahehay mītꞌīn moesaika hamo.

Aimienoi hap koꞌi puo pyi watimoherep aiwanentup hawiat hap iꞌewȳte aipyꞌa piat koꞌi hap. Maꞌato niatpo kahato watuwanentup waku rakat koꞌi kape yn hamo hap. (Iruka 6:45) Miꞌi pote waku watiꞌywoporo wakuat kape yn watuwanentup hap pȳwuat e hap kape hampȳk hap kape iꞌewȳte iwese rakat hap kape. Miꞌi hap koꞌi kape waku watuwanentup aat kaꞌap. (Wiripu 4:8) Miꞌi pote waku aimitumo kahato aiwemahara hap koꞌi wȳwo iꞌewȳte aiwyꞌokria aira hap ete. (Porowepiu 13:20) Iꞌewȳte waku watuwanentup ahehay hap eꞌyj̃an mete kat pote ahehay hap puo pyi watimowepīt sio watimoꞌarōt kuap mīt. Tupana Ehay toꞌe — Pyno uwe ihay kahato tuwekaipyi miꞌi wyti toig̃neꞌen aikotā̃ kyseꞌyp ãpy ewywuat. Maꞌato iweꞌeg̃ nakat ehay wyti aikotā̃ aimog̃ kuap kahato rakat mohag̃ ewy. —  Porowepiu 12:18.

 EREWANENTUP O ETIKUAP POꞌOG̃ HAMO

4. Emitumo o ehay hap wȳwo

Asuwe kat watuꞌe kat watuꞌe neꞌi ahehay wo maꞌato watuwanentup hawyi kat hamoꞌi miotā̃ are watoꞌe aiwanentup hawe. (Tiaku 3:2) Eweimowempāp o Karasia 5:22, 23. Miꞌi hawyi eiwoꞌoꞌehay o apoꞌe hap etiat.

• Mesūwat aimimowempāp pe tohenoi kahato wakuat koꞌi hap etiat aipowȳro watuwewaĩ ahehay hap ete hamo. Aikowan wakuat ehentup terān Ieuwa kape etimoherep hamo. Aikotā̃ me asom meig̃muewuat wakuat koꞌi epowȳro kuap.

1 Kurintiu 15:33, TNM miotā̃ e — Ȳt eiwemaꞌat reiꞌo. Ewyꞌokria ȳt waku rakatꞌi pote aru eimorem eimoꞌakag̃ꞌia hamo e. Korā̃ eiwoꞌoꞌehay o apoꞌe hap etiat.

• Ahehay hap ete aikotā̃ hap koꞌi puo pyi asom aiwyꞌokria iꞌewȳte aimiꞌaira wemahara hap etiat aipowȳro kuap.

Ekeresiasi 3:1, 7, TNM miotā̃ e — Yne hap ete toig̃ eꞌāt. Asuwe waku aiponik hap eꞌāt iꞌewȳte asuwe ahehay hap eꞌāt e. Korā̃ eiwoꞌoꞌehay o apoꞌe hap etiat.

• Karāmpe turān asom waku aiponik kat watuꞌeꞌi ahehay hamo iꞌewȳte wahekatup ahehay hamo hap.

 5. Ehay sē kahato o iraniaꞌīn etiat

6. Perupꞌi popuo o ehay emempytꞌīn eꞌaito eharyꞌi wȳwo

 WATUWEMŪꞌE RAꞌYN

Ahehay hap koꞌi puo pyi watimoesaika watimoꞌarōt kuap mītꞌīn. Miꞌi pote waku aimitumo kat awatuꞌe terān hap etiat iꞌewȳte karāmpe ahehay hap iꞌewȳte aikotā̃ me ahehay kuap hap etiat.

Hotꞌokꞌe te asom

• Aikotā̃ hap koꞌi puo pyi asom etipowȳro kuap mītꞌīn ehay hap koꞌi puo pyi.

• Aikotā̃ rakat sehay asom ȳt ehuꞌat terānꞌi.

• Kat asom aipowȳro kuap wuatꞌi eꞌāt pe woꞌowese hap wȳwo iꞌewȳte watiꞌatumoesaika iraniaꞌīn ahehay hap koꞌi wȳwo hamo.