WEMŪꞌE HAP 53
Aikotā̃ meig̃ etiꞌaira kuap weꞌeg̃ hap wȳwo eremowepīt wemahara hap koꞌi puo pyi hap.
Tupana Ieuwa iwepīt kahato rakat. (1 Timoteu 1:11, TNM) Toikyꞌesat aiwepīt kahato hap iꞌewȳte kat koꞌi kat koꞌi waku rakat watunug̃ aheig̃neꞌen te turān hap. Iꞌewȳte toipuenti waku kahato karāmpe watuwemohy tuereto hap. Mesūwat wemūꞌe hap puo pyi watikuap hamo aikotā̃ me kat koꞌi kat koꞌi waku rakat watunug̃ aimowepīt hamo aipohepap turān hap maꞌato Ieuwa mowepīt hap wȳwo hap.
1. Watuwemowepīt hap aira hap eꞌyj̃an mete kat hap kape asom waku watuwanentup.
Kat hap koꞌi asom etipuenti waku kahato eremowepīt hamo hap. Iraniaꞌīn tipuenti waku kahato popera mowempāp hap teꞌerenentup wepȳ hap kape hap teꞌerehaꞌat filme iꞌewȳte internet pe hap. Maꞌato iraniaꞌīn tipuenti waku poꞌog̃ iꞌatuewyry hap teꞌeruweꞌyha sio teꞌeremahara iraniaꞌīn taꞌatuwyꞌokria wȳwo hap. Aikotā̃ aikotā̃ rakat neꞌi watiꞌaira kuap aimowepīt hamo hap maꞌato waku watiꞌaira Tupana mikyꞌesat ewy imowepīt hamuat hap. (Ewesu 5:10) Miꞌi pote waku watikuap kahato kat Ieuwa mowepīt koꞌi hap kat pote mītꞌīn tiꞌaira teꞌeruwemowepīt hamo hap teꞌerehaꞌat Ieuwa weukaꞌi hap koꞌi hap kape wuꞌuka hap sewaire hap iꞌewȳte paig̃niria ahiag̃niaria minug̃ saꞌag̃ ikuꞌuro rakaria etiat iꞌewȳte iraniaꞌīn saꞌag̃ koꞌi etiat hap. (Etimowempāp o Saumu 11:5.) Kat asom aipowȳro kuap watiꞌaira poꞌog̃ waku rakat hamo.
Karāmpe watiꞌaira aiwyꞌokria Ieuwa kyꞌe haria pote miꞌiria aipowȳro poꞌog̃ waku rakat aira hamo. Wemūꞌe hap 48 puo pyi watikuap taꞌyn uwe hewyry iweꞌeg̃ nakaria wȳwo miꞌi hap wyti iweꞌeg̃ nakatno toig̃neꞌen. Maꞌato watuwehik kahato Ieuwa kyꞌe haria wȳwoꞌi pote waku hamoꞌi ahepe te. — Porowepiu 13:20.
2. Kat pote asom waku aimitumo kahato mōtꞌi watuwemahara kahato hap ete.
Watiꞌaira aiwemahara hap sio aiwaꞌakasa hamuat koꞌi ȳt Ieuwa moꞌarōt hapꞌi pykai maꞌato waku aimitumo watuwemahara mōtꞌi hamoꞌi iꞌewȳte neig̃ wataꞌakasa mōtꞌi hamoꞌi hap ete. Aimitumoꞌi pote aipohepap hamoꞌi poꞌog̃ waku rakat koꞌi nug̃ hap ete. Tupana Ehay ainãpin waku aiweꞌeg̃ aipohepap poꞌog̃ waku nug̃ hap ete hamo e. — Etimowempāp o Ewesu 5:15, 16, TNM.
EREWANENTUP O ETIKUAP POꞌOG̃ HAMO
Etikuap hamo aikotā̃ me etiꞌaira kuap weꞌeg̃ hap wȳwo eremowepīt wemahara hap koꞌi puo pyi hap.
3. Pya o ereig̃neꞌen Ieuwa moꞌarōt hap koꞌi kai
Kat pote asom waku weꞌeg̃ hap wȳwo watiꞌaira aimowepīt wemahara hap koꞌi etiat hamo hap. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Aikotā̃ nimuaria Roma piaria wemahara wuꞌuka wuꞌuka hap ewy te asom korā̃ wuat wemahara hap koꞌi.
-
Vídeo puo pyi kat hap asom Daniel tikuap wemahara hap etiat.
Eweimowempāp o Humanu 12:9. Miꞌi hawyi eiwoꞌoꞌehay o apoꞌe hap etiat.
-
Mesūwat puo pyi aikotã me asom epowȳro kuap etiꞌaira waku rakat wemahara hap etiat hamo hap ete.
Aikotā̃ hap koꞌi ete asom Ieuwa tuweukaꞌi kahato. Eweimowempāp o Porowepiu 6:16, 17 hawyi Karasia 5:19-21. Wentup tewoꞌi eweimowempāp kahu hawyi eiwoꞌoꞌehay o apoꞌe hap etiat.
-
Mesūwat puo pyi aikotā̃ hap koꞌi asom korā̃ wuaria mītꞌīn tiꞌaira teꞌerehaꞌat sio teꞌeremahara hamo.
Aikotā̃ me asom etiꞌaira kuap weꞌeg̃ hap wȳwo wemahara etiat hap.
Erewanentup o
-
Tohenoi hamo asom Ieuwa weukaꞌi ȳt imikyꞌesatꞌi koꞌi hap etiat.
-
Mōtꞌi kahato pote uipohepap te hamo asom poꞌog̃ waku rakat koꞌi nug̃ hap ete hamo.
-
Uimiꞌaira hap puo pyi asom arehik poꞌog̃ hamo Ieuwa kyꞌe haria wȳwo.
Poꞌog̃ waku pya watoig̃neꞌen ipoityꞌi hap koꞌi kai. Miꞌi hap ewy watikuap kahatoꞌi wemahara hap etiat sio waku sio ȳtꞌi hap pote. Miꞌi pote waku poꞌog̃ pya watoig̃neꞌen miꞌi hap kai.
4. Weꞌeg̃ hap wȳwo o epohepap turān kat koꞌi kat koꞌi etunug̃
Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Aiwy vídeo piat ȳt tehaꞌatꞌi Ieuwa moꞌarōtꞌi hap koꞌi kape. Maꞌato kat hap koꞌi wȳwo asom ȳt tomitumoꞌi iꞌewȳte kat hap asom ȳt tutunug̃ꞌi poꞌog̃.
Eweimowempāp o Wiripu 1:10. Miꞌi hawyi eiwoꞌoꞌehay o apoꞌe hap etiat.
-
Watiꞌaira watemahara hamuat hap pote aikotā̃ me asom mesūwat aipowȳro kuap aipohepap waku pe hamo neꞌi hamo.
5. Waku rakat o etiꞌaira weꞌeg̃ hap wȳwo eremowepīt hamo hap
Pȳwo. Hoꞌokup kahato irania wemahara hap koꞌi Ieuwa moꞌarōt hap koꞌi. Maꞌato hoꞌokup kahato wy wakuat koꞌi watunug̃ watuwemahara watuwemowepīt hamo hap. Eweimowempāp o Ekeresiasi 8:15 hawyi Wiripu 4:8. Miꞌi hawyi eiwoꞌoꞌehay o apoꞌe hap etiat.
-
Kat hap koꞌi asom etipuenti waku kahato eremowepīt hamo sio eremahara hamo hap.
Hoꞌokup kahato wakuat koꞌi watunug̃ watuwemowepīt hawyi watuwemahara hamo hap
IRANIAꞌĪN TEꞌEROꞌE Waku neꞌi arehaꞌat filme popera hawyi wepȳ hap saꞌag̃ koꞌi wȳwuat hap iꞌewȳte paig̃niaria minug̃ saꞌag̃ sewaire wuꞌuka hap koꞌi etiat. Atunug̃ꞌi iꞌatuewy tupono waku neꞌi iꞌatuꞌe.
-
Kat ere aten miotā̃ e haria pe.
WATUWEMŪꞌE RAꞌYN
Ieuwa tikyꞌesat aimiꞌaira aiwemahara etiat hap puo pyi aimowepīt hap iꞌewȳte waku rakat ahepiatno hamuat hap ete.
Hotꞌokꞌe te asom
-
Aikotā̃ rakat wemahara hap koꞌi wȳwo Iesui mohey sēse haria ȳt nakuꞌi teꞌeruwemowepīt.
-
Waku aimitumo kahato mōtꞌi watuwemahara kahato hap ete. Kat pote asom waku aimitumo.
-
Kat pote eremowepīt hamo etiꞌaira terān wemahara hap koꞌi Ieuwa mowepīt rakat yn hamo hap.
ETIKUAP TERĀN POꞌOG̃ POTE
Etikuap hamo uwe asom iꞌaira kuap eupi ewemahara hap koꞌi etiat hamo hap.
Etikuap hamo aikotā̃ me etiꞌaira kuap weꞌeg̃ hap wȳwo eremowepīt hamuat hap.
Waku rakat asom etiꞌaira eremowepīt eremahara hap etiat. (A Sentinela, 15 de outubro de 2011)
Etikuap hamo kat pote wentup ok ihaig̃nia tiꞌywyk tomiꞌaira filme wepȳ hap koꞌi etiat hap etimowempāp o popera Atiꞌakit uiweukaꞌi ikytsig̃ nakaria etiat e hap.
Etikuap hamo kat pote wentup ok ny tiꞌywyk weꞌeg̃ hap wȳwo filme koꞌi saꞌag̃ mīt sū u etiat hap.
Pya o ereig̃neꞌen filme ȳt nakuatꞌi ahiag̃niaria minug̃ saꞌag̃ koꞌi kai hap ete (2:02)
