WEMŪꞌE HAP 55
Ehoꞌopowȳro o econgregação piaria
Mesūwat yi oktān typyꞌi kahato imontypot Ieuwa taꞌatuecongregacão koꞌi pe. Miꞌiria hewaku kahato Ieuwa piat taꞌatumūꞌe hap upi iꞌewȳte taꞌatupowȳro terān taꞌatuecongregação piaria. En apo miꞌitā̃ wy econgregação piaria upi.
1. Aikotā̃ hap puo pyi asom etipowȳro kuap congregação piaria esaika hap wȳwo epohepap turān.
Torānia aitoria watiꞌatupowȳro kuap ahecongregação piaria. Kotā̃ e hap. Etiꞌatuereto kuap asom ipōro rakaria waꞌatunug̃ hap koꞌi kape sio mowȳro kyꞌesat haria. Etiꞌatupowȳro kuap asom miꞌu kyiꞌat hap ete iꞌatuꞌyat pitꞌok pitꞌok hap ete sio kat koꞌi kat koꞌi nug̃ hap ete. (Etimowempāp o Tiaku 1:27.) Watipowȳro kuap wy Ieuwa montypot yat ywytip hap ete sio imompakup hap ete. Miꞌi hap koꞌi watunug̃ aipopap pote yn maꞌato Tupana kyꞌe hap upi iꞌewȳte aiwyriaꞌīn kyꞌe hap upi watunug̃ aiwehay pyi. — Saumu 110:3.
Ieuwa Ehay Enoi Haria teꞌeruwesetꞌok hawyi taꞌatuhoꞌpowȳro poꞌog̃ kuap congregação piaria. Kotā̃ e hap. Ihaig̃niaꞌīn tukupteꞌen kuap akag̃ koꞌi powȳro hatno iꞌewȳte akag̃ koꞌi wo tukupteꞌen kuap. Ihaig̃niaꞌīn hawyi haryporiaꞌīn tukupteꞌen kuap pioneiro wo. Iraniaꞌīn Ieuwa Ehay Enoi Haria tuwat taꞌatuhoꞌopowȳro Ieuwa montypot yat nug̃ hap ete hamo. Iꞌewȳte iraniaꞌīn tuwat iraniaꞌīn tawa koꞌi kape congregação koꞌi powȳro hamo.
2. Aikotā̃ hap puo pyi asom watiꞌatupowȳro kuap ahedinheiro ahekareꞌen koꞌi wo congregação piaria.
Watimontypot kuap Ieuwa aimij̃um poꞌog̃ waku rakat koꞌi hepiat hap puo pyi. (Porowepiu 3:9, TNM) Aiwepīt kahato hap wȳwo watum ahedinheiro sio irania kat koꞌi congregação piaria powȳro hamo iꞌewȳte mesūwat yi wato hap oktān Tupana Ehay enoi hap ete wahoꞌopowȳro wy. (Etimowempāp o 2 Kurintiu 9:7.) Aimij̃um koꞌi puo pyi aiwyriaꞌīn tiꞌatupowȳro kahato karāmpe putꞌokꞌe niatpo iunteꞌen satꞌe aria aiwyriaꞌīn yat ete turān sio yi tyryꞌe turān. Iraniaꞌīn tiꞌaira taꞌatupatꞌok taꞌatuedinheiro wuatꞌi semana sio wuatꞌi mês taꞌatuꞌywyk taꞌatumij̃um tuereto wuat hamo. (Etimowempāp o 1 Kurintiu 16:2.) Miꞌi hap watunug̃ kuap Ieuwa montypot yat piat caixa de donativo e hap pe sio site donate.pr418.com e hap puo pyi. Aipyꞌa pyi watum aimij̃um ahedinheiro sio kat koꞌi kat koꞌi watum hap puo pyi watimoherep kuap watikyꞌe kahato Ieuwa hap.
EREWANENTUP O ETIKUAP POꞌOG̃ HAMO
Etikuap hamo aikotā̃ aikotā̃ me etiꞌatupowȳro kuap congregação piaria hap.
3. Etiꞌatupowȳro o congregação piaria emij̃um dinheiro wo
Ieuwa hawyi Iesui taꞌatukyꞌe kahato mīt karāmpe mīt tum tomij̃um topyꞌa pyi pote. Kotā̃ e hap. Iesui ihaꞌat karāmpe hiwu hekatꞌi rakat tum tomij̃um Tupana piat hap kape. Eweimowempāp o Iruka 21:1-4. Miꞌi hawyi apoꞌe hap koꞌi ete eiwoꞌoꞌehay.
-
Waku asom watum kahato ahedinheiro Ieuwa mowepīt hamo.
-
Karāmpe aimij̃um watum aipyꞌa pyi pote aikotā̃ asom Ieuwa hawyi Iesui teꞌeropyhuꞌat.
Kat hap koꞌi asom aimij̃um dinheiro koꞌi wo taꞌatunug̃. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Kat hap koꞌi asom aimij̃um dinheiro koꞌi wȳwo taꞌatunug̃ mesūwat yi wato hap oktān congregação piaria powȳro hamo.
4. Wahoꞌopowȳro kuap aiwewi
Nimo Ieuwa montypot haria tipowȳro kahato Ieuwa montypot yat eropat hap ete. Maꞌato miꞌi hap taꞌatunug̃ taꞌatumij̃um dinheiro koꞌi wo ynꞌi. Eweimowempāp o 2 Koronika 34:9-11. Miꞌi hawyi eiwoꞌoꞌehay o apoꞌe hap etiat.
-
Aikotā̃ hap koꞌi puo pyi asom Isareu ywaniaria tiꞌatupowȳro Ieuwa montypot yat erohik hap ete.
Korā̃ Ieuwa Ehay Enoi Haria tunug̃ aikotā̃ Tupana Ehay piaria minug̃ hap ewy te. Ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.
-
Kat pote asom waku kahato wahywytip iꞌewȳte watimompakup tuereto Ieuwa montypot yat.
-
Aikotā̃ hap koꞌi puo pyi asom etipowȳro kuap.
5. Ihaig̃niaꞌīn tunug̃ kuap poꞌog̃ congregação piaria powȳro hamo
Tupana Ehay hoꞌonãpin Iesui mohey sēse haria ihaig̃niaꞌīn congregação piaria powȳro hamo hap ete. Erehaꞌat pyno kotā̃ e hap kape. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Vídeo puo pyi kat hap asom Ryan tunug̃ congregação piaria powȳro poꞌog̃ hamo.
Tupana Ehay henoi kat waku ihaig̃niaꞌīn tunug̃ tukupteꞌen akag̃ koꞌi powȳro hatno hamo hap etiat iꞌewȳte akag̃ wo tukupteꞌen hamo hap etiat hap. Eweimowempāp o 1 Timoteu 3:1-13. Miꞌi hawyi apoꞌe hap koꞌi ete eiwoꞌoꞌehay.
-
Ihaig̃niaꞌīn tukupteꞌen terān akag̃ koꞌi powȳro hatno hawyi akag̃ wo terān pote. Kat hap koꞌi asom waku taꞌatunug̃.
-
Kat hap koꞌi asom waku iharyꞌi wat hawyi imempytꞌīn wat toig̃ waku. — Ewetehaꞌat pyno hag̃a hit 4 hawyi 11.
-
Karāmpe akag̃ koꞌi powȳro haria iꞌewȳte akag̃ koꞌi tiꞌywoporo taꞌatumoherep Tupana Ehay piat wakuat koꞌi hap ewy pote aikotā̃ hamo asom torānia congregação piaria teꞌerepyhuꞌat hamo. Kat pote asom.
IRANIAꞌĪN APOꞌIꞌATUꞌE POTE Aikotā̃ meig̃ Ieuwa Ehay Enoi Haria iꞌatuedinheiro.
-
Kat ere aten etiꞌatuwesat.
WATUWEMŪꞌE RAꞌYN
Ieuwa iwepīt kahato karāmpe watiꞌatupowȳro congregação piaria aipohepap turān ahesaika hap wȳwo iꞌewȳte ahedinheiro ahekareꞌen koꞌi puo pyi hap upi hap.
Hotꞌokꞌe te asom
-
Aikotā̃ hap puo pyi asom watiꞌatupowȳro kuap congregação piaria ahesaika hap wȳwo aipohepap turān.
-
Aikotā̃ hap puo pyi asom ahedinheiro ahekareꞌen koꞌi puo pyi watiꞌatupowȳro kuap congregação piaria.
-
Aikotā̃ hap koꞌi puo pyi ehoꞌopowȳro terān congregação piaria.
ETIKUAP TERĀN POꞌOG̃ POTE
Etikuap hamo kat pote asom korā̃ Tupana ȳt tikyꞌesatꞌi poꞌog̃ watum dízimo hap.
Kat e asom Tupana Ehay henoi dízimo hap etiat. (Site jw.org piat)
Etikuap hamo kat waku ihaig̃niaꞌīn tunug̃ iꞌatupotpap poꞌog̃ congregação piaria powȳro hamo hap etiat.
En epotpap terān poꞌog̃ asom congregação piaria powȳro hamo. (A Sentinela, 15 de setembro de 2014)
Etikuap hamo iraniaꞌīn Ieuwa Ehay Enoi Haria niatpo kahato pykai maꞌato taꞌatuereto popera koꞌi aiwyriaꞌīn kape.
Popera koꞌi taꞌatuereto pya kahato wuat hap koꞌi kape (4:26)
Dinheiro erohik hap ete Ieuwa Ehay Enoi Haria teꞌeruweupi kahato iraniaꞌīn religião koꞌi kai.
Aikotā̃ meig̃ Ieuwa Ehay Enoi Haria iꞌatuedinheiro. (Site jw.org piat)
