WEMŪꞌE HAP 58
Etiꞌywoporo o Tupana montypot yne epyꞌa pyi hap.
Iesui mohey sēse haria taꞌatuꞌaira raꞌyn taꞌatupyꞌa pyi ȳt karāmpeꞌi taꞌatuꞌatoiat Ieuwa hamuat hap. En miꞌitā̃ hap etiꞌaira raꞌyn hanti. Ieuwa tipuenti waku kahato tomontypot epyꞌa pyi hap. (Etimowempāp o 1 Koronika 28:9.) Maꞌato kat hap koꞌi asom eiãꞌãg̃ kuap niatpo etimontypot Ieuwa yne epyꞌa pyi hamo iꞌewȳte kat hap koꞌi asom epowȳro kuap miꞌi hap koꞌi akit hamo.
1. Aikotā̃ hap koꞌi puo pyi asom iraniaꞌīn aimoꞌakag̃ꞌia kuap ȳt watimontypotꞌi poꞌog̃ Ieuwa aipyꞌa pyi hamo.
Iraniaꞌīn aimoꞌakag̃ꞌia hamo ȳt watimontypotꞌi poꞌog̃ Ieuwa hamo hap ete. Maꞌato uwe asom miꞌi hap inug̃ terān aiwȳwo. Saꞌawyꞌi te iraniaꞌīn Ieuwa montypot haria maꞌato taꞌatuꞌatoiat Ieuwa hawyi iꞌatuehay saꞌag̃ Ieuwa emītꞌīn etiat iꞌewȳte Ieuwa mohey ahepiat hap taꞌatumomã terān. Miꞌiria set apóstata e. Iꞌewȳte iraniaꞌīn religião ȳt pȳwo piatꞌi rakaria akag̃ iꞌatueso ahetiat aimoꞌakag̃ꞌia hamo watoiat pȳwuat e hap koꞌi hamo. Meig̃muewuaria wȳwo waku aimitumo ȳt aimoꞌakag̃ꞌia hamoꞌi. Ȳt nakuꞌi iꞌatuwȳwo watuꞌuka sehay wo neig̃ watimowempāp iꞌatumiwan koꞌi popera neig̃ watuwanentup iꞌatuewowi internet puo pyi. Iesui toꞌe aimoꞌakag̃ꞌia terān haria etiat — Miꞌiria ti tukupteꞌen ȳt ihapytig̃ꞌi rakaria ewy. Miꞌiria ti karāmpe ȳt ihapytig̃ rakariaꞌi toꞌoporereto iraniaꞌīn hawyi meremo hewo yne yi kaꞌa pe e. — Mateu 15:14.
2. Aikotā̃ rakat aimiꞌaira hap puo pyi asom watimoherep kuap watikyꞌe sēse Ieuwa aipyꞌa pyi hap.
Watikyꞌe kahato Ieuwa hap upi ȳt wato hamoꞌi religião ȳt pȳwo piat rakaria upi neig̃ watuwanentup hamo iꞌatumienoi koꞌi kape. Miꞌi pote ȳt karāmpe hamoꞌi religião ȳt pȳwo piatꞌi rakaria upi aipotpap iꞌatupowȳro hamo. Neig̃ kat koꞌi kat koꞌi watunug̃ hamo iꞌatuꞌupi. Ieuwa ainãpin — Uhemītꞌīn e eiwenõꞌẽ ro pya kahato Papironia wato pyi e. — Iesui Aru E Hap 18:2, 4.
EREWANENTUP O ETIKUAP POꞌOG̃ HAMO
Etikuap hamo kat koꞌi hap waku etunug̃ ȳt karāmpeꞌi epohep Ieuwa montypot yne epyꞌa pyi hap ete hamo hap. Etikuap hamo aikotā̃ me etimoherep kuap erẽtem sēse kuap Papironia wato pyi hap.
3. Emitumo o woꞌopotmūꞌe ȳt pȳwo piatꞌi rakaria pupi
Karāmpe iꞌatuehay saꞌag̃ Ieuwa emītꞌīn etiat hawyi iꞌatuminug̃ koꞌi etiat pote. Kat asom waku watunug̃. Eweimowempāp o Porowepiu 14:15. Miꞌi hawyi eiwoꞌoꞌehay o apoꞌe hap etiat.
-
Kat pote asom waku aimitumo ȳt watimohey yneꞌi sehay koꞌi ete hamo.
Eweimowempāp o 2 Iuwãu 9-11, TNM. Miꞌi hawyi apoꞌe hap koꞌi ete eiwoꞌoꞌehay.
-
Wentup ok Ieuwa Ehay Enoi Hat tuwepyi neꞌi totoiat Ieuwa hawyi ihay saꞌag̃ kahato hemītꞌīn etiat. Miꞌi turān kan waku watunug̃.
-
Wepyi Ieuwa atoiat haria hawyi ihay saꞌag̃ hemītꞌīn etiat rakaria wȳwo ȳt ahehayꞌi. Maꞌato aikotā̃ hap koꞌi puo pyi asom aimoꞌakag̃ꞌia kuap.
-
Ieuwa emītꞌīn etiat ihay saꞌag̃ nakaria mienoi koꞌi kape watuwanentup tuereto pote. Aikotā̃ hamo asom Ieuwa topyhuꞌat.
4. Etiꞌywoporo o Tupana montypot yne epyꞌa pyi hap aikotā̃ aiwyriaꞌīn tiꞌaparap poityꞌi kahato pykai
Watikuap wentup ok congregação piat miꞌaparap poityꞌi kahato hap etiat. Miꞌi pote kan waku watunug̃. Etikuap hamo kat e nimo Tupana temītꞌīn Isareu ywaniaria piat hap puo pyi hamo. Eweimowempāp o Irewitiku 5:1.
Mesūwat hag̃a hit henoi watikuap wentup ok miꞌaparap poityꞌi hap etiat pote waku wahenoi akag̃ koꞌi pe. Maꞌato miꞌi hap eꞌyj̃an mete perupꞌi popuo watipowȳro mīt henoi tomiꞌaparap poityꞌi etiat akag̃ koꞌi pe hamo. Maꞌato miꞌi hap ȳt tutunug̃ꞌi pote watikyꞌe Ieuwa hap upi wahenoi hamo akag̃ koꞌi pe imiꞌaparap poityꞌi etiat. Kat pote asom aiminug̃ hap puo pyi watimoherep
-
watikyꞌe Tupana Ieuwa hap.
-
watikyꞌe iꞌaparap poityꞌi rakat hap.
-
watikyꞌe congregação piaria hap.
Etikuap wentup ok ewyꞌok miꞌaparap pote waku merep etipowȳro
5. Pyꞌa o ereig̃neꞌen Papironia wato kai
Eweimowempāp o Iruka 4:8 hawyi Iesui Aru E Hap 18:4, 5. Miꞌi hawyi apoꞌe hap koꞌi ete eiwoꞌoꞌehay.
-
Uito areto te asom irania religião ȳt pȳwo piatꞌi rakat koꞌi waꞌatunug̃ hap kape.
-
Religião ȳt pȳwo piatꞌi rakaria teꞌeruwaꞌatunug̃ motpap kat koꞌi kat koꞌi nug̃ hap ete irania powȳro hamo. Miꞌi hap ete asom ahoꞌopowȳro te.
-
Uipotpap hap asom religião ȳt pȳwo piatꞌi rakaria powȳro.
-
Waku asom arekoꞌywyk poꞌog̃ religião ȳt pȳwo piatꞌi rakat pyi arẽtem sēse hamo.
-
Meig̃muewuat apoꞌe hap koꞌi ete etiwesat miꞌitā̃ ere pote. Kan waku etunug̃ hamo etiꞌywyk eko hamo.
Yne hap ete waku etimoherep emiꞌaira puo pyi etimontypot Ieuwa yne epyꞌa pyi hap iꞌewȳte ewanentup hap ȳt moꞌarōtꞌi hamo hap.
Religião ȳt pȳwo piatꞌi rakaria hentup epiat taꞌatupowȳro hap ihakyꞌeꞌi rakaria powȳro hamo pote kat asom waku etunug̃.
IRANIAꞌĪN TEꞌEROꞌE Wewiat Ieuwa atoiat haria ehay saꞌag̃ Ieuwa emītꞌīn etiat hap waku atikuap atiꞌatukawiano Ieuwa emītꞌīn hamo iꞌatuꞌe.
-
Ewanentup hawe miꞌi hap mīt tunug̃ mote toimoherep hamo asom weꞌeg̃ hap. Kat pote miotā̃ ere.
WATUWEMŪꞌE RAꞌYN
Watiꞌywoporo Ieuwa montypot yne aipyꞌa pyi hamo ȳt nakuꞌi ahehay aimaꞌat terān haria wȳwo neig̃ ahewyry iꞌatuwȳwo.
Hotꞌokꞌe te asom
-
Wepyi Ieuwa atoiat hawyi iꞌatuehay saꞌag̃ hemītꞌīn etiat rakaria. Kat pote asom ȳt nakuꞌi watuwanentup iꞌatumienoi koꞌi saꞌag̃ kape.
-
Watikuap wentup ok congregação piat miꞌaparap poityꞌi kahato hap etiat. Miꞌi pote kan waku watunug̃.
-
Uhemītꞌīn eiwenõꞌẽ ro religião ȳt pȳwo piatꞌi rakat pyi e. Aikotā̃ me asom watimontypot sēse kuap mesūwat woꞌonãpin hap.
ETIKUAP TERĀN POꞌOG̃ POTE
Etikuap hamo kat waku etunug̃ karāmpe iraniaꞌīn iꞌatuehay saꞌag̃ sio iꞌatueso tueso Ieuwa Ehay Enoi Haria etiat turān hap.
Etikuap yne asom iꞌatumienoi hap koꞌi etiat. (A Sentinela, agosto de 2018)
Etikuap hamo aikotā̃ hap koꞌi puo pyi etikuap religião ȳt pȳwo piatꞌi rakat koꞌi powȳro hap iꞌewȳte motpap hap iꞌewȳte irania kat koꞌi hap etiat.
Iraniaꞌīn ahewanig̃kaptiaria aimoꞌakag̃ꞌia terān ahepiat Ieuwa mohey hap hesaikaꞌi poꞌog̃ hamo.
Etikuap hamo kat pote wentup paꞌi xintoísta toiat religião ȳt pȳwo piatꞌi rakat. Etikuap hamo etimowempāp o Uihire pyi atikuap kahato terān Tupana etiat e hap.
