WEMŪꞌE HAP 59
Emosoꞌopot Ieuwa montypot hap upi pykai etiꞌywoporo kuap te imontypot hap ete.
Korā̃ sio meij̃uran epote torānia Iesui mohey sēse haria ete putꞌokꞌe hamo niatpo hap iꞌewȳte iraniaꞌīn piat iꞌatumosoꞌopot kuap hap wy. Miꞌi turān waku asom watokenꞌẽ.
1. Kat pote asom watikuap ti raꞌyn iraniaꞌīn piat aimosoꞌopot hamuat hap.
Tupana Ehay toꞌe — Uwe uwe topyhuꞌat terān Aikaꞌiwat Iesui ewy hewaku hap ewy miꞌi hat wyti mītꞌīn mikyryꞌi hamo mītꞌīn misatyꞌi satyꞌi wo topyhuꞌat e. (2 Timoteu 3:12) Iesui ete iꞌatumikyryꞌi kat pote ȳt tutunug̃ꞌi mesuwarotiat seko saꞌag̃ koꞌi ewy pote. Miꞌi hap ewy aitoria ȳt watunug̃ꞌi mesuwarotiat seko koꞌi wy. Miꞌi pote watikuap ti raꞌyn karāmpe morekuaria iꞌewȳte religião piaria ȳt iꞌatuweseꞌi ahete sio aimosoꞌopot hamuat hap. — Iuwãu 15:18, 19.
2. Ieuwa montypot hap upi iraniaꞌīn aimosoꞌopot kuap. Maꞌato miꞌi hap eꞌyj̃an mete kat koꞌi hap asom waku watunug̃ naꞌyn.
Waku korā̃ pyi ti raꞌyn watimoesaika ahepiat Ieuwa mohey hap. Epohepapꞌi pykai waku wuatꞌi eꞌāt pe ehentup Ieuwa kape iꞌewȳte etimowempāp Tupana Ehay. Waku ereto wuatꞌi waꞌatunug̃ hap koꞌi kape. Miꞌi hap koꞌi emoesaika hamo ȳt ekenꞌẽ hap wȳwoꞌi etiꞌakit iraniaꞌīn piat emosoꞌopot Ieuwa montypot hap upi akit hamo. Ieuwa montypot hap upi Pauru sēse mītꞌīn timosoꞌopot. Maꞌato miotā̃ e — Pȳwo. Uipowȳro kahato hat en Ieuwa. Miꞌi pote aikotā̃ aikotā̃ saꞌag̃ mītꞌīn tunug̃ uhetiat pykai ȳt arekenꞌẽ hinꞌi e. — Epereu 13:6.
Iꞌewȳte watimoesaika kuap aikenꞌẽꞌi hap wahenoi tuereto Tupana Ehay etiat hap. Tupana Ehay enoi hap aipowȳro watuwemohey poꞌog̃ Ieuwa ete hamo. Iꞌewȳte aipowȳro ȳt watokenꞌẽꞌi mītꞌīn pupi ihay enoi hamo hap. (Porowepiu 29:25) Korā̃ pyi raꞌyn ȳt aikenꞌẽ hap wȳwoꞌi wahenoi Tupana Ehay etiat pote meij̃uran epote niatpoꞌi poꞌog̃ hamo wahenoi Tupana Ehay etiat karāmpe morekuaria ȳt tikyꞌesatꞌi pykai. — 1 Tesaronika 2:2.
3. Kat hamo asom aipowȳro aimosoꞌopot Ieuwa montypot hap upi maꞌato ȳt aipohepꞌi imontypot ete hap pote.
Ieuwa montypot hap upi ȳt uweꞌi ikyꞌesat tetiat niatpo hap neig̃ hoꞌopot hap. Maꞌato miꞌitā̃ pykai watiꞌywoporo te pote ahepiat Ieuwa mohey hap hesaika poꞌog̃ hawyi Ieuwa wyꞌok wo poꞌog̃ watoig̃neꞌen hamo kat pote watikuap hamo karāmpe ahupit kuapꞌi poꞌog̃ sio niatpo hap koꞌi watoꞌe turān miꞌi aipowȳro aimoesaika hamo. (Etimowempāp o Tiaku 1:2-4.) Ieuwa timohaty kahato karāmpe tehaꞌat wahoꞌopot hap kape pote maꞌato iwepīt kahato karāmpe wahoꞌopot pykai ȳt aipohep terānꞌi imontypot hap ete pote. Tupana Ehay toꞌe — Karāmpe morekuaria esuraraꞌīn koꞌi eiꞌapiheg̃ ȳt katꞌi watunug̃ saꞌag̃ pykai Iesui mohey haria aito pote miꞌi turān waku kahato eiperia e Tupana ahepe. (1 Peteru 2:20) Uwe uwe ȳt ipunꞌi Ieuwa kyꞌe hap miꞌi haria wyti tukupteꞌen wuatꞌi eꞌāt pe nusuken note ȳt hoꞌopot hap wȳwoꞌi aikotā̃ Ieuwa e hap ewy hamo. — Mateu 24:13.
EREWANENTUP O ETIKUAP POꞌOG̃ HAMO
Etikuap hamo Ieuwa montypot hap upi aimosoꞌopot kuap maꞌato miꞌitā̃ pykai watimontypot kuap te yne aipyꞌa pyi hap iꞌewȳte etikuap hamo miꞌi hap etunug̃ mote epoitȳro kahato hamo hap.
4. Etiꞌywoporo kuap te Ieuwa montypot hap eꞌyat piaria ȳt tikyꞌesatꞌi pykai
Iesui tikuap ti raꞌyn asuwe aiꞌȳwot aity aikywyt aheinyt ȳt taꞌatukyꞌesat hamoꞌi watimontypot Ieuwa hap. Eweimowempāp o Mateu 10:34-36. Miꞌi hawyi eiwoꞌoꞌehay o apoꞌe hap etiat.
-
Karāmpe mīt tiꞌaira Ieuwa montypot hamuat hap miꞌi hawyi kan tuwemoherep kuap.
Miꞌi hap etiat eweikuap poꞌog̃ hamo ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Wentup eꞌāt pe eꞌyat piaria sio ewyꞌokria ȳt tikyꞌesatꞌi etimontypot Ieuwa hap pote. Kat hap asom etunug̃ hamo.
Eweimowempāp o Saumu 27:10 hawyi Maku 10:29, 30. Wentup tewoꞌi eweimowempāp kahu hawyi eiwoꞌoꞌehay o apoꞌe hap etiat.
-
Aikotā̃ me asom mesūwat Tupana Ehay piat e hap epowȳro kuap karāmpe eꞌyat piaria sio ewyꞌokria ȳt tikyꞌesatꞌi etimontypot Ieuwa pote hap.
5. Etiꞌywoporo kuap te Ieuwa montypot hap morekuaria ȳt tikyꞌesatꞌi pykai
Karāmpe iraniaꞌīn aipyhyp Ieuwa montypot hap ete pote waku watiꞌywoporo Ieuwa montypot hap ȳt aikenꞌẽ hap wȳwoꞌi. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Vídeo piaria mienoi koꞌi aikotā̃ hap ete emoesaika.
Eweimowempāp o Iesui Potmūꞌeria 5:27-29 hawyi Epereu 10:24, 25. Wentup tewoꞌi eweimowempāp kahu hawyi eiwoꞌoꞌehay o apoꞌe hap etiat.
-
Ȳt ewehenoi teiꞌo Tupana Ehay ȳt eiwaꞌatunug̃ poꞌog̃ neiꞌo Ieuwa montypot hamo iꞌatuꞌe morekuaria pote. Kat pote asom waku kahato watiꞌywoporo te Ieuwa montypot hap.
6. Ieuwa epowȳro hamo etiꞌywoporo tomontypot hap etiat hamo hap
Wuatꞌi ywania tote Ieuwa Ehay Enoi Haria hoꞌokup. Taꞌatumontypot Ieuwa hap upi sēse morekuaria tiꞌatumosoꞌopot kahato ipōro rakaria ipakup takaria maꞌato ȳt iꞌatupohepꞌi Ieuwa montypot yne taꞌatupyꞌa pyi hap ete morekuaria tikyꞌesatꞌi pykai. Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Kan vídeo piaria powȳro taꞌatuꞌywoporo taꞌatumontypot Ieuwa hap morekuaria ȳt tikyꞌesatꞌi pykai hap.
Eweimowempāp o Humanu 8:35, 37-39 hawyi Wiripu 4:13. Wentup tewoꞌi eweimowempāp kahu hawyi eiwoꞌoꞌehay o apoꞌe hap etiat.
-
Aikotā̃ me asom mesūwat Tupana Ehay piat e hap emoesaika kuap etimohey etiꞌakit kuap yne niatpo eiãꞌag̃ hap koꞌi hap ete hap.
Eweimowempāp o Mateu 5:10-12. Miꞌi hawyi eiwoꞌoꞌehay o apoꞌe hap etiat.
-
Karāmpe morekuaria ȳt tikyꞌesatꞌi ehenoi Tupana Ehay hap iꞌewȳte Ieuwa montypot hap pote. Miꞌitā̃ pote kat pote asom ewepīt kuap te.
Typyꞌi kahato raꞌyn Ieuwa emītꞌīn taꞌatuhoꞌomosoꞌopot maꞌato taꞌatuꞌywoporo Ieuwa montypot hap. En miꞌitā̃ kuap wy.
IRANIAꞌĪN TEꞌEROꞌE Ieuwa montypot hap upi morekuaria aimosoꞌopot pote niatpo hawyi ȳt ahupit hamoꞌi iꞌatuꞌe.
-
Aikowan Tupana Ehay piat e hap koꞌi ipowȳro kuap niatpo hap koꞌi toiꞌakit ȳt tokenꞌẽ hap wȳwoꞌi hamo hap.
WATUWEMŪꞌE RAꞌYN
Karāmpe mītꞌīn aimosoꞌopot Ieuwa montypot hap upi pykai maꞌato aipohepꞌi pote Ieuwa iwepīt kahato aiwȳwo. Iꞌewȳte ipowȳro hap puo pyi watiꞌywoporo hamo imontypot hap ete.
Hotꞌokꞌe te asom
-
Kat pote asom watikuap ti raꞌyn iraniaꞌīn piat aimosoꞌopot hamuat hap.
-
Ieuwa montypot hap upi iraniaꞌīn emosoꞌopot kuap. Maꞌato miꞌi hap eꞌyj̃an mete kat hap koꞌi asom waku etunug̃ naꞌyn.
-
Mītꞌīn ȳt tikyꞌesatꞌi Tupana Ehay enoi hap neig̃ Ieuwa montypot hap. Miꞌi turān kat pote asom etiꞌywoporo kuap te Ieuwa montypot hap.
ETIKUAP TERĀN POꞌOG̃ POTE
Etikuap hamo aiwyꞌok taꞌatupyhyp ȳt tutunug̃ꞌi mesuwarotiaria seko koꞌi ewy pote. Maꞌato aikotā̃ me asom Ieuwa tipowȳro toiꞌywoporo Ieuwa montypot hamo hap.
Taꞌatupyhyp pyhyp pykai maꞌato toiꞌywoporo te Ieuwa montypot hap (2:34)
Etikuap hamo kat seꞌaito seharyꞌi powȳro taꞌatumontypot Ieuwa yne taꞌatupyꞌa pyi te hamo niatpo kahato ȳt morekuaria tikyꞌesatꞌi pykai hap.
Etikuap hamo kat epowȳro kuap ȳt ekenꞌẽ hap wȳwoꞌi etiꞌakit niatpo morekuaria piat ȳt tikyꞌesatꞌi etimontypot Tupana hamo turān hap.
Kan waku etunug̃ mītꞌīn emoꞌosatyꞌi hap ete hamo turān. (A Sentinela, julho de 2019)
Watikuap ti raꞌyn Ieuwa montypot hap upi asuwe aiwyriaꞌīn ȳt tikyꞌesat hamoꞌi hap. Miꞌitā̃ mote aikotā̃ me asom watunug̃ kuap woꞌowese hap iꞌewȳte ȳt aipohepꞌi Ieuwa montypot ete hamo hap.
