Mesūwat ewemūꞌe hap puo pyi etikuap kahato raꞌyn Ieuwa etiat. Iꞌewȳte yne emikuap koꞌi puo pyi epiat Ieuwa kyꞌe hap hesaika poꞌog̃ hawyi etum naꞌyn eweig̃neꞌen hap Ieuwa pe hawyi eresetꞌok taꞌyn. Maꞌato miꞌi hap ȳt etunug̃ ite pote maꞌato erewanentup kahato ewesetꞌok hamuat kapiat hap pykai. Maꞌato eresetꞌok hawyi asom waku raꞌyn. Ȳtꞌi. Waku etiꞌywoporo te Ieuwa wyꞌok wo wuatꞌi eꞌāt pe ereig̃neꞌen hamo hap. Maꞌato aikotā̃ me asom miꞌi hap etunug̃ kuap.

1. Kat pote asom waku etiꞌywoporo te Ieuwa wyꞌok wo poꞌog̃ ereig̃neꞌen hamo hap.

Waku wuatꞌi eꞌāt pe watiꞌywoporo Ieuwa wyꞌok wo watoig̃neꞌen hamo hap. Kat pote asom. Kat pote ȳt karāmpeꞌi watoiat Tupana hamo. (Epereu 3:12) Kat asom aipowȳro kuap watiꞌywoporo watimontypot Ieuwa aipyꞌa pyi hamo. Waku watiꞌywoporo wahenoi Tupana Ehay etiat mītꞌīn pe hap iꞌewȳte waku watikat kat koꞌi kat koꞌi watunug̃ poꞌog̃ Ieuwa montypot hamo hap ete hap. (Etimowempāp o Wiripu 3:16, TNM.) Aheig̃neꞌen te turān poꞌog̃ waku rakat watiꞌaira Ieuwa montypot hap. — Saumu 84:10.

2. Kat koꞌi nug̃ hap ete asom waku etiꞌywoporo te.

Mesūwat ewemūꞌe Tupana Ehay etiat hap ikahuro hamo raꞌyn maꞌato Ieuwa montypot hap epiat hap waku etiꞌywoporo wuatꞌi eꞌāt pe. Tupana Ehay toꞌe ahepe — Waku Tupana wanentup hap ewy waku watopag̃ aiwanentup hawe e. Miotā̃ e hap puo pyi aimūꞌe terān waku wahaꞌag̃ Ieuwa wat wakuat koꞌi hap. (Ewesu 4:23, 24) Miꞌi pote waku watiꞌywoporo aiwemūꞌe Tupana Ehay etiat hap iꞌewȳte wato waꞌatunug̃ koꞌi kape hap. Watiꞌywoporo aiwemūꞌe Tupana Ehay etiat hap pote watikuap poꞌog̃ hamo Ieuwa etiat iꞌewȳte Ieuwa wat wakuat koꞌi etiat iꞌewȳte watekoꞌywyk imikyꞌesat nug̃ hamo. Miꞌi hap watunug̃ mote watimowepīt kahato hamo aiꞌȳwot Ieuwa.

3. Aikotā̃ me asom Ieuwa epowȳro kuap towyꞌok wo poꞌog̃ ereig̃neꞌen hamo.

Tupana Ehay toꞌe — Meij̃uran Tupana mimotag̃ koꞌi wo eweikupteꞌen. Waku rakaria hampȳk takaria wo hesaika rakaria wo e. (1 Peteru 5:10) Torānia ahete putꞌokꞌe ahaꞌag̃ hap koꞌi maꞌato Ieuwa aipowȳro miꞌi hap koꞌi akit hamo watiꞌywoporo aipyꞌa pyi tomontypot hamo. (Saumu 139:23, 24) Ieuwa epowȳro kuap etunug̃ yne epyꞌa pyi terān imikyꞌesat koꞌi hamo iꞌewȳte emoesaika hamo wy. —  Etimowempāp o Wiripu 2:13, TNM.

 EREWANENTUP O ETIKUAP POꞌOG̃ HAMO

4. Etiwāure teiꞌo ehay tuereto yn ewyꞌok sēse wȳwo hap

Ehentup Ieuwa kapiat hap iꞌewȳte eremūꞌe Tupana Ehay etiat hap epowȳro raꞌyn Ieuwa wyꞌok wo ereig̃neꞌen hamo hap. Maꞌato aikotā̃ me asom miꞌi hap koꞌi epowȳro kuap poꞌog̃ Ieuwa wyꞌok wo poꞌog̃ ereig̃neꞌen hamo.

Eweimowempāp o Saumu 62:8. Miꞌi hawyi eiwoꞌoꞌehay o apoꞌe e hap etiat.

• Mesūwat puo pyi ehentup Ieuwa kape turān. Kat hap koꞌi poꞌog̃ asom waku etunug̃ kuap iwyꞌok wo poꞌog̃ ereig̃neꞌen hamo.

Eweimowempāp o Saumu 1:2. Miꞌi hawyi eiwoꞌoꞌehay o apoꞌe hap etiat.

• Mesūwat puo pyi etimowempāp Tupana Ehay turān. Kat hap poꞌog̃ asom etunug̃ kuap Ieuwa wyꞌok wo poꞌog̃ ereig̃neꞌen hamo.

Eweran eremūꞌe turān kat hap koꞌi asom etunug̃ kuap poꞌog̃ epowȳro poꞌog̃ hamo. Etikuap poꞌog̃ hamo ewetehaꞌat pyno VÍDEO kape. Miꞌi hawyi apoꞌe hap koꞌi ete eiwoꞌoꞌehay.

• Vídeo piaria mienoi hap ewy kat hap asom etunug̃ terān iꞌatuewy.

• Kat hap koꞌi etiat asom eremūꞌe terān poꞌog̃ etikuap poꞌog̃ hamo.

 WATUWEMŪꞌE RAꞌYN

Etiꞌywoporo o Ieuwa wyꞌok wo poꞌog̃ ereig̃neꞌen hamo hap. Iꞌewȳte etiꞌywoporo o kat koꞌi kat koꞌi nug̃ Ieuwa montypot ete hamuat hap ete. Miꞌitā̃ mote ewepīt hamo wuatꞌi eꞌāt pe.

Hotꞌokꞌe te asom

• Kat pote etimohey kahato kuap Ieuwa piat epowȳro hamuat etiꞌywoporo tomontypot hamuat hap ete hap.

• Aikotā̃ hap koꞌi puo pyi asom Ieuwa wyꞌok wo ereig̃neꞌen poꞌog̃ kuap.

• Kat pote asom waku kahato hamo te epe etunug̃ terān poꞌog̃ Ieuwa montypot hamo hap ete hap.