Epiat Sehay Wakuat Koꞌi Tupana Kaipywiat.
Aikowan Tupana kaipywiat sehay wakuat koꞌi. Kat pote asom watimohey kuap Tupana kaipywiat sehay wakuat koꞌi ete. Mītꞌīn apo apo iꞌatuꞌe Tupana Ehay ete. Erehaꞌat o iwesat hap koꞌi meikowat popera pe.
Aikotā̃ meig̃ meikowat popera epowȳro kuap.
Aikotā̃ meig̃ meikowat popera epowȳro kuap. Aikotā̃ meig̃ etipuenti kuap Tupana Ehay piat e hap koꞌi.
WEMŪꞌE HAP 1
Aikowan Tupana kaipywiat sehay wakuat koꞌi.
Erehaꞌat o Aikowan Tupana kaipywiat sehay wakuat koꞌi e hap iꞌewȳte Kat pote asom sehay wakuat koꞌi hap watikyꞌesat raꞌyn e hap.
WEMŪꞌE HAP 2
Kat hag̃ waku watikuap Tupana etiat.
Het asom Tupana. Tenentup asom Tupana mītꞌīn kape.
WEMŪꞌE HAP 4
Uwe asom Iesui.
Etikuap poꞌog̃ hamo kat pote asom Iesui ikuꞌuro e hap Kat hag̃ aipyhik e hap hawyi Kat asom mio Iesui tunug̃ e hap.
WEMŪꞌE HAP 5
Kat hamo asom mesūwat yi Tupana tunug̃.
Tupana Ehay henoi Kat hamoig̃ mesūwat yi Tupana tunug̃ e hap Karāmpe aru ahepiat hoꞌopot hap koꞌi Tupana timomã e hap Karāmpe aru mesūwat yi Nusuken wo e hap iꞌewȳte Uweꞌīn aru tukupteꞌen mesūwat yi Nusuken note e hap.
WEMŪꞌE HAP 6
Kan tuwemoherep ikuꞌuro rakaria wȳwo.
Aiwyriaꞌīn hawyi aiwyꞌok koꞌi iꞌatukuꞌuro hawyi iꞌatuꞌehaig̃te kuap te asom. Kan tuwemoherep iꞌatuwȳwo.
WEMŪꞌE HAP 7
Aikotā̃ me aru Ieuwa Aiporekuatno.
Uweig̃ Tupana tiꞌaira Aiporekuatno hamo hawyi kat asom Tupana Porekuat tunug̃ hamuat.
WEMŪꞌE HAP 8
Kat pote asom toig̃ kahato hoꞌopot hap koꞌi.
Karāmpe pyig̃ tuwesoꞌowynug̃ saꞌag̃ koꞌi hap. Kat pote asom Tupana ȳt timomã ite hoꞌopot hap koꞌi wȳwo. Hoꞌopot hap asom ikahuro hamuat.
WEMŪꞌE HAP 9
Kan aimowepīt kuap aheꞌaito aheharyꞌi aimempytꞌīn wȳwo.
Ieuwa iwepīt kahato rakat miꞌi pote toikyꞌesat seꞌaito seharyꞌi taꞌatumempytꞌīn wȳwo taꞌatuwepīt kahato hap wy. Erehaꞌat Tupana Ehay woꞌonãpin hap koꞌi seꞌaitoꞌīn seharyꞌīn ȳwotꞌīn nyꞌīn mempytꞌīn kapiat.
WEMŪꞌE HAP 10
Aikowat asom religião pȳwo piat sese rakat.
Karania asom religião pȳwo piat sese rakaria. Etikuap hamo aikotā̃ me aru etikuap aikowan religião pȳwo piat sese rakat e hap.
WEMŪꞌE HAP 11
Aikotā̃ meig̃ Tupana Ehay aipowȳro kuap.
Karānia asom Tupana woꞌonãpin hap torānia kawiat poꞌog̃ waku rakat. Iesui henoi tȳpy e. Aikowan. Etikuap apo.
WEMŪꞌE HAP 12
Aikotā̃ meig̃ Tupana wyꞌok wo watoig̃neꞌen kuap.
Tupana tenentup yne asom hentup haria kape. Kat pote asom waku watuwaꞌatunug̃ Tupana montypot hamo imontypot sese haria wȳwo.
WEMŪꞌE HAP 13
Kan tuwemoherep hamuat religião koꞌi wȳwo.
Karāmpe aru torānia imontypot hamo Tupana wentup religião pe yn.
WEMŪꞌE HAP 14
Waku asom watuwaꞌatunug̃ iraniaꞌīn mītꞌīn wȳwo Tupana montypot hamo.
Tupana Ehay puo pyi watikuap kat pote asom Ieuwa Montypot Sese Haria teꞌeruwaꞌatunug̃ tuereto Tupana montypot hamo.
WEMŪꞌE HAP 15
Kat pote asom waku etiꞌywoporo ewemūꞌe Tupana Ehay etiat hap.
Kat pote asom waku etiꞌywoporo ewemūꞌe Tupana Ehay etiat hap. Aikotā̃ me asom etiꞌatupowȳro kuap iraniaꞌīn. Aikotā̃ me asom ewemūꞌe Tupana Ehay piat hap epowȳro kuap.
